2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
Biscay Eco Aggregates lantegia eraikitzeko obrak, Bilboko Portuan. Argazkia: Petronor.
2026an jarriko da martxan Biscay Eco Aggregates planta, Bilboko Portuan, Petronorrek eta OCO Technology enpresak bultzatutako eko-agregakin sintetikoen lantegia. Proiektuak 20 milioi euroko inbertsioa du eta, obra zibileko fasea behin amaituta, ekipoak muntatzen hasiak dira.
Petronorrek ohar bidez jakinarazi duenez, proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen planta industriala izango da. Material horiek CO2-a harrapatzen dute, bai ekoizpen prozesuan, baita bizi baliagarrian ere.
Proiektua finantzatzeko, Kutxabankek 11,5 milioi euroko mailegua sinatu zuen irailaren 2an; "finantza-babes handia", Petronorrek azpimarratu duenez.
Biscay Eco Aggregatesek Petronor (% 75) eta Britainiako OCO Technology enpresak (% 25) ditu akziodun, eta lantegia Bilboko Portuko AZ1 kaian egongo da.
Fabrikazio prozesuan, planta berriak harrapatutako CO2 gasa erabiliko ditu hondakinak tratatzeko, horiek zabortegietan amaitzea saihesteko (orain arte horrela egin izan da), eta horrek CO2 emisioak murriztuko ditu, baita hondakinak ere, balorizazio materialaren bidez.
Sintetikoa kareharrizko agregakin artifizial bat da, errausketa eta CO2 hondakinak erabiltzen dira lehengai gisa hura sortzeko, eta ekoitzi ondoren ere atmosferako CO2-a harrapatzen jarraitzen du. Horrela, agregakin naturala ordezkatzen du, eta "ekonomia zirkularraren adibide" gisa aurkeztu dute, "CO2 emisioak murriztuko dituena, eta baita hondakinak ere, balorizazio materialaren bidez", nabarmendu du Petronorrek.
232 proposamenen artean hautatu zen proiektua 2021ean, karbono isuri gutxiko teknologia berritzaileen proiektuetarako dirulaguntzak ematen dituen Innovation Fund Small Scale programan. Programa horrek 3,2 milioiko zuzkidura dakar. Horrez gain, Indartu programaren barruan dago, eta 1.160.000 euro jasotzen ditu hortik.
Ekonomiari buruzko albiste gehiago
Gasteizko lorazainek sei hilabete beteko dituzte greban ostiralean eta manifestazioa deitu dute egun horretarako
Gaur goizean Gasteizen eskainitako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.
BPGa % 2,2 handitu da Euskadin 2025eko bigarren hiruhilekoan
Eustatek zabaldutako datuen arabera, urte arteko hazkundea % 1,4koa izan da, hau da, aurreko urteko bigarren hiruhilekoan baino 14 035 lanpostu gehiago sortu dira aurten.