Jaurlaritzak hamarren bat igo ditu hazkunde-aurreikuspenak: % 2,2koa izango da aurten, eta % 1,9koa 2026an
Mikel Torres lehendakariorde eta Ekonomia, Lan eta Enplegu sailburuak adierazi duenez, Euskadik "ekonomia indartsua du, etorkizuneko erronkei aurre egiteko prest dago, eta nazioarteko edozein ziurgabetasunen aurrean egokitzeko gaitasuna du". Hazkunde horren gakoa barne-eskaria izango da.
Eusko Jaurlaritzak hamarren bat igo ditu aurtengo eta datorren urteko hazkunde ekonomikoaren aurreikuspenak, ekainean egindako aurreikuspenekin alderatuta. Horrela, EAEko ekonomia % 2,2 haziko da aurten, eta, % 1,9, 2026an, Mikel Torres Eusko Jaurlaritzako lehendakariorde eta Ekonomia, Lan eta Enplegu sailburuak iragarri duenez.
Gobernu Kontseiluaren asteroko bileraren ostean komunikabideen aurrean Torresek azpimarratu duenez, Euskadi "etorkizuneko erronkei aurre egiteko prest dago eta nazioarteko edozein ziurgabetasunen aurrean egokitzeko gaitasuna duen ekonomia indartsua da".
2023ko eta 2024ko urteetako kontuen berrikuspenak agerian utzi du euskal ekonomia aurreikusitakoa baino gehiago hazi zela: % 3,0, 2023an, eta % 2,5, 2024an, hasierako zenbaketak baino hiru hamarren gehiago. Emaitza horrek, Ekonomia sailburuaren aburuz, "Euskadik nazioarteko ingurune zailean erronka ekonomikoari eusteko duen gaitasuna agerian uzten du, batez ere gure esportazioetarako giltzarri diren herrialdeetan, hala nola Alemanian eta Frantzian".
Sailburuak adierazi duenez, hazkunde-aurreikuspenen goranzko berrikuspen horrek Euskadiko jarduera ekonomikoaren "sendotasuna islatzen du". "Euskadik jakin izan du nazioarteko testuinguru labankorrean norabideari eusten, eta gaur esan dezakegu konfiantzaz eta oinarri sendoz ekingo diegula hurrengo urteei, aukerak sortzen jarraitzeko".
Enplegua sortzea
Hazkunde horren eragile nagusia barne-eskaria izango da. Aurreikuspenen arabera, barne-kontsumoak % 2,7 egingo du gora 2025ean, enplegua hobetuko baita eta inflazioa neurriz aldatuko delako. Inbertsioa ere zifra positiboetan da, % 3,1eko hazkunde estimatuarekin, finantza-egoera hobeetan oinarrituta.
Kanpo-sektorearen ekarpena mugatuagoa izango bada ere, pentsatzekoa da esportazioak suspertuko direla, aurreikusi baita 2025ean % 2 eta 2026an % 3 igoko direla.
Gainera, 2025erako lanaldi osoko 14.000 lanpostu sortuko direla aurreikusten da, eta horri esker langabezia-tasa % 6,4ra jaitsiko da. Torresen arabera, horrek "kohesio soziala eta herritarren ongizatea indartzen lagunduko du".
Ekonomiari buruzko albiste gehiago
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza batengatik ezingo da 624 euro baino gehiago eskatu.
Gipuzkoako erreferentziazko prezioen indizea argitaratu dute, asteazkenetik aurrera alokairuak mugatzeko
Donostian, Irunen, Errenterian, Lasarte-Orian eta Zumaian izango du eragina. Hileko errenta zehazteko, hainbat datu sartu beharko dira, hala nola katastroko erreferentzia eta higiezinaren helbidea, energia-ziurtagiria, planta eta kontserbazio-egoera. Horrela, higiezin horri aplikatu beharreko alokairu-prezioen tarte objektibo bat lortuko da.
BBVAk iragarri du azaroan akzio bakoitzeko 0,32 euroko dibidendua emango duela
Erakundearen "historiako dibidendu altuena" da, eta akzioen trukean parte hartuko duten Sabadell bankuko akziodunek ere jasoko dutela ziurtatu du bankuak.
Maderas de Llodioko langileek salatu dute erakundeek jarrera pasiboa dutela enplegu-erregulazioko espedientearen aurrean
Langileen batzordeak adierazi duenez, ekoizpenaren % 40 Laudiotik kanpo eramango lukete, eta horrek eskualdearen etorkizun ekonomikoa arriskuan jarriko luke.
Sentsore kuantikoak garatzeko eta ekoizteko laborategia jarri du martxan Tecnaliak Zamudion
Bost milioi euroko inbertsioa izan du eta aitzindaria izango da Europan, sentsore kuantiko horiek aurrerapen handiak ekarriko baitituzte industriarako material berriak sortzeko, mugikortasuna errazteko, eta, osasun arloan, minbiziak garaiz detektatzeko.
ELAk, LABek, Steilasek, ESKk, Etxaldek eta Hiruk Confebask demandatu egingo dute, gutxieneko soldata propioa negoziatu ezean
Kontziliazio eskaera bat erregistratu dute, "patronala negoziatzera behartzeko", EAErako gutxieneko soldataren inguruan, eta gatazkan bitartekari gisa aritzeko eskatu diote Eusko Jaurlaritzari.
Hego Euskal Herriko biztanleen erdiak baino gehiago etxebizitza-eremu tentsionatuetan bizi dira
EAEn, Gasteiz gehituta, ehunekoa % 47,7koa da, eta Nafarroan, berriz, % 70ekoa.
Euskal psikologo klinikoek salatu dute Osakidetzak espezialistak ez diren psikologoak kontratatzeak legea urratzen duela
Diotenez, Osakidetzan osasun mentaleko baliabideak zabaltzeko beharra "agerikoa da", baina "ezin da edozein modutan egin".
Gasteiz etxebizitza-merkatuko tentsio handiko eremu izendatu dute
Arabako hiriburuaren kalifikazioak hiru urteko iraupena izango du, hasiera batean, eta etxebizitzaren arloan hainbat erabaki aplikatzea ahalbidetuko du, babespeko etxebizitzak eraikitzea barne: 3.012 etxebizitza berri bultzatuko dira, eta horietatik % 53 alokairurako babestutako etxeak izango dira.