Jaurlaritzak gogoratu du soldata publikoen igoera erabakitzea Madrilen esku dagoela
ELA eta LAB sindikatuek elkarretaratzea egin dute, goizean, Eusko Jaurlaritzaren egoitza nagusiaren atarian, besteak beste, langile publikoen lan-baldintzak hemen erabaki daitezela aldarrikatzeko.
"Estatuak markatzen du muga eta legez ezinezkoa da horren gainetik (igoera) ezartzea”. Maria Ubarretxena Eusko Jaurlaritzaren eledunak esan du hori, langile publikoen soldata igoeraz galdetu diotenean. "Urteroko galdera da eta urtero erantzuten dugu berdina: Jaurlaritzaren irizpidea da Madrilek ezartzen duen baremoaren topea aplikatzea", azaldu du.
Gobernu Bileraren ondoren egin duen agerraldian hitz du Ubarretxenak, gaur egin den Funtzio Publikoaren Mahai Orokorraren bileraren ostean, ELAk eta LABek egindako kritiken harira. Bi sindikatuok salatu dute Jaurlaritzak, beste behin, ez duela borondaterik erakutsi bere menpeko 150.000 langile publikoen lan-baldintzak hemen erabakitzeko.
Gobernantza, Administrazio Digital eta Autogobernuko sailburua ere badenak nabarmendu du oraindik ez dakitela zein izango den Espainiako Gobernuak aurten ezarriko duen igoera. Halaber, esan du lan-baldintzen inguruko eztabaida horretarako martxan diren negoziazio-mahaietan egin behar dela.
ELAk eta LABek elkarretaratzea egin dute, goizean, Jaurlaritzak Gasteizen duen egoitza nagusiaren atarian, Funtzio Publikoaren Mahai Orokorraren bilera dela eta. Bi sindikatuok oso kritiko agertu dira, euren hitzetan, Gasteizko exekutiboak ez duelako keinurik erakutsi, langile publikoen baldintzak EAEn erabakitzeko.
Ekonomiari buruzko albiste gehiago
LABek "eskandalutzat" jo du gutxieneko soldata propioaren proposamenari Jaurlaritzak ezezkoa eman izana
Bestalde, ELA sindikatuak jarrera aldatzea eskatu dio Eusko Jaurlaritzari, "behingoz autogobernuaren eta zerbitzu publikoen defentsa" egin dezan.
Lanbidearteko gutxieneko soldata propioaren proposamenak "adostasun soziala eta politikoa eskatzen du", Torresen iritzian
Mikel Torres Eusko Jaurlaritzako Ekonomia, Lan eta Enplegu sailburuak "zuhurtzia eta adostasuna" eskatu ditu "edozein egiturazko aldaketari aurre egiteko orduan". Euskadik lanbide arteko gutxieneko soldata propio bultzatzen zuen Herri Ekimen Legegilea ez da Eusko Legebiltzarrean izapidetuko, Eusko Jaurlaritza kontra agertu ostean.
Europa Ligako finalak 52 milioi euroko eragin ekonomikoa izan du EAEko ekonomian
Pasa den maiatzean Bilbon jokatutako finalaren inpaktuari buruz Ikertalde taldeak egindako txostenaren arabera, ekitaldiak ia 30 milioi euroko ekarri ditu EAEra, eta Barne Produktu Gordinean eragin zuzena du.
Gipuzkoako Foru Aldundiak eskatu du AHTaren zundaketak egiteko "serio, garden eta zorrotz" jokatzea
Eider Mendoza Gipuzkoako ahaldun nagusiak berriz adierazi du "berebiziko garrantzia" duela 'Euskal Y'-aren eta Nafarroako AHTaren arteko lotura Ezkio-Itsason egitea. AHT Gelditu kolektiboak zulaketa-lanak egiten ez laguntzeko eta inolako baimenik ez emateko eskatu die Beasain, Idiazabal, Ataun (Gipuzkoa) eta Bakaikuko (Nafarroa) udalei.
Jaurlaritzak geldiarazi egin du gutxieneko soldata propioari buruzko ekimena, eta Estatuaren eskuduntzak "urratzen" dituela azpimarratu du
Eusko Jaurlaritza hainbat sindikatuk proposatutako Herri Ekimen Legegilearen aurka agertu da. 140.000 pertsonak sinatu eta babestu dute, Euskadin lanbidearteko gutxieneko soldata propioa ezartzeko beharrezko eskumenak izan ditzan. Beraz, proposamena bertan behera geratuko da eta ez da Eusko Legebiltzarrean izapidetuko.
Lorpenek aktibo jarraituko du Etxalarren, langile ohiek osatutako Artain25i saldu ondoren
Nafarroako Artain25 SL sozietateak, enpresa bereko langileek osatua, Lorpen enpresaren ekoizpen-unitatea erosi du 400.000 euroren truke, eta Etxalarko 28 lanpostuak eta industria-jarduera mantentzeko konpromisoa hartu du.
Albiste izango dira: Steel Tech kongresua, Sarkozy espetxera eta Danok Oteiza elkartearen aurkezpena
Gaurkoan Orain-en albiste izango direnen laburpena, bi hitzetan.
Santanok baieztatu du Aralar gurutzatuko ez duen AHTaren bide berri bat aztertuko duela Ministerioak
Euskal Y-a Nafarroako trenbidearekin lotzeko hirugarren aukera bat aztertzea erabaki du Estatuko Gobernuak eta horren bideragarritasuna jakiteko zulaketa-lanak egingo dituztela baieztatu du Santanok. 2026ko udaberrirako informazioa guztia esku artean izatea espero du, erabaki bat hartu ahal izateko.
Eusko Jaurlaritzak eta Poloniako Gobernuak Europaren autonomia estrategikoa bultzatzearen alde egin dute
Astelehen honetan Bilbon egin duten Euskadi-Polonia Foroan aztergai izan dute, besteak beste, itsasoko energia eolikoan eta teknologia garbietan lankidetzan aritzea, baita teknologia aeroespazialetan eta azpiegitura adimendunetan eta logistikoan ere.