Petronorreko langileek greba mugagabean jarraitzen dute eta enpresa batzordeak ukatu egin du aldageletako greba dela
Langileen % 80k zuzendaritzaren eta gehiengo sindikalaren artean lortutako itunaren aurka bozkatu dute, eta, beraz, "aldageletako gerra" deritzona auzitegietan argituko da. Petronorrek geldirik jarraitzen du duela hilabete eta erditik.
Petronorreko langileak greba mugagabean daude pasa den irailaren 25etik, eta itxura guztien arabera, lan gatazka konpontzetik urrun dago. Aldageletako gerra esaten ari zaio gatazkari, baina langile batzordeko ordezkari batzuen arabera ez da horrela eta lan harremanen eta instalazioen "okertzearen" aurka borroka egiten ari dira.
Enpresa batzordeko ordezkariek elkarretaratzea egin dute, gaur goizean, Kutxabankek Bilbon dituen bulego nagusien aurrean. Izan ere, Kutxabank Petronorren akzioen % 15aren jabe da.
Atzo, langile batzarrak baztertu egin zuen Petronorreko zuzendaritzak eta CCOO eta UGT sindikatuek lorturiko akordioa (333 boto alde eta 84 kontra).
Hortaz, langileek ez dute onartu plantako zuzendaritzak eta gehiengo sindikalak lortutako akordioa.
Epaileak prozesu judizialarekin jarraitu aurretik bozketa egiteko eskatu zuen, eta onartu zuen aldagelak lekuz aldatzeak lanaldia handitzea zekarrela. Lekualdaketaz geroztik, langile bakoitzak egunean 30 minutu gehiago inbertitzen zituen lantegian. Horren truke, enpresak denbora gehigarri hori urtean sei egun librerekin konpentsatzea eskaintzen zuen.
Langileek gaitzetsi egin zuten, eta, hori dela eta, duela hilabete eta erdi, irailaren 25ean, greba mugagabea hasi zuten. Ordutik, Petronorren produkzioa partzialki geldituta dago. Gauzak horrela, legeari jarraituta, egoera honetan, eskaera nazionalari soilik erantzun behar du lantegiak. Beraz, kanpo-salmentak, konpainiaren fakturazioaren % 35 inguru, etenda jarraitzen du.
Hemendik aurrera, epaitegian argituko da lengileeri zer konpentsazio dagokien. Bien bitartean, grebak eta aldagelen auziak Euskadiko industria estrategikoetako bat koloka dute.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.