Eusko Jaurlaritzak inoizko partidarik handiena bideratuko du 2026an etxebizitza sustatzeko: 596 milioiko inbertsioa, 3.669 etxebizitza egiteko
Etxebizitza eta Hiri Agenda Sailak 2026rako kontuak aurkeztu ditu, aurreko urtean baino % 14 altuagoak. Denis Itxaso sailburuak iragarri du 1.700 etxebizitza babestu baino gehiago eraikiko direla, eta Visesa baliabide propio gisa onartuko dutela.
Etxebizitzak eraikitze-lanetan, Euskadin. Argazkia: Europa Press
Denis Itxaso Eusko Jaurlaritzako Etxebizitza eta Hiri Agenda sailburuak bere sailaren 2026rako aurrekontu proiektua aurkeztu du Legebiltzarrean. "Borroka posizioan" dauden kontuak direla esan du, eta etxebizitza "Jaurlaritzaren lehentasunen erdigunean" jartzen dute.
Sailaren eta Alokabide eta Visesa sozietate publikoen aurrekontu bateratua 596,1 milioi eurokoa da, hau da, 2025ean baino % 14 gehiago. Kopuru horretatik 502,2 milioi sailari berari dagozkio, aurreko ekitaldian baino % 11,2 gehiago.
"Euskadin etxebizitza ezin da pribilegio bat izan, legez onartutako eskubide bat da, eta gizarte-ongizateko euskal sistemaren zutabe bat", gogorarazi du Itxasok, eta plan berriak "etxebizitza publikoaren eraikuntzaren erronka ikaragarriari erantzutea" bilatzen duela azpimarratu du.
2026an babes publikoko 1.713 etxebizitza eta zuzkidura-bizitoki berri eraikitzeari ekingo zaio; horietatik 850 Gipuzkoan egongo dira, 458, Bizkaian, eta 158, Araban. Guztira, 3.669 etxebizitza eta bizitoki egingo dira datorren ekitaldian.
Lurraldeka, Gipuzkoak izango du bultzadarik handiena: 1.672 etxebizitza obretan eta 666 proiektu berri, Donostia, Irun, Ordizia, Andoain, Zumarraga eta Beizamaren artean banatuta. Bizkaian, 1.107 etxebizitza egingo dira, nagusiki Bilbon, Sestaon eta Getxon; Araban, berriz, 890 etxebizitza, eta sustapen berriak, Gasteizen.
Alokairu-programak aurrekontuaren % 75 hartuko du, 343,6 milioirekin, eta Bizigune eta Gaztelagun programetara bideratuko da. Gaztelagun % 15 haziko da 28,2 milioiraino, 9.500 gazte onuradun izateko eta etxebizitzen erdiak 36 urtetik beherakoentzat erreserbatzeko.
Berritasunen artean, Itxasok iragarri du lanak hasiko direla Euskadik Etxebizitzaren lehen Lurralde Plan Sektoriala (LPS) izan dezan. Plana udalaz gaindiko plangintza-tresna da, eta lurralde osoko politika publikoak bideratuko ditu. Gainera, sailburuak aurreratu du Visesa berezko bitarteko bihurtzeko asmoa duela, etxebizitza publikoen sustapena arintzeko.
"2026ko aurrekontuak gure garaiko erronka handiari aurre egiteko dugun gaitasuna indartzen du: etxebizitza duin, justu eta iraunkor bat lortzeko aukera bermatzea", amaitu du Itxasok.
Zure interesekoa izan daiteke
Satlantisek Lurra behatzeko bere bosgarren satelitea bidali du espaziora
Vandenbergeko (Kalifornia, AEB) Espazio Gunetik egin dute bidalketa, Euskal Herrian 13:07ak zirenean. Bizkaiko enpresak garatutako bereizmen handiko bi kamera daramatza sateliteak.
CAFek 300 milioitik gorako kontratua eskuratu du Serbian eta 30 tren egingo ditu Belgraderako
Unitateak eraikitzeaz gainera, lehen bi urteetako mantentze-lanak ere bere gain hartuko ditu. Serbian lortzen duen bigarren kontratua da honakoa.
Ekipaje zerbitzuko langileen greba 90 minuturainoko atzerapenak eragiten ari da Bilboko Aireportuan
Maletak eramateaz eta aireportuetako beste zerbitzu batzuez arduratzen den Groundfroce enpresako langileek lanuzteak egingo dituzte astelehen, asteazken eta ostiralean, hitzarmen kolektibo berriaren negoziazioaren barruko desadostasunak direla eta.
ELAk helegitea aurkeztuko du Tubos Reunidosen erregulazio txostenaren aurka, eta altzairutegiko eta logistika eremuko mantentze-lanei eustea eskatu du
Zentral abertzaleak zalantzan jarri ditu joan den ostiralean enpresak argitaratutako 2025eko emaitzak, "2024koa baino fakturazio nabarmen handiagoa erregistratu arren, aitortutako galerak hasieran jakinarazitakoak baino handiagoak direlako". ELAk adierazi duenez, "litekeena da zuzendaritzak kontabilitate ingeniaritza modu interesatuan erabili izana", eta zalantzan jarri du haren sinesgarritasuna.
Jaurlaritzaren arabera, EAEko ekonomia % 1,9 haziko da 2026an, aurreikusi bezala
Mikel Torres Eusko Jaurlaritzako Ekonomia, Lan eta Enplegu sailburuak esab duenez, "egoera kezkatzeko modukoa da, baina ez gaitezen alarmismoan erori; konfia dezagun".
Sevillako aire-kontrolatzaileek ohartarazi dute greba egitekotan direla, eta horrek Errege Kopako finalari eragingo lioke
Aireportuko, hiri osoko eta inguruko aire-trafiko guztia kontrolatzen duten langileak dira.
Itziar Agirre: "20.000 eurotik beherako lan-errentak dituztenek aitorpena egiteko obligaziorik ez badute ere, kasu batzuetan komenigarri izan daiteke, kenkariak direla eta"
Gipuzkoako Ogasun Diputatuak azaldu duenez, zerga-erreformaren ondotik badaude Aldundiak eskura ez dituen datuak, zenbait kasutan kenkari edo hobari gisa apligarri izan litezkeenak, zaintza, etxebizitza eta BGAEekin lotutakoak. Horregatik, autolikidazio proposamenak patxadaz begiratzeko gomendioa egin du Gipuzkoako Aldundiak, apligarri izan daitezkeen kenkari eta hobariak dauden egiaztatzeko.
Abian da Errentaren kanpaina Gipuzkoan: autolikidazioa kontsultagai dago
Gipuzkoan, apirilaren 7tik aurrera onartu ahal izango dira proposamenak. Araban eta Nafarroan datorren astean hasiko da kanpaina, eta Bizkaian, berriz, apirilaren 15ean.
Argindarrik gabe geratu dira lehen orduan Mercabilbaon
Erosketa gehienak elektrizitate barik egin behar izan dituzte Basauriko logistika gunean, astelehen honetako lehen orduan. Dirudienez, barazkien 3. pabilioian gorabehera bat izan da argindar azpiegiturarekin. 07:00ak aldera itzuli da argia, pabilioi horretara izan ezik.
Iñigo Ucin izango da Ayesa Digitalen presidente ez exekutibo berria
Erantzukizun hori hartuko du Ibermatica zena Euskadira itzultzen denean hasiko den etapa berrian. Ibermatica astearte honetan sartuko da ofizialki Ayesa Digitalen.