Lan istripua Bilboko portuan: Emakumezko langile bat larri zauritu da, hondeamakina batek harrapatuta
ELA sindikatuak salatu duenez, VCL enpresako langile batek lan istripu "larria" izan zuen pasa den asteartean Bilboko Portuan. Horren arabera, pala eta auto baten artean harrapatuta geratu zen.
Emakumezko langile bat oso larri zauritu zen, herenegun, Bilboko Portuan lanean ari zela, hondeamakina batek harrapatuta.
ELA sindikatuak salatu duenez, lan ezbeharra pasa den asteartean gertatu zen, eta VCL enpresako langilea pala eta auto baten artean harrapatuta geratu zen.
Sindikatuaren arabera, Bilboko portuko jarduera "arrisku handiko" eremua da: batetik, erabiltzen diren makina eta materialengatik, eta, bestetik, une eta toki berean enpresa ezberdinetako langile askok lan egiten dutelako.
Ildo horretan, ELAk gaineratu du "askotan" enpresa eta langile horien arteko koordinazioa ez dela behar bezala egiten eta horrek arriskua "nabarmen" areagotzen duela.
Bestalde, ELAk iragarri du lan istripuaren ikerketa eskatuko duela dagozkion prebentzio neurriak ezartzeko helburuarekin. Halaber, datozen egunetan lan istripua salatzeko ekintzak iragarriko dituela aurreratu du.
Urtea hasi zenetik 47 langile hil dira lan istripuz Hego Euskal Herrian, ELAren kontaketaren arabera: Bizkaian 11, Gipuzkoan 9, Araban 7 eta Nafarroan 20.
Zure interesekoa izan daiteke
Satlantisek Lurra behatzeko bere bosgarren satelitea bidali du espaziora
Vandenbergeko (Kalifornia, AEB) Espazio Gunetik egin dute bidalketa, Euskal Herrian 13:07ak zirenean. Bizkaiko enpresak garatutako bereizmen handiko bi kamera daramatza sateliteak.
CAFek 300 milioitik gorako kontratua eskuratu du Serbian eta 30 tren egingo ditu Belgraderako
Unitateak eraikitzeaz gainera, lehen bi urteetako mantentze-lanak ere bere gain hartuko ditu. Serbian lortzen duen bigarren kontratua da honakoa.
Ekipaje zerbitzuko langileen greba 90 minuturainoko atzerapenak eragiten ari da Bilboko Aireportuan
Maletak eramateaz eta aireportuetako beste zerbitzu batzuez arduratzen den Groundfroce enpresako langileek lanuzteak egingo dituzte astelehen, asteazken eta ostiralean, hitzarmen kolektibo berriaren negoziazioaren barruko desadostasunak direla eta.
ELAk helegitea aurkeztuko du Tubos Reunidosen erregulazio txostenaren aurka, eta altzairutegiko eta logistika eremuko mantentze-lanei eustea eskatu du
Zentral abertzaleak zalantzan jarri ditu joan den ostiralean enpresak argitaratutako 2025eko emaitzak, "2024koa baino fakturazio nabarmen handiagoa erregistratu arren, aitortutako galerak hasieran jakinarazitakoak baino handiagoak direlako". ELAk adierazi duenez, "litekeena da zuzendaritzak kontabilitate ingeniaritza modu interesatuan erabili izana", eta zalantzan jarri du haren sinesgarritasuna.
Jaurlaritzaren arabera, EAEko ekonomia % 1,9 haziko da 2026an, aurreikusi bezala
Mikel Torres Eusko Jaurlaritzako Ekonomia, Lan eta Enplegu sailburuak esab duenez, "egoera kezkatzeko modukoa da, baina ez gaitezen alarmismoan erori; konfia dezagun".
Sevillako aire-kontrolatzaileek ohartarazi dute greba egitekotan direla, eta horrek Errege Kopako finalari eragingo lioke
Aireportuko, hiri osoko eta inguruko aire-trafiko guztia kontrolatzen duten langileak dira.
Itziar Agirre: "20.000 eurotik beherako lan-errentak dituztenek aitorpena egiteko obligaziorik ez badute ere, kasu batzuetan komenigarri izan daiteke, kenkariak direla eta"
Gipuzkoako Ogasun Diputatuak azaldu duenez, zerga-erreformaren ondotik badaude Aldundiak eskura ez dituen datuak, zenbait kasutan kenkari edo hobari gisa apligarri izan litezkeenak, zaintza, etxebizitza eta BGAEekin lotutakoak. Horregatik, autolikidazio proposamenak patxadaz begiratzeko gomendioa egin du Gipuzkoako Aldundiak, apligarri izan daitezkeen kenkari eta hobariak dauden egiaztatzeko.
Abian da Errentaren kanpaina Gipuzkoan: autolikidazioa kontsultagai dago
Gipuzkoan, apirilaren 7tik aurrera onartu ahal izango dira proposamenak. Araban eta Nafarroan datorren astean hasiko da kanpaina, eta Bizkaian, berriz, apirilaren 15ean.
Argindarrik gabe geratu dira lehen orduan Mercabilbaon
Erosketa gehienak elektrizitate barik egin behar izan dituzte Basauriko logistika gunean, astelehen honetako lehen orduan. Dirudienez, barazkien 3. pabilioian gorabehera bat izan da argindar azpiegiturarekin. 07:00ak aldera itzuli da argia, pabilioi horretara izan ezik.
Iñigo Ucin izango da Ayesa Digitalen presidente ez exekutibo berria
Erantzukizun hori hartuko du Ibermatica zena Euskadira itzultzen denean hasiko den etapa berrian. Ibermatica astearte honetan sartuko da ofizialki Ayesa Digitalen.