De Guindosen esanetan euroguneko ekonomia uste baino hobeto doa eta interes-tasen maila egokia da
Europako Banku Zentraleko presidenteordearen hitzetan, Espainiako ekonomia, hazkundeari dagokionez, "ondo doa", % 3 inguruko mailarekin, gaur egun eurogunerako EBk proiektatzen duena (% 1,3 aurten) baino askoz ere maila altuagoan. Adierazi duenez, hazkunde horren atzean inmigrazioaren ondoriozko biztanleriaren hazkunde "oso garrantzitsua" dago, eta ohartarazi duenez, egungo eskaerari aurre egiteko horren beharrezkoa den "alokairuko etxebizitzaren eskaintza mugatzen ari da erregulazioa".
Luis de Guindos Europako Banku Zentraleko presidenteordeak adierazi du euroguneko ekonomia duela hilabete batzuk espero zutena baino "hobeto" jokatzen ari dela, eta ziurtatu du interes tasen egungo maila "egokia" dela, inflazio aurreikuspenak kontuan hartuta.
De Guindosek gaur Bilbon BBk Fundazioaren eskutik abiatu den Gran Via Foroaren barruan egin ditu hausnarketa horiek. Aurrenekoz izan da bertan EBZko ordezkaria.
Europako Banku Zentraleko presidenteordeak euroguneko egoera ekonomikoa eta aurreikuspenak aztertu ditu, eta gogorarazi du abenduan eremu horretarako proiekzioak eguneratuko dituztela, baina, aurreratu duenez, ez dira Europako Batzordeak argitaratutakoetatik "oso desberdinak" izango.
Euroguneko inflazioaren bilakaera "positiboa" dela esan du, "moteltzen" joan delako eta % 2ra hurbiltzen ari delako. Gaineratu duenez, zerbitzuen inflazioa da kezka gehien eragiten duena, baina, oro har, inflazio aurreikuspenei buruz "albiste onak" daudela azpimarratu du. Horrek, bere hitzetan, eragina izan du EBZren moneta-politikan, eta interes-tasak % 4tik % 2ra jaitsi dituztela gogorarazi du.
Ekonomistak adierazi duenez, Kontseiluaren azken hiru bileretan ez dituzte tasak aldatu, egungo interes-tasa "egokia" dela uste dutelako.
Etxebizitza, Espainiaren "funtsezko arazoa"
EBZko presidenteordeak ziurtatu duenez, Espainiako ekonomia, hazkundeari dagokionez, "ondo ari da", % 3 inguruko mailarekin, une honetan EBk eurogunerako aurreikusten duena ( % 1,3 aurten) baino askoz maila handiagoarekin.
BPGaren hazkunde horretan eragina duten faktoreak aztertu behar dira, eta eredu hori "denboran iraunkorra" den ikusi. De Guindosen esanetan, hazkunde hori biztanleriaren hazkunde "oso garrantzitsu" batean oinarritzen da, immigrazioaren ondorioz.
Horren harira, immigrazioaren onurak "maximizatzen" eta "kostu potentzialak minimizatzen" saiatu behar dela ohartarazi du, etxebizitza izanik kostu horietan nabarmenena. "Etxe-unitateen eraketan hazkunde handia duzunean, immigrazioaren eta biztanleriaren hazkundearen ondorioz, eskariaren igoera horri aurre egin behar diozu, eskaintza handituta", azpimarratu du.
Gaineratu duenez, egoera berria xurgatzen lehena ez da etxebitza berriaren merkatua "geroxeago erreakzionatu" ohi duena, baizik eta alokairuaren merkatua. Ildo horretan, "erregulazioa alokairuko etxebizitzen eskaintza mugatzen" ari dela ohartarazi du.
"Eta horren ondorioa da-bere hitzetan-, eskariaren igoera handia duzunean eta eskaintza eskaerari erantzuteko nahikoa ez denean, alokairuaren prezioek gora egiten dutela berehala", eta zehaztu du hori edla une honetan Espainiak duen "untsezko arazoa",
Zure interesekoa izan daiteke
Astearte honetan hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.