Arabako Aldundiak eta Elkarrekin Podemosek 31 milioi euroko diru-partidak onartu dituzte 2028ra arte
Arabako Foru Aldundiak eta Elkarrekin Podemos IUk igande honetan adostutako 2026ko aurrekontuei esker, erresidentzia pribatu eta etxez etxeko langileentzako lehen hitzarmenari bide emango zaio. Gaur-biharretan eztabaidatu eta zuzenketak egin ostean, ostiralean emango diote behin betiko oniritzia Aldundiaren aurrekontuari.
Arabako Foru Aldundiak eta Elkarrekin Podemos IUk igande honetan adostutako 2026ko aurrekontuek 31 milioi euroko diru-partida izango dute 2028ra arte, astelehen honetan Elkarrekin Podemosek zabaldutako informazioaren arabera.
Aurrekontu horri esker, erresidentzia pribatu eta etxez etxeko langileentzako lehen hitzarmenari bide emango zaio. Gainera, etxebizitzarako sarbidea errazteko eta etxegabeen egoera bideratzeko ituna ere adostu dute. Bestalde, mugikortasunari lotuta, 20 urte arteko ikasleek garraio publikoa izan dezaten partida ere adostu dute.
Koalizio moreak zehaztu duenez, akordioarekin arabarrentzat lehentasunezko diren beste esparru batzuk indartuko dira, besteak beste, zaintza, merkataritza sustatzea, osasun mentala indartzea eta ingurumenaren zaintzarako neurriak adostu dituzte.
Arabako Batzar Nagusietako Ogasun Batzordean gaur-biharretan eztabaidatu eta bozkatuko dituzte zuzenketak, eta ostiralean, abenduak 19, onartuko dituzte behin betiko Aldundiaren aurrekontuak.
Dena dela, Elkarrekin Podemos taldeak argi esan du Elkarrekin taldea ez dela EAJ eta PSEren bazkide, akordioa puntuala dela adierazi du.
GIZARTE ARLOA
- Arabako egoitza eta etxebizitza komunitarioetako langileen lehen hitzarmenerako ituna:
2026ko aurrekontua: 2.010.000 euro
2027ko konpromiso-kreditua: 4.000.000 euro
2028ko konpromiso-kreditua: 4.000.000 euro
- Osasun Mentaleko eta Suizidioaren Prebentzioko Lehen Foru Plana: 180.000 euro
- Indarkeria matxisten biktima diren emakumeentzako egoitza-harrerako zentroa indartzea: 150.000 euro
- Hitzarmena Eginaren Egunez erakundearekin (desgaitasuna duten pertsonak eta irisgarritasuna) eta Irisgarritasun Unibertsalaren Behatokiarekin: 94.000 euro
- Esku-hartze sozialerako eta desgaitasuna dutenen mesederako hitzarmenak: 110.000 euro
ETXEBIZITZA
- Etxebizitzaren aldeko ituna: alokairu eskuragarria, etxebizitza publikoa birgaitzea, erostea eta eraikitzea, belaunaldien arteko bitartekaritza-plana eta 50 etxebizitzako programa:
Aurrekontua 2026: 4.000.000 euro
2027ko konpromiso-kreditua: 4.000.000 euro
2028ko konpromiso-kreditua: 4.000.000 euro
- Etxegabetasunaren aurkako ituna: bizitegi-bazterketako foru-baliabide berria.
Aurrekontua 2026: 900.000 euro
2027ko konpromiso-kreditua: 900.000 euro
2028ko konpromiso-kreditua: 900.000 euro
MUGIKORTASUN JASANGARRIA
- Garraio publikoa hobetzea, mugikortasun iraunkorra eta partekatua sustatzea, eta hiri- eta landa-loturak indartzea:
- 20 urtetik beherakoentzako doako garraio-zerbitzua: 100.000 €
- Aisialdiko garraio publikoa (asteburuetan eta gauez): 300.000 €
- Partekatutako autoen plataforma: 80.000 €
- Ibilgailu elektrikoetarako laguntzak: 100.000 €
Zure interesekoa izan daiteke
ELA, LAB, Steilas, ESK, Hiru eta Etxalde sindikatuek greba orokorra deitu dute martxoaren 17an Hegoaldean, LGS propio baten alde
Sindikatuek Bilbon emandako prentsaurreko batean egin dute iragarpena. Grebak 'Gutxieneko soldata hemen erabaki. LGS 1.500 euro. Soldatak hobetu, aberastasuna banatzeko' leloa izango du.
Kontsumo Ministerioak 64 milioiko isuna jarri dio Airbnb plataformari, lizentziarik gabeko etxeak iragartzeagatik
Isunaz gain, orain arte gaizki egindakoa zuzendu beharko du Airnbnb plataformak, argitaratutako lizentziarik gabeko etxebizitzak ezabatu eta horiei ezarritako isuna publiko egin beharko dute. Ebazpena irmoa da, horrenbestez, amaitu egin da bide administratiboa.
Frantziarako noranzkoan Biriatuko ordainlekua itxi dezaketela eta, "arretaz" jokatzeko eskatu dute
Bidegik eta Ertzaintzaren Gipuzkoako Trafikoko lurralde-unitateak zaintza-lanak areagotuko ditu eta segurtasun-neurriak hartuko dituzte, gerta daitezkeen zirkulazio-gorabeherek ahalik eta gutxien ergaiteko.
Jaurlaritzak beste hamar urteko lizentzia eman dio Balenciaga ontziolari itsas jarduerarekin jarraitzeko
22.400 metro koadroko lursail bat utziko diola iragarri du Elikadura, Landa Garapen, Nekazaritza eta Arrantza Sailak. Lursail horren erabilera itsasontziak eraikitzera eta konpontzera mugatu du Jaurlaritzak. Balenciaga ontziolak 10 eguneko epea du baimen hori ordaintzeko edo alegazioak aurkezteko.
Arabako Foru Aldundiak eta Elkarrekin Ahal Dugu Ezker Anitza-IUk 2026ko aurrekontuak adostu dituzte
Ituna segurutzat jotzen zen alderdi moreak joan den ostiralean osoko zuzenketa erretiratu ondoren, baina erabat itxi gabe zegoen. Astelehenean emango ditu alderdi moreak akordioaren xehetasunak.
Frantziako Gobernuak astelehen honetan hasiko du hego-mendebaldeko milioi bat behi dermatosiaren aurka txertatzen
Bitartean, Ipar Euskal Herrian laborariek mobilizazioekin jarraitzen dute. Prefeta Confederation Paysanne eta ELB sindikatuetako ordezkariekin bilduko da astelehen arratsaldean Pauen.
Gasteizko Mercedeseko langileak ordubeteko lanuztera daude deituta txanda bakoitzean astelehenetik ostegunera
Bihar, astelehena, hasiko dituzte lanuzteak, baina mobilizaziorik gabe. Asteartean eta ostegunean, ordea, elkarretaratzeak egingo dituzte 14:15ean, txanda aldaketekin batera, lantegiaren kanpoaldean.
Bizkaiko eta Gipuzkoako arrantzaleek balorazio gazi-gozoa egin dute EBk ezarritako arrantza kuoten inguruan
Erdietsitako akordioa albiste txarra da Ondarroako alturako ontzientzat, besteak beste, legatzaren eta oilarraren kuotak jaitsi dituztelako. Kaltetuenak, baina, berdela amuarekin arrantzatzen duten ontzi txikiak dira, % 70 murriztu baitute harrapaketen kopurua. Baxurako arrantzaleentzat, aldiz, akordio “positiboa” da, hegaluzearen kuotari eutsi egin diotelako eta atun gorriarena eta antxoarena handitu direlako.
Ipar Euskal Herriko laborariek A64a blokeatu dute dermatosi nodularraren aurkako neurriak salatzeko
Mobilizazioak bart abiatu dituzte, errepidean traktoreak eta lasto fardoak jarrita. Gaixotasuna kontrolatzeko, neurri zorrotzak hartu ditu Frantziako Gobernuak, eta kasuren bat agertuz gero, etxaldeko behi guztiak hiltzeko agindua eman du. Abeltzainek astelehenera arte jarraituko dute protestan, Macronen gobernuari euren “haserrea” helarazteko.