Arabako Foru Aldundiak eta Elkarrekin Ahal Dugu Ezker Anitza-IUk 2026ko aurrekontuak adostu dituzte
Ituna segurutzat jotzen zen alderdi moreak joan den ostiralean osoko zuzenketa erretiratu ondoren, baina erabat itxi gabe zegoen. Astelehenean emango ditu alderdi moreak akordioaren xehetasunak.
EAJ-PSE gobernu taldeak eta Elkarrekin Ahal Dugu Ezker Anitza-IUk akordioa lortu dute Arabako Foru Aldundiaren aurrekontuak onartzeko, bi aldeetako iturriek jakitera eman dutenez.
Ituna segurutzat jotzen zen alderdi moreak joan den ostiralean osoko zuzenketa kendu ondoren. Koalizio moreak ostegun arratsaldean iragarri zuen atzera botako zuela 2026rako Arabako foru aurrekontuei jarritako osoko zuzenketa, ELA sindikatuak egoitza pribatuetan akordioa lortu ostean.
Hala ere, akordioa oraindik negoziatzen ari ziren, eta asteburu honetan itxi dituzte xehetasunak Foru Aldundiak eta Elkarrekin Ahal Duguk, azken horiek aurkeztu dituzten 71 zuzenketa partzialak ere aztertuta.
Bihar egingo da Arabako Batzar Nagusietan zuzenketa partzialen eztabaida. Hori hasi aurretik emango ditu xehetasunak Elkarrekin Ahal Duguk.
Gaur, oharra kaleratu du koalizio moreak. “Lurralde bidezkoago, kohesionatuago eta iraunkorrago baterantz aurrera egitea lortu dugu, gaurko mundu errealarekiko ikuspegi inklusibo, konprometitu, aurrerakoi eta ausartarekin”, adierazi du bertan David Rodriguez bozeramaileak.
Koalizio morea pozik agertu da “lehentasunezkoak” diren gaietan eragitea lortu dutelako. "Egoitzetako langileen lan hitzarmena, zainketak, etxebizitza, gizarte eta lurralde kohesioa, ingurumena, nazioarteko lankidetza, garraio publikoa, osasun mentala eta indarkeria matxisten aurkako borroka" aipatu dituzte horien artean.
Gainera, "komunitate energetikoen sorrera, tokiko merkataritzaren, nekazaritza ekologikoaren eta kulturaren sustapena, eta nazioarteko lankidetza eta laguntza humanitarioa" ere jaso direla erantsi dute, "palestinar herriarentzako partida garrantzitsu bat barne".
Aurreko astean Gipuzkoako Foru Aldundiaren aurrekontuak ere Elkarrekin Ahal Dugurekin adostu zituzten.
Zure interesekoa izan daiteke
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.