Euskaltelek Jasone Altuna izendatuko du zuzendari nagusi
Zuzendari berriak Jon Ander de las Fuentes ordezkatuko du, eta MasOrange taldearen arduradun nagusia izango da Euskadin eta Nafarroan. Konpainiaren administrazio kontseiluko kide ere izango da.
Jasone Altuna izango da Euskaltelen zuzendari nagusi berria.
Euskaltelek jakinarazi du Jasone Altuna izango dela konpainiaren zuzendari nagusi berria, eta Euskal Autonomia Erkidegoan eta Nafarroan MasOrange taldearen arduradun nagusia ere izango dela. Altunak datorren ekainaren 1etik aurrera hartuko ditu kargu horiek, Jon Ander de las Fuentes ordezkatuz, eta, halaber, Euskaltelen administrazio kontseiluan sartuko da.
Ohar batean jaso dutenez, Altunak “ibilbide zabala du Euskadiko enpresa eta ekonomia sarearekin lotuta”. “Izendapen honek indartu egiten du Euskaltelek Euskadiko eta Nafarroako herritarren, enpresen eta Administrazio Publikoen inbertsio, berrikuntza eta digitalizazioarekin duen apustua, errotzea eta konpromisoa”, adierazi dute
Altuna, 25 urteko esperientzia
Jasone Altuna Deustuko Unibertsitatean lizentziatu zen, Enpresen Administrazio eta Zuzendaritzan, Komertzialaren bidez. Bere ibilbide profesional ia osoa Euskadin garatu du, beti erreferentziazko enpresetan: Accenture, PwC, Ibermática eta Ayesan ibilia da.
Konpainiaren arabera, “25 urtetik gorako esperientzia du aholkularitzan, teknologian eta merkatuen zuzendaritzan”. Horren ondorioz, “ezagutza zabala ekarriko du eraldaketa digitalean, bezero handien kudeaketan eta sektore anitzeko negozioen garapenean”, esan dute
Bestalde, konpainiaren administrazio kontseiluak eskerrak eman dizkio Jon Ander de las Fuentesi enpresaren alde egindako lanagatik, “lorpen esanguratsuak” lortu baititu, hala nola Euskaltel Grupo Masmovil barruan integratzea, eta, ondoren, MasOrange barruan.
Halaber, egotzi diote “kable sare zaharra uztea eta zuntz aurreratuen alde egitea eta Euskadiko 5G sare mugikor modernoena garatzea”. “Merkatu kuotarik handienak, lurraldeko lidergoa eta bezeroen gogobetetze mailarik altuenak” lortu dituela esan dute.
Euskaltel, merkatu kuotan lider
Azkenik, Euskaltelek nabarmendu du enpresak “lurraldearen alde" egiten duela, “ia 4.900 milioi euroko inbertsio historikoarekin”. Adierazi dutenez, MasOrange eta Euskaltel “hiru urterako 200 milioi euroko inbertsio plan gehigarri bat” abian dute.
“Euskaltel taldearen erreferentziazko marka da Euskal Autonomia Erkidegoan, eta Euskadiko etxe eta negozioek gehien hautatzen duten aukera da”, esan dute.
Une honetan, Euskaltel eta MasOrange markek 2 milioi linea inguru dituzte Euskadin, eta horri esker liderra da lurraldean, merkatu kuotari dagokienez.
Zure interesekoa izan daiteke
Tubos Reunidoseko langileek elkarretaratzea egin dute Jaurlaritza parean, Lan sailburuordearekin bildu aurretik
Tubos Reunidoseko langileen batzordeak "inplikazioa" eskatuko dio Elena Lopez Barredo Lan sailburuordeari, auzia konpondu dezaten. Gorka Abascal ESKren ordezkariak adierazi duenez, bilerara "baikor, baina zuhur" joango dira.
Jaurlaritzak "erantzukizunez" jokatzeko deia egin die Osasun Ministerioari eta medikuen sindikatuei, arratsaldeko bileraren atarian
Medikuen sindikatuek ez dute onartu Pazienteen Elkartea bitartekari izatea. 15:00etan dira biltzekoak sindikatuak Espainiako Osasun ministerioarekin, estatutuaren inguruko gatazka negoziatzeko.
Brentaren prezioa % 13 baino gehiago jaitsi da, eta Ibex indizea % 3 baino gehiago igo, AEBren eta Iranen arteko su-etenaren ondotik
Brent petrolio upelaren prezioak behera egin du nabarmen, AEBk eta Iranek adostutako bi asteko su-etenaren ondorioz. Bi aste horietan, Pakistanen bake akordio bat negoziatuko dute, Teheranek aurkeztutako hamar puntuko planean oinarrituta.
Guardian eta Glavista berpizteko akordioa “lortzear”, Eusko Jaurlaritzaren arabera
Akordioak 80 eta 85 milioi euro arteko inbertsioa ekarriko luke, eta 400 lanpostu inguru berreskuratzea eskualdean. Hala ere, Eusko Jaurlaritzak "zuhurtzia" eskatu du, akordioa oraindik ez baitago itxita.
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako ogasunek egindako autolikidazio proposamenak onartu edo aldatu ditzakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 lagunek inguru egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea Rentafacil izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.