Volkswagenek soldatak izozteko asmoa du 2030era arte
Neurriak fabrika guztiei eragingo lieke, langileen diru-sarreretan benetako %10eko eraginaz. Taldeak 5.000 langile ditu Iruñean.
Volkswagen Taldeak 2030era arte soldatak izoztuko ditu, egunkari alemaniar baten arabera, eta horrek langileen diru-sarrerak benetan % 10 inguru galtzea ekarriko luke.
Europako ibilgailu fabrikatzaile handienak (VW, Audi, Porsche, Skoda, Seat eta Cupra, besteak beste) kostuak aurreztu nahi ditu neurri horrekin. Beste hainbat doikuntzekin batera hartu asmo duen neurria da, besteak beste, milaka langileren kaleratzea, Süddeutsche Zeitung egunkariak astelehenean jakinarazi duenez.
Neurriak bere fabrika guztiei eragingo lieke; izan ere, Volkswagen Taldeko kide guztiek "zentzuz" lagundu beharko lukete, egunkari alemaniarrak jasotako dokumentuen arabera. Alemaniako automobil-partzuergoak albistea espekulaziotzat jo du. Seateko iturriek, berriz, uko egin diote informazio horiei buruzko iruzkinik egiteari, eta taldearen eskumena dela besterik ez dute adierazi.
Volskwagen taldeak 600.000 langile inguru ditu mundu osoan. IG Metallek, sektoreko sindikatu nagusiak, ohar baten bidez ohartarazi du "erresistentzia handia" aurreikusten duela, planak "benetako soldatan galera nabarmena" ekarriko lukeelako.
Soldatak izoztea gastuak murrizteko hainbat neurrirekin batera hartutako erabakia izango litzateke. Plan horiek, besteak beste, datozen urteetan 100.000 enplegu murriztea ekarriko lukete. Volkswagen Taldea 680.000 langile izatera iritsi zen 2023an. Beste neurri batzuen artean, bere modeloen eskaintza erdira murriztea ere badago.
Zure interesekoa izan daiteke
Euskal sektore aeroespazialaren garrantzia eta Euskadik Airbusen hornitzaile gisa duen "rol geroz eta garrantzitsuagoa" azpimarratu ditu Pradalesek
Denis Itxasok etxebizitza hutsak alokatzeko neurri berriak defendatu ditu
Batez besteko errenta % 7,2 handitu zen Euskadin 2024an, 28.170 euroraino
LABeko koordinatzaile orokorrak azaroaren 11ko greba orokorrean parte hartzeko deia egin du, herritarren eskaerak bideratzeko
Tubos Reunidos erosteko bost eskaintza onenek plantilla murriztea eta lan-baldintzak aldatzea proposatu dute
Pradalesek Europar Batasunari neurri zehatzak eskatu dizkio bertako automobilgintza babesteko
Velorak 100 milioi inbertituko ditu Araban, sare elektrikoari lotutako produktuak ekoitziko dituen lantegi bat egiteko
Euskal Administrazio Orokorrerako 367 plazako EPE berria abiarazi du Jaurlaritzak
