Munduko biztanleria 7.000 milioitara iritsiko da
uko biztanleria 7.000 milioi pertsona izatera helduko da urriaren 31an, "inoiz lortu den kopururik handiena" eta "arrakasta" da UNFPA, Nazio Batuen Populazioarako Fubtsaren txosten baten ustez, "biziraupena luzeagoa eta osasuntsuagoa delako". Herrialde ezberdinen arteko eta herrialdean bertan dagoen bizi kalitatean, hala ere, ezberdintasun handiak daude.
"2011ko munduko biztanleriaren egoera" txostenean, "gizonezko, emakumezko eta haurren arteko eskubide eta aukeretan ezberdintasun handiak" daudela ondorioztatzen da.
Mundu osoko 7.000 milioi biztanleetatik, 893 milioik 60 urtetik gora dituzte eta mende honen erdian 2.400 izango dira. 25 urtetik beherakoak berriz, % 43 dira eta herrialde batzuetan % 60ra ere iristen dira. Beste datu esanguratsu bat: hamar lagunetik bat hirian bizi da eta 35 urte barru, hirutik bi izango dira hirietan biziko direnak.
Urtero 80 milioi lagun batzen dira munduko populaziora eta 13 urte barru, seguruenik 1.000 milioi gehiago izango dira. Nazio Batuek maiatzean aurkeztu zuten txosten baten arabera, 2050 urtean 9.300 eta 10.600 milioi pertsona inguru egongo dira munduan, eta mende hau amaitzerakoan, 10.000 milioiak gaindituko dira.
Baliabideen arazoa
"Lurraren espazioan ez dago arazorik", esan dute txosten honen aurkezpenean. "Arazoa baliabideak dira", gaineratu dute, horregatik "uraren erabilgarritasunean, jakien produkzioan eta energiaren sorkuntzan oreka mantendu behar da, aurrerakuntza teknologikoekin, esaterako", esan dute.
Populazioak duen hazkundea bizi itxaropenaren luzatzeagatik ( 50. hamarkadan 48 urtekoa zen eta mende honen lehen hamarkadan 68) eta haurren heriotza tasaren gutxitzeagatik gertatzen da (1.000 biztanletik 133 hildako 50. hamarkadan eta 46 hildako azken bost urtetan).
Garrantzia handia izan du baita ere ugalkortasunaren gutxitzeak, 6 ume izatetik 2,5era pasa gara. Hazkunde ekonomikoagatik, herrialdeen garapenagatik, arrazoi sozial eta kulturalengatik, emakumeak lan mundura sartzeagatik eta sexu hezkuntzagatik ere gutxitu da ugalkortasuna UNFPAren ustez.
Zure interesekoa izan daiteke
Bi emakume erreskatatu dituzte Aizkorri eta Jaizkibel mendietan izandako ezbeharren ostean
Bi mendizaleak, 64 eta 70 urtekoak hurrenez hurren, helikopteroz eraman behar izan zituzten larrialdi zerbitzuek, eta ondoren ospitalera eraman zituzten.
Hiru zauritu, horietako bat larri, auto batek eta furgoneta batek talka eginda Cintruenigon
Istripua N-113 errepidean (Iruñea-Madril) jazo da, 16:39 aldera. Istripuaren ondorioz, zirkulazioa eten egin dute bi noranzkoetan, 19:25 arte.
Zuiak ur mozketak bertan behera utzi ditu
Egoerak hobera egin ostean, amaitutzat eman ditu mozketak Udalak. Hala ere, herritarrei uraren kontsumo arduratsua izateko eskatu die, mozketa berriak saihesteko.
Kirurgia robotikoa erabiliz lehen giltzurrun transplantea egin dute Gurutzetako Ospitalean
Kirurgia robotikoa hainbat ebakuntza egiteko erabili ohi da aspaldi, baina sekula ez giltzurruna transplantatzeko. Gasteizko ama-semeak dira emaile eta pazientea. Dena ondobidean, abuztuan giltzurrunen bigarren transplante bat egingo dute Gurutzetan robotaren laguntzaz.
Zortzi arrantzale eta saregile bat omendu dituzte, bizi osoa itsasoari eskaintzeagatik
Gaztetatik sakrifizio handiko lana egin duten zortzi arrantzale eta saregile baten aldeko omenaldia egin dute gaur Donostian. Gipuzkoan itsasoan lan egin duten 310 lagunek erretiroa hartu dute, eta guztien omenez eman dituzte sariak.
Donostiako Udala akusazio partikular izango da hirian delituak behin eta berriz egiten dituztenen aurkako auzietan
Jon Insasuti Donostiako alkateak esan du delinkuentziaren aurkako borroka lehentasunetako bat dutela, eta akusazio partikular izateko asmoa beste urrats bat dela. Hori bai, zehazteko dago zein kasutan emango lukeen Donostiako Udalak pausu hori.
Bost lagun atxilotu dituzte Nafarroan, bizileku-baimenak manipulatzeko sare bateko kide direlakoan
Guardia Zibilak desegindako ustezko erakunde kriminalak bizileku- eta lan-baimenak lortzeko prozesua manipulatzen zuen, diru-truk. Talde kriminaleko kide izatea, Administrazio Publikoaren aurka egitea eta immigrazio irregularra bultzatzea leporatzen zaie.
Perez Iglesias: “Milioi bat pertsona baino gehiago mugituko dira eklipsea ikusiko den inguruetara, eta hori aurreikusi egin behar da”
Juan Ignacio Perez Iglesias Zientzia, Unibertsitate eta Berrikuntzako sailburua Radio Euskadiko Boulevard saioan izan da eta, besteak beste, abuztuaren 12an Euskal Herrian ikusi ahal izango den eguzki-eklipseaz mintzatu da. Sailburuak gomendatu du jendea “oinez edo garraio publikoan joatea eklipsea ikustera”, joan-etorriek trafikoan eragin oso handia izango dutelako. Halaber, eklipsea segurtasunez ikusteko aholku zientifikoei jarraitzeko beharra azpimarratu du, eta lehen neurri gisa homologatutako eklipse-betaurrekoak erabiltzea gomendatu du.
Samina nagusi da Erronkarin, herriko hiru bizilagun Ezka ibaian itota hil ostean
Asteazken arratsaldean emakume bat eta horren bi seme adingabe hil ziren Ezka ibaian itota, eta hiru dolu-egun ezarri dituzte herrian.
Eutanasia legezko izango da Ipar Euskal Herrian ere, Frantziako Parlamentuak heriotza lagundua izateko eskubidea onartu du eta
Orain arte, 2016an onartutako Claeys-Leonetti legeak gaixotasun terminala eta bizi-pronostiko laburra zuten pertsonentzako sedazio sakon eta jarraitua ahalbidetzen zuen. Aurrez ere Asanblea Nazionalak hiru aldiz onartu zuen lege-proiektua, baina atzera bota izan du hori gehiengo kontserbadorea duen Senatuak. Hainbat aldaketa eta erreforma eginda, oraingo bozketa behin betikoa izan da.