Frantzisko: 'Aita santuaren benetako boterea pobreei zerbitzatzea da'
Frantzisko aita santuak bere aitasantutzari hasiera eman dion meza eman du astearte honetan, eta naturaren eta pobreen defentsa egin du bertan.
200.000 bat jarraitzaile bildu dira San Petri plazan, Vatikanoak emandako datuen arabera, eta, ekitaldian zehar, pontifizearen sinboloak jaso ditu Frantziskok: palioa eta Arrantzalearen eraztuna.
''Hodei grisen aurrean'' esperantzarako deia egin die fededunei Jorge Mario Bergoglio aita santuak, izendapena jaso eta gutxira pesimismoan ez erortzeko egindako deiaren ildotik.
Meza hasi orduko Benedikto XVI.a aita santu emeritua gogoratu du Frantziskok. Ondoren, aita santuak ''Jainkoaren herritar guztiak'' eta gizateria osoa zaintzeko besoak ireki behar dituela defendatu du, eta bereziki aipatu ditu ''pobreak, ahulenak, txikienak, gose direnak, atzerritarrak, biluzik daudenak, gaixo daudenak eta preso daudenak''.
Aurreko egunetako mezuetan agerian utzitako hizkera umilari eutsiz, ''mesedez'' eskatu die ''bizitza duen oro zaintzea'' maila ekonomiko, sozial eta politikoan erantzukizuna dutenei.
"Ez dezagun utzi suntsiketaren eta heriotzaren arrastoak gure mundu honen ibilbidean lagun izaten. Gogora dezagun gorrotoak, inbidiak eta amorruak bizitza zikintzen dutela'', azpimarratu du.
Jeep irekia, urrezko eraztunari uko eginda
Jarraitzaileekiko gertutasunaren ikur argi gisa, Frantzisko aita santua jeep ireki batean heldu da San Petri plazara, ohiko 'papamobil'a baztertuz.
Halaber, aitasantutzari meza batekin eman dio hasiera Frantziskok, koroatzea eta tiara ezartzeko ekitaldia alde batera utzita. Izan ere, aspaldi, "koroatze ekitaldia" deitzen zitzaion lehen ekitaldi honi, aita santuari ematen zioten tiara (hiru koroako mitra altu eta estu bat) dela-eta. Ekitaldi honetan koroa jantzi zuen azken aita santua Paulo VI.a izan zen, 1963. urtean.
Meza hasi aurretik, San Petriren hilobira jaitsi da Frantzisko, bertan otoitz egiteko.
(Jeep ireki batean egin du aita santuak ibilbidea San Petri plazan. Efe)
Basilika barruan, ''badaukagu aita santua'' iragarri zuen Jean Louis Tauran kardinal protodiakonoak eman dio palioa, garai bateko Artzain Onaren ikurra. Ondoren, Angelo Sodano kardinal deanak Arrantzalearen eraztuna jarri dio. Ohiko urrezko eraztunaren ordez, zilarrezko eraztuna da Frantziskorena, eta Petri apostolua eta giltzak ditu grabatuta.
Aita santuaren sinboloak jaso ostean, sei kardinalek obedientzia eskaini diote, beste guztien izenean.
(Frantzisko aita santua, mezan. Efe)
Guztira, 132 herrialdetako estatuburu eta gobernuburuak izan dira ekitaldian, besteak beste Asturiasko printze-printzesak eta Mariano Rajoy (Espainia), Angela Merkel (Alemania), Joe Biden (AEB) eta Cristina Fernandez de Kirchner (Argentina).
Konstantinoplako patriarka, Eliza Ortodoxoko burua, Bartolome I.a,, ere ekitaldian izan da, 1.000 urtean lehen aldiz. Halaber, Robert Mugabe Zimbabweko diktadorea eta Saudi Arabiako eta Afganistango ordezkariak ere ekitaldian izan dira.
Bezperan, Federico Lombardi bozeramaileak azaldu zuenez, ''Vatikanoak ez du inor gonbidatzen ezta inor baztertzen ere''.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.