Kaleratzeak Stop elkarteak Barredari ere egingo dio 'escrache'a
Bizkaiko Kaleratzeak Stop elkarteak iragarri duenez, asteartean Leopoldo Barreda PPko diputatuaren aurkako escrachea atzeratu egin dute, baina eguna zehazteke dago oraindik, Twitterren zabaldu dutenez. Escracheak etxegabetzeak ekiditeko legedia aldatzea exijitzea du helburu.
Bestalde, ostegunean, hilak 11, BBKren Bilboko egoitzaren aurrean escrache bat egingo dutela esan dute. Horrezkero, plataformak Bilbon egingo duen bigarren protesta izango da, lehengo ostiralean Bizkaiko hiriburuko PPren egoitzaren aurrean egin baitzuten.
Barredari horren moduko protesta egingo ziotela iragarri zuen, baina elkarteak jada zabalduta zuen escrache gehiago egingo dituztela, besteak beste Antonio Basagoitiren aurka.
Barredaren erantzuna
Leopoldo Barredak dagoeneko esan du escracheak ez duela bere boza aldaraziko eta "demokraziaren aurkako jarrera" dela kritikatu du.
Europa Press agentziari esan dioenez, "mugimendu hori hartzen ari direnen jarrera da, Batasunarekin parekotasuna duten sektoreetako kideak dira".
Escrachea Gipuzkoan
Bestalde, Gipuzkoako Kaleratzeak Stop elkarteak beste escrache bat deitu du astelehenerako, Jose Eugenio Azpiroz Villar PPko diputatuaren abokatu bulegoan, hain zuzen.
18:00etan egingo dute protesta eta Isabel II etorbidean dagoen Kutxako bulegotik abiatuko dira, Amara auzotik.
Halaber, asteartean, 18:00etan, Donostiako PPren egoitzaren aurrean beste escrache bat egingo dutela iragarri dute.
Zure interesekoa izan daiteke
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren edo oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, inpaktuaren jatorria egiaztatu ez duelako
Donostiako epaileak itxi egin du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.
Futbol arbitro neska batek salatu du irainak eta mehatxuak bota zizkiotela partida batean, Basaurin
Bizkaiko Futbol Federakundeko lehiaketa batzordea gaur elkartzekoa da gertatutakoa aztertzeko eta balizko neurriak aztertzeko. Basauriko futbol taldeko jokalariak, teknikariak eta zaleak barne, irainka hasi zitzaizkion, talde bisitariak berdinketa (3-3) lortu eta gero.
BI-30 errepidean izandako istripu batek auto-ilarak eragin ditu Txorierrin eta Arrontegin
Ezbeharra goizean goiz gertatu da Erandion, eta errei bat itxi behar izan dute Galdakaorako noranzkoan. Ilara luzeak sortu dira.
EHUk unibertsitate-komunitatean errespetua eta bizikidetza indartzeko protokolo bat bultzatuko du
Ekimenak bitartekotza, partaidetza eta sentsibilizazio-neurriak izango ditu, eta komunitate osoaren ekarpenak jasotzeko plataforma digital bat izango du oinarri.
Albiste izango dira: Korrika zuzenean, krisi energetikoa eta Berdintasunerako Emakunde Saria
Orain-ek gaur landuko dituen albiste nagusien laburpena.
Korrika Gipuzkoan sartu da!
Atallu eta Araitz-Betelu atzean utzi eta Lizartzatik sartu da Korrika Gipuzkoan, Tolosaldean. Berastegiko udaleko ordezkariek sartu dute lekukoa Gipuzkoara. Ondoren, Galtzaundi Tolosako euskaltzaleen elkartearen txanda izan da. Mailopeko eta Tolosaldeako eskualdeak bat egin dute, Korrikaren alde. Gauean, besteak beste, Tolosa, Andoain, Hernani, Oiartzun eta Irun igarota, Nafarroara itzuliko da berriz ere eta goizaldeko 06:00ak aldera Beran izango dute.