Gipuzkoak adostasunak bilatuko ditu 'errauskailuaren ondorengo aroan'
Iñaki Errazkin Gipuzkoako Foru Aldundiko Ingurumen eta Lurralde Antolaketako diputatuak hondakinen kudeaketan adostasunak bilatzeko deia egin die erakunde eta alderdi politikoei, eta gaiaren inguruan hitzarmenak bilatzeko dinamika berezia abiaraziko duela iragarri du.
Errazkinek adierazi du "eztabaida sakona" dagoela gai honetan, baina gutxitan aipatzen dela "gai gehienetan bat gatozela". "Beraz, %80an ados egon bagaitezke, zergatik ez dugu horretan adostasuna bilatuko? Aurreratu dezagun horretan, eta gainerakoan, %20an, bakoitzak berea defendatzen jarraituko du, baina gutxienez, gauzak ondo egiteko urrats sendoak eman ditzagun", esan du.
Bere hitzetan, Gipuzkoak “egoera berri bat” bizi du, "errauskailuaren ondorengo eszenatokian", hain zuzen ere, eta eragile guztiek egoera horretan aritu beharko dute. Horrela, eszenatoki berrian "adostasuna funtsezkoa" dela nabarmendu du Errazkinek.
Ingurumen eta Lurralde Antolaketako diputatuaren arabera, bi ildotan bilatu behar da adostasuna: hondakinen bilketan, batetik, eta azpiegituretan, bestetik. "Hondakinen bilketa dela-eta eztabaida izan dugu Gipuzkoan. Sentsibilitate ezberdinak daude, egia da, baina era berean, denok diogu ahalik eta gehien birziklatu behar dela eta indar politika guztiek onartzen dute 2016rako hondakinen %60 birziklatzeko helburua. Hitz egin dezagun nola egin dezakegun bide hori; helburuetan bat bagatoz, adostu dezagun helburua lortzeko modua", adierazi du Errazkinek.
Adostasuna bilatzeko bigarren ildoa azpiegiturak lirateke. Errazkinek gogorarazi duenez, "eztabaida erraustegiaren inguruan izan dugu azken urteetan, baina horrek hondakinak kudeatzeko gainerako azpiegiturei buruzko adostasuna ezkutatu du: alderdi politiko guztiek onartzen dute, adibidez, konpostatze plantak, tratamendu mekaniko-biologikorako plantak eta biometanizazio plantak behar ditugula Gipuzkoan".
Hortaz, "egokiena eta eraginkorrena" azpiegitura horiek nola egin denon artean erabakitzea dela gaineratu du foru diputatuak, "ahalik eta ondoen eta ahalik eta azkarren egiteko".
Gipuzkoako Foru Aldundiak, beraz, hondakinen kudeaketan adostasunak bilatzeko dinamikari helduko dio datozen hilabeteetan. Dinamika horretan, Gipuzkoako mankomunitate guztietako eta Batzar Nagusietako talde guztietako ordezkariekin bilduko da. Harremanak irailean hasiko direla zehaztu du Errazkinek.
Zure interesekoa izan daiteke
Legebiltzarrak onartu egin du adin txikikoen udalekuetan babesa indartzeko Legea izapidetzea
EH Bilduk eta Sumarrek, aintzat hartzea babestu arren, prozedura kritikatu dute, eta PPk eta Voxek erreforma "zuritzea" dela esan dute.
Noelia eutanasia eskatu zuen Bartzelonako gazteak gaur jasoko du, epaileak onartu ostean
25 urteko emakumeak bere erabakiari eutsi dio, nahiz eta aita aurka agertu, Espainian legezko bide guztiak agortuta eta Giza Eskubideen Europako Auzitegira jota.
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrak mendekotasuna egiten dituen eta osasungaitzak diren produktuak diseinatzen dituzte”, adierazi du abokatuak.
Hondarribiak gaur onartuko du bere II. Berdintasun Plana, Alardearen inguruko gatazka bideratzeko neurriak jasoko dituena
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela adierazi du Amaya Zabarteren senarrak
Epaileak Amaya Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa soilik izan duela kontuan, lekukoen testigantzak eta frogak alde batera utzita. Probintzia Auzitegira begira itxaropentsu dago, justizia kasua hara heldutakoan iritsiko zaielakoan.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko du.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaerari eutsi dio adingabeei sexu-proposamenak egiteagatik epaitutako Irungo irakaslearentzat
Defentsak, bere aldetik, absoluzioa eskatu du, irakasleak ustezko biktimekin "adiskidetasun" harreman soila zuela eta deliturik ez duela egin iritzita.