Fiskaltzak salaketa jarri die Epsilon Euskadiko bi zuzendari ohiri
Arabako Fiskaltzak Epsilon Euskadiko Joan Villadelprat eta Mark Payne zuzendari ohiei salaketa jartzea erabaki du ustez ondasunak ezkutatzea egotzita, El Correo egunkariak ateratako informazioaren arabera. Villadelprat enpresako arduradun nagusia izan zen, eta Mark Payne, berriz, finantza-zuzendaria.
Iragan otsailean, Fiskaltzak ikerketa bat abian jarri zuen Villadelpratek eta Paynek enpresaren likidazioan egindako aztertzeko. Antza denez, delitu zantzuak antzeman zituzten.
Epsilon Euskadi Eusko Jaurlaritzak bultzatu zuen autoen teknologiaren esparruan nazioarteko erreferente izateko. Enpresa Miñaon jarri zuten eta likidazio prozesuan dago gaur egun.
Jaurlaritzak 16 milioi euro ordaindu behar izan zizkion Kutxabanki, Spri-ren bitartez, Epsiloni emandako bermeagatik. Enpresak 50 milioi jaso zituen kreditu eta diru-laguntzetan, gehienak Espainiako Gobernuak emanda.
8 milioi euroko galerak
Fiskaltzak ikertutako gertaerak iazko martxoan izan ziren. Momentu hartan, eta zorrek bultzatuta eta 8 milioi euroko galerei aurre egin ezinik, Epsilon Euskadik hartzekodunen aurrekonkurtsoa eskatu zuen.
Dirudienez, handik egun gutxira, enpresak kirol sail osoa saldu zion Epiz Racing izeneko konpainia bati. Epic Raicing aurreko hilabetean jaio zen eta Mark Payne zen kudeatzaile bakarra.
Horrez gain, Jaurlaritzak kirol saila ez saltzeko esan zion Villadelprati, baina honek ez zion kasurik egin. Ikerketaren arabera, salmenta 200.000 euroan egin zuten, baina Fiskaltzaren kalkuluek diotenez, saldutakoaren benetako balioa 1.1 milioi eurokoa zen.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.