Alokairua eta birgaitzea, Etxebizitza Plan berriaren gakoak
Eusko Jaurlaritzak 2013-2016 Etxebizitza Plana onartu du gaur. Aurreko planekin alderatuta, alokairuaren eta birgaitzearen alde egiten du, “krisiak baldintzatu duen merkatuaren beharrak asetzeko”, Juan Maria Aburto Enplegu eta Gizarte Politiketako sailburuak adierazi duenez.
“Krisialdi ekonomikoak azken urteetako egoera aldatu du Euskadin: lanari eusteko edo lana aurkitzeko eta hipotekaren ordainketari aurre egiteko zailtasunak dituzten pertsona gehiago daude. Oztopo horiengatik guztiengatik, etxebizitzen erosketaren eskaera txikitu egin da eta saldu gabe dauden etxebizitzen eskaintza soberakinduna da”, esan du Gobernu bileraren ondorengo agerraldian.
Egoera hori kontutan izanda, plan beharrak etxebizitza babestuen parkea “eraikitzea” aurreikusten du. Batez ere eraikitako etxebizitzen parkean gauzatuko dira jarduerak, eta etxebizitzak sortzeko eta kudeatzeko eredua aldatzea bultzatuko da.
Jaurlaritzak alokairuari lehentasuna emango dio, eta eraikitako etxebizitzen birgaitzea, berritze eta leheneratzea sustatuko ditu, batez ere, “jasangarritasunarekin eta energia aurrezteko jarduerekin lotuta”. Halaber, etxebizitzaren arloko erakunde eta eragile guztien lana koordinatu nahi du, eta ildo estrategikoetako bat gazteei etxebizitza bat lortzeko aukerari eskainiko dio, gazteentzako alokairua eta babes finantzarioa emanez.
Planaren ekintza gehienak alokairua sustatzera zuzenduko dira; beraz, jabetza-erregimeneko soberakinak alokairura edo antzekoetara bideratuko dira. “Alokairua da aukerarik bideragarriena etxebizitza-eskatzaile askorentzat. Horregatik, planaren helburuak betetzeko 460.383.933 euroko aurrekontutik % 25 alokairua sustatzera bideratuko da”, azaldu du.
Azkenik, planak hutsik dauden etxebizitzen gaineko jarduerak aurreikusi ditu. Babestutako alokairura bideratu nahi ditu, Bizigune programaren eta merkatu libreko etxebizitzen alokairurako bitartekaritza-programaren (ASAP) bidez, besteak beste.
Izan ere, gaur dekretu bat ere onartu du Jaurlaritzak alokairuari lotuta. Era horretan, etxebizitza alokatzeagatik jabeari emango zaion gehienezko ordaina, hileko 450 eurokoa izango da aurrerantzean (orain arte 600 euro zen gehienezko ordaina). Gaur egun 5193 etxebizitza kudeatzen ditu era horretara Jaurlaritzak.
Albiste gehiago gizartea
"Festara" tradizionalak donostiarrak hunkitu ditu aurten ere
Bart, gauerdia baino lehentxeago, Donostiako Parte Zaharreko Gaztelubide elkartearen atarian, jendetza bildu da "Festara" tradizionala gertutik ikusi eta entzuteko. Donostiako Aste Nagusiko ezinbesteko hitzorduetako bat bihurtu da.
Eraso arrazisten aurkako protokolo espezifikoa aktibatuko du Bilbok Aste Nagusian
Errespetu Nagusia kanpainaren barruan, Bizkaiko hiriburuko Udalak eraso arrazisten aurrean aholkatzeko eta jarduteko protokolo espezifikoa jarriko du abian aurten ere.
Begoñako Amak milaka erromesen bisita jasoko du gaur
Bilboko Begoñako Basilikak milaka lagun hartuko ditu gaur Bizkaiko zaindaria ondratzeko. Goiztiarrenak goizean goiz iritsi dira tenplura, oraindik gaua zenean.
Euskadik zesta-puntako pilotariak omenduko ditu, "enbaxadore" gisa egindako lanagatik
Euskal Diasporaren Eguna dela eta, hainbat ekitaldi izango dira Markina-Xemeinen, Imanol Pradales lehendakaria buru dela.
Gaur sartuko dira indarrean Ipar Euskal Herrian ur kontsumoa murrizteko lehen neurriak
Euri faltak bultzatuta, 2022an ezarritako neurri berak hartuko ditu prefeturak, ostiral arratsalde honetan hasita.
Espainiako suteek 116.000 hektarea baino gehiago erre dituzte astebetean, eta 10.000 pertsona ebakuatu behar izan dituzte Galizian eta Gaztela eta Leonen
Bero-boladak zaildu egin du penintsulako eta Balear Uharteetako 38 foku aktiboak itzaltzea. Suak hiru hildako eta sei zauritu larri utzi ditu, eta 25.000 suhiltzaile baino gehiago atsedenik gabe ari dira lanean sugarrak geldiarazteko.
EHUk munduko 400 unibertsitate onenen artean jarraitzen du
Nafarroako Unibertsitateak maila bat egin du gora eta munduko 500 unibertsitate onenen artean kokatu da. Bordeleko Unibertsitatea, (Baionako campusa bere menpe dago) 300 onenen artean dago.
40 urte bete dira su artifizialen segurtasun-protokoloetan mugarri izan zen istripua gertatu zenetik
1985eko abuztuaren 14an, milaka pertsona su artifizialez gozatzera joan ziren Donostiara Aste Nagusiko egun handiaren bezperan. "Bonba japoniar" baten karkasa bateko espoleta batek huts egin zuen eta, gorantz atera beharrean, jendearen artean eztanda egin zuen. 6 urteko haur bat hil eta 130 pertsona zauritu ziren ezbeharrean.
Aita Marik misio berri bati ekin dio, Europako migrazio politikaren gogortzearekin batera
Itsas Salbamendu Humanitarioa gobernuz kanpoko erakundeak salatu duenez, legedi berri horrek legez kanpoko itzulketak legitimatzen ditu eta Mediterraneo erdialdeko erreskate-lanak oztopatzen ditu.
Listeria izan dezakeen gazta frantses bat saldu da Donostiako Bretxa merkatuan
Zehazki, Brie Royal Faucon gazta da, 2 kilokoa. Alertak eragindako produktua etxean duten pertsonei ez kontsumitzeko gomendatu die Osasun Sailak.