Emakume haurdun bat hil da Tuteran izandako auto istripu batean
Emakume haurdun bat hil da eta beste lau pertsona zauritu dira Nafarroan izandako auto istripu batean, A-68 autobidean Tutera parean.
Istripua 0:47an jazo da. Zaragozarantz zihoan auto bat errepidetik atera da 211,2 kilometroaren parean, bueltaka erdiko hesia gurutzatu du, irauli eta kontrako noranzkoan, Bilborantz joateko bi errailen artean gurpilak goraka zituela geratu da.
Motor batek eta bi autok errepide erdian ustekabean topatu duten autoa saihestea lortu dute, baina, laugarren ibilgailu batek ezin izan du, eta bere kontra talka egin du.
Ondorioz, iraulita zegoen autoan gidariaren ondoko eserlekuan zihoan emakume haurdun bat hil da, L.X.H.S., 31 urteko zaragozarra.
Auto horretako gidaria, 34 urtekoa eta zaragozarra hau ere, Tuterako Reina Sofia ospitalera eraman dute hasiera batean, eta ondoren Zaragozako Ospitalera, egoera larrian.
Bestalde, auto irauliaren kontra talka egin duen ibilgailuan hiru pertsona zihoazen. Etxeratek azaldu duenez, Ugaitz Perez ETAko presoearen senideak dira; Albocasserreko espetxean bisita egin zuten eta bueltan zeuden.
Horietako bat Jone Artola Etxerateko bozeramaile ohi eta iazko Bilboko Aste Nagusiko txupinera da. Tuterako Reina Sofia ospitalera eraman dute. Beste biak ere –36 urteko gidaria eta ondoan zihoan 59 urteko gizonezko bat (biak bilbotarrak)- Tuterako ospitalera eraman dituzte.
Bilborako noranzkorako bi errailak itxita egon dira artatze, garbiketa eta argiketa lanek iraun duten bitartean.
Hilotza, bestalde, Nafarroako Auzitegi Medikuntzako Institutura eraman dute, autopsia egin diezaioten.
Zure interesekoa izan daiteke
Artxandako funikularra itxi egin dute hiru egunez, mantentze lanak direla eta
Udalak jakinarazi duenez, autobus zerbitzu berezia (E5 linea) martxan jarriko da, Bilbo eta Artxandaren arteko garraioa indartzeko. Zerbitzu hori A7 lineako ohiko autobusaren osagarri modura emango da, azken horrek normaltasunez jarraituko baitu.
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.