Kaskarotenea ikastolari argindarra kendu diote
Ziburuko Kaskarotene ikastolako haurren egoera egunetik egunera okertzen ari da. Eraikina azaroaren 3rako utzi behar dutela esanaz, oharra helarazi zion joan den astean Guy Poulou auzapezak ikastolari. Neurriak hartzen hasiko zela ere jakinarazi zien, eta hasi da hitza betetzen. Argindarra eta ura astelehenetik aurrera kenduko zizkiela esan zien, baina aurreratu egin dira eta gaur argirik gabe esnatu da Ziburuko ikastola. Laida Mujika Kaskaroteneko lehendakariak Euskadi Irratian egindako elkarrizketan jakinarazi duenez, "argindarra kentzea erabaki du auzapezak". "Atzo gauean Donostiako musika talde bat joan zen ikastolara, bideo bat grabatzera, eta une horretan konturatu ziren argirik ez zegoela", esan du.
Hamahiru ikasle ditu, gaur egun, Kaskaroteneak, eta horien eskubideen alde lanean jarraituko dutela esan du Mujikak. Argia kentzen ziotenerako, argia sortzeko gailu bat dutela prest eta datorren astelehenetik aurrera martxan jarriko dutela jakinarazi du. "Astelehenean gure haurrak normaltasunez joango dira ikastolara, hori da gure asmoa", gaineratu du. Asteon, oporretan dira Ipar Euskal Herriko ikasleak.
Auzapezaren jarrera "ulertezina" dela nabarmendu du Mujikak. "Garbi dago beste proiektu batzuk dituela buruan. Euskara ez da bere proiektuen barrenean sartzen. Baina hartu duen jarrera ezin dugu ulertu. Borroka pertsonal bat bezala hartu du", salatu du.
Guy Poulou alkateak, hala ere, ez du atzera egiteko asmorik. Frantziako irrati publikoan hitz egin du, eta esan du Eskola Publikoak ikastolak erabiltzen duen argindar guztia behar duela, eta baita prefabrikatuen eremua ere. Argindarra etenda, eta isuna 400 eurora handituta, epaia betearaztea beste helbururik ez duela esan du alkateak.
Kaskaroteneko arduradunek ikastola Sokoako lur-sail batera eramatea proposatu dute, eta lurraren jabeak, Kontseilu Orokorrak, ontzat eman du proposamena, baita kontseilu hori osatzen duten kide guztiek ere, Ziburuko auzapezak izan ezik. Akordiorako aukerak, beraz, oso murritzak direla iritzi dio Mujikak.
Bestalde, Paueko Auzitegiak ezarritako isuna ere areagotu egin daitekeela jakinarazi dio auzapezak ikastolari. Ziburuko ikastolak irailaren 9rako Marinela auzoko eskola publikotik alde egin behar zuela ebatzi zuen epaileak; agindua bete ezean, egun bakoitzeko 100 euroko isuna ezarri zien. Orain, kopuru hori 400 eurora igo daiteke datozen egunotan. Hur Gorostiaga Seaskako zuzendariaren hitzetan, ikastolak "itotzeko" beste ahalegin bat da honakoa.
Azaroaren 8rako Ziburun deitu duten manifestazioak egoera "bideratzeko" balioko duen itxaropena du. Euskal Herri osoko kultur eta gizarte eragileek egin dute bat deialdiarekin. 'Ikastolak ez hunki!' lelopean egingo da manifestazioa. Bihar agerraldia egingo dute Donostian, Kaskarotenea ikastolari euskalgintza, kulturgintza eta gizarte eragileen sostengua erakusteko.
Albiste gehiago gizartea
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.
Euskarabideak "Euskera ahora" kanpainaren edizio berri bat aurkeztu du, helduek euskaraz ikastea sustatzeko
Aurten, hasierako mailan (A1) izena ematen duten 16 urtetik gorako ikasleek matrikula doan edo ia doan izango dute, Euskarabidearen dirulaguntzei esker.