Gazteen % 24k unibertsitate-ikasketak egin dituzte EAEn
EAEn, hamar urte eta gehiagoko pertsonen % 24k, 472.000k, goi-ertain edo goi mailako unibertsitate ikasketak dituzte, Eustaten datuen arabera.
Guztira 318.000 pertsonak dituzte goi mailako unibertsitate ikasketak (% 16,2), 2013. urteko datuetan oinarrituta Eustatek egindako txostenaren arabera. 2011ko datuekin alderatuta, datu horrek % 0,4 egin du gora epe horretan.
2013an, hamar urte eta gehiagoko biztanleen % 0,4 analfabetoak ziren: gizonen % 0,3 eta emakumeen %0,6.
Ikasketa mailen arteko aldeak, lurraldez lurralde aztertuta, txikiak dira. Bigarren mailako ikasketak dituzten herritarren kopuru handiena, ehunekotan aztertuz gero, Arabakoa da: % 22,6. EAE osoko datua % 21,5ekoa da.
Bizkaian unibertsitate ikasketak dituztenak % 24,8 dira (EAEn baino % 0,8 gutxiago). Gipuzkoan, Lanbide Heziketa egin dute herritarren % 17,9k (EAEn baino % 1,1 gehiago).
Lanbide Heziketan ikasketak egin dituztenen kopuruak gora egin du; 2011n herritarren % 15,6k zituzten ikasketa horiek, eta 2013an % 15,9ra igo da datua. Horrelako titulu bat atera dutenen artean, gizonezkoak (% 19) emakumezkoak (% 13,1) baino gehiago dira. Lanbide Heziketan, hiru titulutik bi goi mailakoak dira.
Herritarren % 19,8k du unibertsitate mailako tituluren bat Bizkaian; % 17,8k, Gipuzkoan, eta % 17,1ek, Araban. Bigarren mailako ikasketei dagokienez, datuak ehunekoei erreparatuta alderatuz gero, Araban daude maila horretako tituludun gehien: % 20,3. Gipuzkoan biztanleen % 19,5ek du horrelako tituluren bat, eta biztanleek % 19,1ek, berriz, Bizkaian. Lanbide Heziketako tituludunen ehunekorik handiena Gipuzkoakoa da (% 17,1), Arabakoa (% 16,1) eta Bizkaikoa (% 15,2) baino handiagoa baita.
Albiste gehiago gizartea
Gaur sartuko dira indarrean Ipar Euskal Herrian ur kontsumoa murrizteko lehen neurriak
Euri faltak bultzatuta, 2022an ezarritako neurri berak hartuko ditu prefeturak, ostiral arratsalde honetan hasita.
Espainiako suteek 116.000 hektarea baino gehiago erre dituzte astebetean, eta 10.000 pertsona ebakuatu behar izan dituzte Galizian eta Gaztela eta Leonen
Bero-boladak zaildu egin du penintsulako eta Balear Uharteetako 38 foku aktiboak itzaltzea. Suak hiru hildako eta sei zauritu larri utzi ditu, eta 25.000 suhiltzaile baino gehiago atsedenik gabe ari dira lanean sugarrak geldiarazteko.
EHUk munduko 400 unibertsitate onenen artean jarraitzen du
Nafarroako Unibertsitateak maila bat egin du gora eta munduko 500 unibertsitate onenen artean kokatu da. Bordeleko Unibertsitatea, (Baionako campusa bere menpe dago) 300 onenen artean dago.
40 urte bete dira su artifizialen segurtasun-protokoloetan mugarri izan zen istripua gertatu zenetik
1985eko abuztuaren 14an, milaka pertsona su artifizialez gozatzera joan ziren Donostiara Aste Nagusiko egun handiaren bezperan. "Bonba japoniar" baten karkasa bateko espoleta batek huts egin zuen eta, gorantz atera beharrean, jendearen artean eztanda egin zuen. 6 urteko haur bat hil eta 130 pertsona zauritu ziren ezbeharrean.
Aita Marik misio berri bati ekin dio, Europako migrazio politikaren gogortzearekin batera
Itsas Salbamendu Humanitarioa gobernuz kanpoko erakundeak salatu duenez, legedi berri horrek legez kanpoko itzulketak legitimatzen ditu eta Mediterraneo erdialdeko erreskate-lanak oztopatzen ditu.
Listeria izan dezakeen gazta frantses bat saldu da Donostiako Bretxa merkatuan
Zehazki, Brie Royal Faucon gazta da, 2 kilokoa. Alertak eragindako produktua etxean duten pertsonei ez kontsumitzeko gomendatu die Osasun Sailak.
Ondarroako Udalak herriko meskitaren aurka egindako eraso arrazista salatu du
Gertakaria 11:00ak aldera jazo da, dei anonimo batek agintariei ohartarazi dienean gorozkiz betetako poltsa bat jaurti dutela meskitaren kontra. Udaltzaingoak ikerketa abiatu du gertatutakoa argitzeko.
Begoñako Ama itsas prozesioan eraman dute Santurtzitik Bilbora
Begoñako Ama Santiagoko katedralean dago jada, Santurtzitik abiatu den itsas prozesio batean Bilbora iritsi ondoren. Berrehun pertsona baino gehiago zihoazen beste ontzi batzuek lagunduta joan da Begoñako Ama bide osoan.
Bilboko Udaltzaingoko langileen % 90ek parte hartuko dute Aste Nagusiko segurtasun-operatiboan
Gaur, Bilbon, Segurtasuna Koordinatzeko Batzordearen bilera egin da, datorren larunbatean, abuztuaren 16an, hasiko den Aste Nagusiko segurtasun-operatiboa prestatzeko. Udaltzaingoak eta Ertzaintzak eguneko 24 orduetan patruilatuko dute jai-gune nagusietan, eta eraso matxisten eta gorroto-delituen prebentzioari emango diote lehentasuna.
Tafallak su artifizialak bertan behera utzi ditu su arriskuagatik
Bero boladak eta suteen muturreko arriskuak prebentzio neurriak hartzera behartu dute Tafallako Udala.