AHTaren Bordele-Hendaia zatia ez egokitzat jo du txosten ofizial batek
Bordeleko hiria Akizerekin eta Tudelarekin lotuko lituzkeen Abiadura Handiko Trena ez du egokitzat jo egitasmoa aztertu duen batzorde ofizialak, gaur Gara eta Berria egunkariek argitaratu dutenez.
Akitaniako prefetak eskatuta, Bordele eta Akize (ondoren Hendaiara arte iritsiko litzatekeena) eta Bordele eta Tudela arteko zatiak aztertu ditu aipatu batzordeak. Horren iritziz, egitasmoak ingurumenari kaltea egingo lioke eta, hortaz, proiektua “ez egokitzat” jo du.
Inkesta Publikoaren Batzordearen iritzia ez da loteslea.
Abiadura Handiko Trenaren ezaugarri positiboak ere nabarmentzen ditu txosten horrek. Guztira 360 kilometroko tartea litzateke, eta, txostenaren arabera, bidaien denbora murriztu egingo luke AHTk. Ekonomian ere eragin zuzena izango luke, eta enplegua sortzeko ere balioko luke, dokumentuaren egileen iritziz.
Aitzitik, txostenak dio ingurumenean eragin handia izango lukeela Abiadura Handiko Trenak, eta lurralde-orekan ere eragingo lukeela, metropolien mesedetan eta herrien eta landa-eremuaren kaltetan.
Txostenak gaineratzen du Abiadura Handiko Trenaren balizko alternatibak ez direla behar bezala aztertu, eta, beraz badela, aukera bat gaur egun dauden trenbideak hobetzea bide berririk egin gabe.
Inkesta Publikoaren Batzordeak erakundeen esku utzi du jada txostena azter dezaten.
Albiste gehiago gizartea
EITBko langileek bat egin dute Mugarik Gabeko Kazetarien ekimenarekin, Gazako kazetarien hilketak salatzeko
50 herrialdetako 200 komunikabidek baino gehiagok bat egingo dute astelehen honetan Mugarik Gabeko Kazetariek bultzatutako mundu-mailako mobilizazioarekin, "Gazako kazetarien aurka propio egindako sarraskia" salatzeko eta atzerriko prentsari Zerrendan oztoporik gabe sartzen uztea eskatzeko.
Bi ibilgailuk elkarren kontra talka egin dute Iruraiz-Gaunan, eta bi zauritu daude
Trafiko-istripu horren ondorioz, A-132 errepidea itxi behar izan dute, Azazetako mendatean, bi noranzkoetan. Larrialdi-zerbitzuak lanean ari dira bertan.
Bartzelonatik Gazara abiatu zen flotillak itzuli behar izan du, eguraldi txarragatik
Itsaso zakarraren ondorioz, ontziek ezin izan zuten aurrera egin eta Bartzelonako kostaldean jarraituko dute aroa hobetu arte.
Eskolara itzultzea, inoiz baino garestiago: aurrezteko zenbait gomendio
Inflazioak eta prezioen garestitzeak eraginda, iraila hilabete kritikoa da familientzat, ikasturteari aurre egiteko prestatzen ari baitira, beharrezko eskola-materiala erosita.
Jose Mari Ustarroz eta Lekarozko 'Infernuko Gazta' Artzai Eguneko protagonista
4.950 euro ordaindu dituzte 44. Gazta Lehiaketako gazta irabazlearengatik. Euria ere izan den arren, Aralar Mendi Elkartea pozik agertu da aurreikuspen guztiak gaindituta, "txiki geratu" delako Uharte Arakil.
Bi txirrindulari ospitaleratu dituzte Nafarroan, pronostiko erreserbatuarekin, auto banak harrapatuta
58 eta 51 urteko bi gizonek kolpe larriak jasan dituzte eta Nafarroako Unibertsitate Ospitalera eraman dituzte bi zirkulazio-istripuren ondorioz, bata Eguesibarren gertatu da eta bestea Berriobeitin.
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.
Cabrales gazta irabazlearengatik 37.000 euro ordaindu eta, ospatzen ari zela, lurrera erori zaio
Asturiasko Cabrales gazta batengatik 37.000 euro ordaindu dituzte, horrelako batengatik inoiz ordaindu den kopururik handiena. Lehiaketa Encarnacion Bada gaztagileak irabazi du, eta Ivan Suarez El Llagar de Colloto Oviedoko jatetxeko ostalariak erosi du.
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.