57.501 eskari, Osakidetzako Lan Eskaintza Publikoan parte hartzeko
57.501 eskari jaso dira Osakidetzako 2014-2015eko Lan Eskaintza Publikoan parte hartzeko, atzo bertan, 14:00etan, epea amaitu ondoren. Izena emateko epea hilabete egon da zabalik, joan den ekainaren 4tik, alegia.
Deialdiak 1.014 lanpostu eskaintzen ditu. Osakidetzak aurten eta datorren urtean guztira hiru lan eskaintza publiko proposatuko ditu, guztira, 2.000 lanpostu, hain zuzen ere.
Osakidetzako Giza Baliabideen zuzendari Jose Maria Armentiaren aburuz, "eskaintza garrantzitsua da, oso, Osakidetzako pertsonala gaztetzeko, eta ilusioz hartu dute Lan Eskaintza Publiko hau parte-hartzaileek".
Eskari kopuru gehien jaso dituzten kategoriak honako hauek izan dira: zeladorea (16.307 eskari), erizaina (12.286) eta administrari laguntzailea (10.822).
Lanpostuen kopurua kategoria bakoitzaren arabera ezberdina da: Erizaintzan 288 eskeintzen diren bitartean, familiako mediku eta pediatren kasuan, 167 dira lanpostuak. Administrari laguntzaileen atalean, berriz, 192, eta beste horrenbeste Erizaintzako laguntzaileei dagokienez. Guztira, esan bezala, mila lanpostutik gora.
Lan Eskaintza Publiko horren probak aurten egingo dira, eta hainbat nobedade izango dituzte, adibidez, behin-behinekoz esleitu zaien puntu-kopurua berrikusteko eskatu ahal izango dute hautagaiek, helmuga aukera duten izangaien behin betiko zerrenda argitaratu aurretik.
Gainera, frogak aukerako erantzunek osaturiko galdetegi baten bitartez egingo dira, eta okerreko erantzunentzako ez da zigorrik izango.
.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre egin eta Donostiako kaleak girotu dituzte Iñude eta Artzainek
Ospakizun eguna dute gaurkoa Donostiako Alde Zaharrean. Azken 49 urteetan bezala, inauteri aurreko igandean, Kresala Elkartearen konpartsa atera da desfilean, aintzinako inauterietako pertsonaiak gogora ekarriz. Sarriegiren doinuez lagunduta, zortziko, fandango eta arin arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.