Ertzaintza gizon baten heriotza ikertzen ari da Lezon
Errenteriako Ertzaintzak ikerketa bat zabaldu du 34 urteko gizon baten heriotza argitzeko. Gizona iragan ostegunean hil zen, Lezon (Gipuzkoa). Droga atzeman zuten ertzainek. Etxebizitzan haxixa, kokaina eta ustez PMMA diren 239 pilula topatu zituzten.
Segurtasun Sailak jakitera eman duenez, azken droga hori oso toxikoa da eta Ertzaintzak dagoeneko apirilean arriskuaz ohartarazi zuen; izan ere, aurreneko dosiak Santurtzin atzeman zituzten. 21 urteko gazte bati droga-trafikoa leporatu dio Ertzaintzak. Inputatua hildakoaren pisu-kidea da.
Gizona 16:00ak aldera hil zen iragan ostegunean, Lezoko etxebizitzan. Ertzaintza eta larrialdi zerbitzuak bertaratu ziren SOS Deiaken abisua jaso ondoren. Gizon bat larri zegoela azaldu zieten. Biktima suspertzen saiatu ziren, baina osasun-langileek heriotza baieztatu behar izan zuten.
Kilo erdi haxix, 200 gramo kokaina eta arrosa koloreko 239 pilula atzeman zituen Ertzaintzak. Superman pilulak izan daitezke ?S? marka baitzuten.
Oso droga arriskutsua
Azterketa kimiko baten faltan, pilulak PMMA direla ematen du. Oso droga arriskutsua da; izan ere, heriotza batzuk eragin ditu Europan dagoeneko. Gainera, tokian doitasun-balantza bat, jaurtigairik gabeko pistola bat eta dirua topatu zituzten.
Substantziak atzeman zituen eta 21 urteko gazteari droga-trafikoa inputatu zion Ertzaintzak.
Donostiako guardiako epaitegia jakinaren gainean jarri zuen Ertzaintzak. Heriotza argitzeko eta drogaren jatorria zehazteko ikerketa zabaldu du EAEko Poliziak. Antza denez, droga herriko jaietan saldu behar zuten, merkatu beltzean.
Gizonaren gorpua Donostiako Auzitegiko Medikuntza Institutura eraman zuten eta autopsia egin zioten bertan. Bestalde, droga Estatuko Osasun zerbitzuek aztertuko dute, ohiko prozedurari jarraikiz.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.