Italiatik trenez heldutako 100 etorkin atxilotu ditu Frantziak
Frantziara Italiatik sartzen saiatu diren paperik gabeko 100 etorkin atxilotu dituzte herrialde horretako segurtasun indarrek. Migrazio krisi latzean murgilduta daude Europako herrialdeak, batez ere Frantzia bera, Italia eta Erresuma Batua.
Menton-Garavan tren geltokian (Italiako mugatik gertu) atzeman dituzte etorkinak, Frantziara 22:50ean heldu den TER trenaren barruan. Egiaztapen guztiak egin ostean, Italiako agintarien esku utzi dituzte etorkinok, Nice Matin egunkariak jakinarazi duenez.
Italiak Ventimiglian dagoen harrera zentrora eraman ditu. Azken asteetan, ehunka dira herri honetan pilatutako etorkinak, Frantziara igarotzeko aukeraren zain. Poliziak legez kanpoko etorkinen kanpalekuak hainbatetan hustu behar ditu ordudanik.
Erresuma Batuak legez kanpoko immigrazioaren aurkako neurriak gogortuko ditu
Bestalde, migrazioa krisiaren beste puntu beltzaren, Erresuma Batua-Frantzia arteko mugaren, harira neurriak iragarri ditu gaur David Cameroren gobernuak. Jakinarazi duenez, paperik gabeko etorkinei lana ematen dieten enpresa eta gizabanakoen kontrako neurriak gogortuko ditu.
"Legez kanpoko etorkinei lana ematen dieten enplegatzaile tranpati horiek britainiarrei eta modu legalean gurean dauden etorkinei kalte egiten diete, enplegua ukatuz eta soldatak jaitsiaraziz", esan du James Brokenshire Immigraziorako Estatu idazkariak.
Hala, udazkenetik hasita eraikuntza, garbiketa eta "legez kanpoko etorkinak enplegatzeko ohitura" izan ohi duten enpresetan ikuskaritzak areagotuko ditu Erresuma Batuko gobernuak.
Alderdi Laboristako buruzagiek legez kanpoko etorkinen kontra egindako adierazpenek hautsak harrotu dituzte azkenaldian. Philip Hammond Erresuma Batuko Atzerri ministroak Singapurren agertu zuenez, esaterako, "Afrikatik etorritako etorkinek Europako herrialdeen ongizatea eta gizarte azpiegitura arriskuan jartzen dute".
Frantziatik Erresuma Batura, Eurotunelaren bitartez, sartu nahian ibili diren ehunka etorkinen aferak, gainera, ez du giroa gozatu.
Zure interesekoa izan daiteke
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.
Arrazismoaren aurkako martxa batek "faxismoaren gorakada" eta "zigorgabetasuna" salatu ditu Bilbon
Arrazagatiko Diskriminazioa Ezabatzeko Nazioarteko Eguna dela eta, ehunka pertsonak bat egin dute larunbat honetan Arrazakeriaren aurkako Bilboko M21 Asanbladak deitutako manifestazioarekin. "Faxismoaren gorakada" salatu, eta "talde neonazi eta supremazisten" jarduera eta diskurtsoen "zigorgabetasunaz" ohartarazi dute. 12:00ak jota zirenean hasi da martxa, Mariaren Bihotza plazan, eta San Frantzisko kalea Zabalbururaino zeharkatu eta gero, Bilboko udaletxearen aurrean amaitu da, manifestu bat irakurrita.
Edukiontziak erre dituzte bart Getxon eta Bilbon, eta ikerketa zabaldu du Ertzaintzak
Getxoko Areeta auzoan, 12 edukiontziri eman diete su, eta Bilboko Zorrotza auzoan, 3 erre dituzte. Ikerketa abiatu dute, eta Getxoko Udaltzaingoa susmagarri bat identifikatzeko lanean ari da jada.
Durango, Palestinaren alde
Musikari ez ezik, bertsolariei eta umoregileei ere ireki die leihoa Oihu bat Palestinara jaialdiak; izan ere, Maialen Lujanbio, Amets Arzallus, Txaber Altube eta Nerea Ibarzabal bertsolariek eta Antton Telleria eta Asier K. bakarrizketariek hartu dute parte.
Nafarroako Erribera luze-zabalean zeharkatuta, Iruñerako bidea hartuko du gauerdian Korrikaren lekukoak
13:23an iritsiko da igandean Korrika Nafarroako hiriburura, bere laugarren egunean. Euskararen aldeko pausoek Erribera hartu dute larunbat honetan, korri eginez eta euskaraz bizitzeko aldarria ahotan.
Ehunka lagun elkartu dira Bilbon, "Kuba bizirik. Blokeorik ez!" lelopean
Hegoak plataformak deituta, Kubaren aldeko elkarretaratzea egin dute gaur eguerdian Bilboko Areatzan, "EBk ezarritako itolarri ekonomiko eta energia blokeo politika arbuiatzeko". Habanara iritsiko den konboi solidarioaren alde ere agertu dira. Bilbon bezala, Iruñean ere mobilizatu dira plataforma horrek deituta.
47 urteko gizon bat atxilotu dute Ermuan, anaia sastatzea egotzita
Erasoa 06:00ak aldera gertatu da, San Pelaio auzoko etxebizitza batean. 46 urteko biktima larri eraman dute ospitalera, gorputzeko hainbat lekutan zauriak baitzituen.
Gizon batek alaba adingabea hil du Torreviejan
Guardia Zibila indarkeria bikarioko krimen gisa ikertzen ari da gertatua. Zantzu guztien arabera, 40 urteko gizonak 3 urteko alaba hil du eta bere buruaz beste egin du ondoren.
Preso bat hilik aurkitu dute Baionako espetxean
23 urteko gizonak bere buruaz beste egin du. Arazo psikiatrikoak zituen, eta bakarkako ziega batean zegoen preso.