Zer egin behar dut liztor asiarren habia ikusten badut?
Liztor asiarren habi bat zegoen asteazken honetan Bilboko Europa Parkean, eta, ondorioz, Calumek Aste Nagusian ematekoa zuen kontzertua bertan behera utzi behar izan zuten. Kontzertua 20:00etan hastekoa zen, baina ordu horretan suhiltzaileak zeuden parkean, erlauntza kentzea xede. Hainbat lagun ziren biltzekoak kontzertuan, eta jendearentzako arriskua egon zitekeenez, agintariek erabaki zuten Calumen kontzertua ez egitea. Zenbait aukera ari dira orain aztertzen, ea aste honetan bertan egiterik dagoen.
Urte batzuk joan dira, dagoeneko, liztor asiarra Euskal Herrira heldu zenetik, baina, zer egin dezaket habi bat topatzekotan? Lehenik eta behin, kontuan izan behar da ikustea ez dela erraza; izan ere, nahiko goian egoten dira, lurretik 15 bat metrora, eta udaberrian edo udan hostailak oztopatzen du ikustaraztea. Antzematen badugu, garrantzitsua da hainbat gomendio jarraitzea; Donostiako Udalak, esate baterako, bere webgunean zehazten ditu:
-Ez gara liztor-erlauntzera gerturatu behar: liztor asiarrak ez die pertsonei erasotzen aurretik erasoa ez bada; hortaz, ezinbestekoa da ez zirikatzea. Habiek baloi-itxura izaten dute eta paperez eginda daude. Jakiteko aurrean duguna liztor asiarra den ala ez intsektuaren tamainari begiratu behar diogu: liztor arrunta baino askoz ere handiagoa da.
-Habia ez ukitzea: hain zuzen, pentsa lezakete erasotzen ari gatzaizkiela . Arabako Foru Aldundiko iturriek eitb.eus-i esan diotenez, hau halabeharrez jarraitzeko aholkua da, arrisku handiagoak saihestu ahal izateko.
-Larrialdietako zerbitzuak ahalik eta lasterren deitu, habia ken dezaten. Bizkaian Base Gorria arduratzen da honetaz (Nekazaritza Sailekoa da, eta bi telefono ditu: 94 446 52 97 eta 94 446 50 11. Lezaman dago); Donostian, Udalak 092 zenbakia erabiltzea eskatzen du, Herrizaingoa abisatzeko. Udalerri bakoitzean, suhiltzaileek eta poliziak elkarrekin egiten dute lan, liztor-erlauntzak kentzeko, espezializatutako langileekin batera. Arabako Foru Aldunditik diote 112 zenbakira deitu behar dugula, larrialdietako zerbitzura, arazoari irtenbidea emateko.
Herritarren laguntza, garrantzitsua
Herritarren laguntza oso garrantzitsua da liztor asiarraren aurka borrokatzeko; izan ere, habi bat kentzen den bakoitzean (liztor erreginek udaberrian egiten dituztenetako bat), 200 habi handiren sorrera eragotziko da. Eta habi bakoitzean, 2.000 bat liztor egoten dira.
Liztor asiarra 2004an heldu zen Europara, Bordeleko portutik, eta kezka berehala hedatu zen gure kontinentean: izan ere, liztor asiarrak, lore eta fruta helduaz gain, erleak jaten ditu, bere burua elikatzeko.
Zure interesekoa izan daiteke
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.
Arrazismoaren aurkako martxa batek "faxismoaren gorakada" eta "zigorgabetasuna" salatu ditu Bilbon
Arrazagatiko Diskriminazioa Ezabatzeko Nazioarteko Eguna dela eta, ehunka pertsonak bat egin dute larunbat honetan Arrazakeriaren aurkako Bilboko M21 Asanbladak deitutako manifestazioarekin. "Faxismoaren gorakada" salatu, eta "talde neonazi eta supremazisten" jarduera eta diskurtsoen "zigorgabetasunaz" ohartarazi dute. 12:00ak jota zirenean hasi da martxa, Mariaren Bihotza plazan, eta San Frantzisko kalea Zabalbururaino zeharkatu eta gero, Bilboko udaletxearen aurrean amaitu da, manifestu bat irakurrita.
Edukiontziak erre dituzte bart Getxon eta Bilbon, eta ikerketa zabaldu du Ertzaintzak
Getxoko Areeta auzoan, 12 edukiontziri eman diete su, eta Bilboko Zorrotza auzoan, 3 erre dituzte. Ikerketa abiatu dute, eta Getxoko Udaltzaingoa susmagarri bat identifikatzeko lanean ari da jada.
Durango, Palestinaren alde
Musikari ez ezik, bertsolariei eta umoregileei ere ireki die leihoa Oihu bat Palestinara jaialdiak; izan ere, Maialen Lujanbio, Amets Arzallus, Txaber Altube eta Nerea Ibarzabal bertsolariek eta Antton Telleria eta Asier K. bakarrizketariek hartu dute parte.
Nafarroako Erribera luze-zabalean zeharkatuta, Iruñerako bidea hartuko du gauerdian Korrikaren lekukoak
13:23an iritsiko da igandean Korrika Nafarroako hiriburura, bere laugarren egunean. Euskararen aldeko pausoek Erribera hartu dute larunbat honetan, korri eginez eta euskaraz bizitzeko aldarria ahotan.
Ehunka lagun elkartu dira Bilbon, "Kuba bizirik. Blokeorik ez!" lelopean
Hegoak plataformak deituta, Kubaren aldeko elkarretaratzea egin dute gaur eguerdian Bilboko Areatzan, "EBk ezarritako itolarri ekonomiko eta energia blokeo politika arbuiatzeko". Habanara iritsiko den konboi solidarioaren alde ere agertu dira. Bilbon bezala, Iruñean ere mobilizatu dira plataforma horrek deituta.
47 urteko gizon bat atxilotu dute Ermuan, anaia sastatzea egotzita
Erasoa 06:00ak aldera gertatu da, San Pelaio auzoko etxebizitza batean. 46 urteko biktima larri eraman dute ospitalera, gorputzeko hainbat lekutan zauriak baitzituen.
Gizon batek alaba adingabea hil du Torreviejan
Guardia Zibila indarkeria bikarioko krimen gisa ikertzen ari da gertatua. Zantzu guztien arabera, 40 urteko gizonak 3 urteko alaba hil du eta bere buruaz beste egin du ondoren.
Preso bat hilik aurkitu dute Baionako espetxean
23 urteko gizonak bere buruaz beste egin du. Arazo psikiatrikoak zituen, eta bakarkako ziega batean zegoen preso.