Laredoko hilketa bikoitzaren akusatua ez da erantzule sentitzen
Laredoko hondartzan Laudioko aita-alaba batzuk labankadaz hiltzeagatik akusatutako gizonak epailearen aurrean adierazi du hilketen egunean droga kontsumitu zuela eta ez dela hilketa horien erantzule sentitzen; hain zuzen ere, egindakoaz gogoratzen ez omen delako, horren kontzientziarik ez omen duelako eta ez omen zirelako nahita egindako hilketak izan.
"Ez naiz nire ekintzen erantzule sentitzen. Nire etxetik atera nintzenean ez nuen pentsatu ere egin hori egingo nuenik", adierazi du gaur Kantabriako Auzitegian hasi den epaiketan.
Gaur barkamena eskatu die hildakoen familiei. "Benetan sentitzen dut, ez zen nire asmoa", azpimarratu du "zergatik" egin zuen ez dakiela gaineratu aurretik.
Epaiketak lau egun iraungo du, gaur bertan hasita, eta herri-epaimahaiak hartuko du erabakia. Fiskaltzak 35 urteko kartzela-zigorra eskatuko du erasotzaile bilbotarrarentzat. Akusazio partikularrak, ordea, 40 urteko kartzela-zigorra eta 500.000 euroko kalte-ordaina.
Duela urtebete, Laudioko 42 urteko emakume bat eta haren aita, 71 urtekoa, Laredoko hondartzan pasieran zebiltzala, gizon bat agertu zen, eta, hitzik esan gabe, emakumea labankatu zuen. Haren aita erasotzailea gelditzen saiatu zen orduan, baina labankada sakon bat jaso zuen lepoan, eta hil egin zen. Jolasten ari zen haur talde baten aurrean gertatu zen guztia.
Erasotzaileak aitortu egin zuen arma zuri batekin atera zela kalera, baina, haren esanetan, ez da gertatutakoaz gogoratzen. Akusatua preso dago ordutik, eta defentsako abokatuen bertsioaren arabera, une bateko buru-nahasteak eraginda jokatu zuen.
Instrukzio epailearen ustez, ez dago zalantzarik, gizona zen erasotzailea, eta ez zuen buruko gaixotasunaren zantzurik.
Zure interesekoa izan daiteke
Beste elkarretaratze bat gaur eguerdian Basaurin, hilketa matxista gaitzesteko
12:00etan izango da, Bizkaiko udalerriko A-25 plazan, atzo talde feministek egindakoen leku berean.
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.