Parisko Goi-bilerak bidea erraztu du AEBk akordioa sina dezan
Parisko Goi-bileran (COP21) klima aldaketari aurre egiteko akordio globala adosteko ahaleginek eta negoziazioek bultzada garrantzitsua jaso dute azken orduetan, azken zirriborroan kendu egin baitituzte balizko itunarekin bat egiteko hainbat herrialdek ikusten zituzten zailtasunak.
Hain zuzen ere, gas kutsagarrien isuriak murrizteko konpromisoak legez bete behar izatea kendu dute zirriborrotik, AEBk, Txinak eta Indiak eskatu bezala. Horrek erraztu egin lezake herrialde kutsatzaileenek itunarekin bat egitea.
Zirriborro berria sinpleagoa da: 29 orri ditu (aurrekoak 48 zituen), eta horietatik 14 baino ez dira akordioari dagozkionak. Beste 15etan, itunaren ideiak garatu dituzte.
Klima aldaketaren aurkako akordioa lege bihurtu ordez, konpromisoak berrikusteko mekanismo bat proposatu du AEBk.
Halaber, herrialdeek 2018an edo 2019an beste goi-bilera bat egiteko borondatea agertu dute, gas isuriak murrizteko helburuak 2020an edo 2021ean berrikusteko.
Nolanahi ere, Parisko Goi-bilerako presidenteak, Laurent Fabius Frantziako Atzerri ministroak, ohartarazi du akordioa ez dagoela itxita oraindik. Izan ere, oztopo nagusiak "arindu" egin dituzte, baina ez "konpondu".
Zailtasun nagusia da nork ordainduko duen herrialde pobreen faktura klima aldaketaren aurkako konpromisoak betetzeko moldaketak egin ahal izateko, eta norentzat izango den nahitaezkoa akordioa betetzea.
Bestalde, oraindik ere airean dago zein izango den itunaren helburua: tenperatura globala 2 ºC edo 1,5 ºC ez igotzea. 120 herrialde formula misto baten alde agertu dira: beroketa 2 ºC ez hazteko konpromisoa sinatzea, baina egokiena 1,5 ºC ez igotzea dela aitortzea.
Goi-bilera ostiralean da amaitzekoa, eta hainbat herrialdek bat egin dute "anbizio handiko" itun bat lortzeko, tartean AEBk, Europar Batasunak, Mexikok eta Kolonbiak.
Elkarte ekologisten ustez, zirriborroan gauza "onenak eta txarrenak" islatuta daude oraindik. Horrenbestez, lan asko egin beharko da hurrengo orduetan, petrolioa ekoizten duten herrialdeek akordioa bide "txarretik" ez bideratzeko, Greenpeacek ohartarazi duenez.
Zure interesekoa izan daiteke
Espainiako Gobernuak baimena eman du Kanariar Uharteetan hantabirusa duen gurutzontzia atrakatzeko, eta larri dagoen medikua han artatzea
Ontzian 147 pertsona daude eta hiru hil dira. Cabo Verden dago, eta hiruzpalau egun barru artxipelagora iristea espero dute. Bertan, egoera larrian dagoen medikua artatuko dute.
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.