Gabonetako Loteriari begira, zortearen zain
Gabonetako Loteriak 2.240 milioi euro banatuko ditu saritan astearte honetan, abenduaren 22an, egingo den zozketan, eta 'Potoloa' eramaten dutenek 400.000 euro jasoko dituzte dezimoko.
Guztira, 24,4 milioi sari banatuko dituzte. 100.000 zenbakidun 160 serie banatu dituzte, 3.200 milioi euro biltzeko asmoz, eta % 70a izango da sarietara bideratutakoa. Bigarren saria 1,25 milioi euroko izango da serie guztiarentzat, eta hirugarrena, 500.000 eurokoa. Gainera, aurreko urtean bezalaxe, 200.000 euroko bi laugarren sari, eta 60.000 euroko zortzi bosgarren sari banatuko dituzte.
Hala, jokatutako euro bakoitzeko, lehenengo sariaren irabazleek 20.000 poltsikoratuko dituzte; bigarrenaren kasuan, 6.250 euro; hirugarrenaren kasuan, 2.500; laugarrenaren kasuan, 1.000; eta bosgarrenaren kasuan, 300.
Gabonetako Loteriaren zozketa Madrilgo Erreal Antzokian izango da, Isabel II.a Plazan, 08:30etik aurrera.
Zenbat gastatzen dugu?
EAEko eta Nafarroako herritarrak daude Espainiako Estatuan gehien eta gutxien gastatzen dutenen artean, hurrenez hurren. Hala, EAEn batez beste 75 euro (74,84) eta Nafarroan 55 euro (55,08) gastatzen dituzte.
Zorte gehien duten hiriburuak
Bilbok 12tan lortu du sari 'Potoloa'; Donostiak, sei alditan; Iruñeak, hirutan; eta Gasteizek, bitan besterik ez.
Gehien errepikatu den amaiera
Bost zenbakia da lehenengo sarian gehien errepikatu den azken zenbakia, dagoeneko 32 alditan egokitu baita amaiera hori duen lehenengo saria.
Zure interesekoa izan daiteke
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.