Laugarren sari batek, 71.119ak, 620.000 euro utzi ditu Euskal Herrian
71.119 zenbakiari egokitu zaio aurtengo Gabonetako Loteriaren laugarren sarietan bigarrena. Aurrenekoarekin gertatzen ez zen bezala, oraingoan zorteko izan gara Euskal Herrian, hainbat herritan saldu baitute: Zarautzen, Donostian, Gasteizen, Basaurin, Bilbon, Elorrion, Errenterian, Iruñean eta Tuteran. Guztira, 620.000 euro banatu ditu sariak.
Serieko 200.000 euroko sariarekin, bigarren laugarren sari hau 12:46 zirenean atera da loteria-ontzitik. Oso banatuta egon da, Estatuko 48 probintziatan saldu baitute, tartean EAEn eta Nafarroan.
Hauek dira saria egokitu zaien euskal administrazioak: Donostia (Gaztelu 2, Narrika 21 eta San Frantzisko 24), Gasteiz (Prado 20 eta Florida 26), Iruña (Marcelo Zelaieta 99), Bilbo (Ledesma 16 eta Tutulu 2), Elorrio (Urarka 3), Errenteria (Enea Kapitana 15), Zarautz (San Frantzisko kaleko kioskoa), Tudela (Geltokiko aldapa kalea 8) eta Basauri (Antonio de Trueba 2).
Elorrion banatu dute diru gehien: 200.000 euro, 1. zenbakiko administrazioak 10 dezimo (serie oso bat) saldu baitu. Gainerakoa, EAEko beste saltokietan parte-hartze txikiagoetan izan da salgai.
Dezimo bat Iruñeko Arrotxapea auzoko Karpi tabernan saldu dute. Oraindik ez dakite, ordea, ohiko bezeroek edo bisitariek erosi ote duen.
Tuteran loteria administrazioa ixtera zihoazenean jakin dute zenbaki sariduna zutela. Pozik hartu dute berria: "Arratsaldean etorriko zaizkigu zorteko lagunak, eta xanpainarekin ospatuko dugu", esan du bertako saltzaileetako batek.
52.215ak, txakurkirik ere ez gurean
Goizago, 09:56an, atera den beste laugarren sariak, 52.215ak, ez du ezertxo ere utzi gurean eta Estatuko ondorengo probintzietan egokitu da: Madril, Alacant, Murtzia, Caceres, Malaga, Asturias eta Valentzia.
Laugarren sari hauek serieko 200.000 euroko saria dute.
Zure interesekoa izan daiteke
Joko areto baten kontra protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Guardia Zibila gizonaren bila ari da atxilotzeko.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.