Donostia, danborrada 'berezia' hartzeko prest
San Sebastian eguna ate-joka da, eta Donostia danborradaren prestaketa lanetan murgilduta dago. Urtarrilaren 20an 16.459 lagunen danbor hotsek hartuko dute Gipuzkoako hiriburua, 135 taldetan banatuta. Eneko Goia Donostiako alkatearen hitzetan, aurtengoa "berezia" izango da, Donostia 2016ko ekitaldiekin bat egingo duelako ospakizunak.
Goiak prentsaurrean aurkeztu ditu aurtengo danborradaren xehetasunak. Alfonso Gurpegi zinegotzia, Gaztelubide eta Union Artesanako ordezkariak, eta Pablo Berastegi Donostia 2016ko zuzendaria ere aurkezpenean izan dira.
4.328 danbor-jole, 10.593 barril-jole, 1.400 kantinera, gastadoreak, heraldoak eta fusileroak izango dira protagonista nagusiak San Sebastian egunean, 2.500 musikari baino gehiagok lagunduta.
Berrikuntzak
Urtarrilaren 18an ekingo zaio aurten festari: egun horretan, 19:30ean, San Telmo Museoan harrera berezia egingo zaie danborradako hainbat ordezkariri. Kultur hiriburutzarekin lotutako ekitaldia izango da.
Eta, beti bezala, San Sebastian egunean, 00:00 puntuan, ohiko bandera igoerarekin lehertuko da festa. Mendizabalen iritzian, inoizko ‘ikusgarriena’ izango da aurtengoa.
Donostiako banderaz gain, aurten ikurrina eta Europako banderaren igoera eta jaitsiera egingo dira, modu berezian apaindutako Konstituzio plazan.
Igoera ekitaldiko berrikuntzen artean, Errenteriako eta Irungo musika banden parte hartzea nabarmendu dute antolatzaileek. Ohiko doinuez gain, Europako ereserkia interpretatuko da.
Umeen danborraden ordezkariak ere, lehen aldiz, taula gainean izango dira, eta Kresala dantza taldeak koreografia berria estreinatuko du.
Jaitsiera ekitaldian magia ikuskizun bat izango da aurtengo nobedadea. Europako bandera ikusgarri baten argiztatzea ere ikusiko da.
Zure interesekoa izan daiteke
Konpondu dute Bilboko metroan atzerapen handiak eragin dituen matxura
17:00ak jota itzuli da bere onera metroen zirkulazioa. Arazoa 11:30ean sortu da, eta itxaronaldi luzeak izan dira hainbat geltokitan ordu luzez.
Feminismoaren aldeko aldarriek eta kolore moreak kaleak hartuko dituzte bihar
Hiru manifestazio deialdi izango dira aurtengo martxoaren 8an. Batetik, ohi bezala, Euskal Herriko Mugimendu Feministak bost hiriburutan eguerdirako egin duena. Bestetik, Euskal Herriko Feminista Abolizionisten Koordinakunde sortu berriak EAEn eta Nafarroan egindakoa. Itaia talde feministak ere deialdi propioa egin du. Martxa guztiak noiz eta non abiatuko diren bildu dizuegu.
Espainiako Gobernuaren Nafarroako ordezkariaren dimisioa eskatu dute zale gorritxoek manifestazio batean
Sadar Bizirik elkarteak deituta, protesta egin dute ehunka lagunek Iruñean. Osasunak duela bi aste Real Madrilen aurka jokatutako partida amaitu ostean Espainiako Poliziak erabilitako indarkeria salatu dute, eta Alicia Echeverriari erantzukizunak bere gain hartzeko eskatu diote. "Ezin dugu normalizatu etxean bertan amorruz eta bortizkeriaz gu jipoitzea", nabarmendu dute.
Behin egoerak hobera eginda, garbiketa lanei ekin diete inguru kaltetuenetan
Mungialdean egin du euri gehien, eta zenbait garaje eta errepide hartu ditu urak bertan, Derion, Bakion eta Getxon bezalaxe. Errepideetan ere gorabehera ugari izan dira.
Dohatik etxera bidean den Garikoitzek astea nola igaro duen azaldu du: "Beldur eta ezinegon uneak bizi izan ditugu"
Garikoitz Knörr euskara irakaslea Dohan (Qatar) zegoen AEBk eta Israelek Iranen aurkako erasoaldia abiatu zutenean. Astebete geroago, etxera bueltatzeko izan dituen zailtasunak azaldu dizkigu bideo honetan.
Asteburu honetan eta hurrengoan ez da trenik ibiliko Andoain eta Irun artean
Astigarraga-Irun tartean hirugarren trenbidea jartzeko lanek eragin dute tren zerbitzuaren etena. Renfek autobus zerbitzua eskainiko du bidaiarien joan-etorriak bermatzeko. Gainera, Loiolako geltokia itxita egongo da apirilaren erdialdera arte.
Arrigorriagako Padura klubak “irmo” gaitzetsi ditu adin txikiko batek jasandako sexu-jazarpenari buruz zabaldutako “funtsik gabeko akusazioak”
Kirol klub horretan neska batek sexu-indarkeria eta jazarpena jasan dituela salatu dute elkarteek. Padurak “gogor" gaitzetsi du “edozein eraso mota” eta baita bideoa hedatzea ere, baina gertakariak klubaren jardueraren esparrutik kanpora gertatutakoak direla adierazi dute.
Euskal sukaldaritza berriaren sortzaileak, 2025eko Euskadi Gastronomia Sarien irabazleak
Besteak beste, hauek aritu ziren mugimendu horretan: Juan Mari Arzak, Pedro Subijana, Karlos Arguiñano, Ramon Roteta, Xabier Zapirain, Luis Irizar, Ramon Zugasti, Ricardo Idiakez, Tatus Fombellida, Patxi Quintana, Pedro Gomez, Manolo Iza, Jesus Mangas eta Jose Juan Castillo.
Asteartean Santanderren hildako ikasleen zentroan lur jota daude
Hildako gazteak Kantabriako La Granja Lanbide Heziketako Ikastetxeko ikasleak ziren. Abeltzaintza eta abere-osasunari buruzko zikloa ari ziren ikasten. Bertako zuzendariak azaldu duenez, zentroan lur jota daude.
Martxoaren 8ko aldarrikapenekin bat egin dute erakundeek eta sindikatuek
Martxoaren 8aren bezperetan, udalek, aldundiek eta sindikatuek aldarrikapen feministekin bat egin nahi izan dute. Bilboko udaletxean egindako ekitaldian, oso kezkatuta agertu dira emakumeen eta berdintasunaren aurkako mezuak ugaritzen ari direlako.