Arrigorriagako Padura klubak “irmo” gaitzetsi ditu adin txikiko batek jasandako sexu-jazarpenari buruz zabaldutako “funtsik gabeko akusazioak”
Kirol klub horretan neska batek sexu-indarkeria eta jazarpena jasan dituela salatu dute elkarteek. Padurak “gogor" gaitzetsi du “edozein eraso mota” eta baita bideoa hedatzea ere, baina gertakariak klubaren jardueraren esparrutik kanpora gertatutakoak direla adierazi dute.
Padura Arrigorriagako klubak "irmo" gaitzetsi ditu 14 urteko neska batek sexu-jazarpenari buruz Bidaure genero indarkeriaren biktima diren haurrak babesteko elkarteak eta Urruma Arrigorriagako talde feministak "zabaldutako funtsik gabeko akusazioak”.
Bizkaiko herri horretako bi elkarte horiek "irmotasun falta" egotzi diote futbol klubari sare sozialetan zabaldutako ohar batean adin txikiko batek jasandako sexu-indarkeria eta jazarpenagatik. Horrekin lotuta, 5 gazte ikertzen ari dira, eta elkarteek salatutakoaren arabera, mutil horiek nesken taldeko jokalaria jazarri dute entrenamenduetan, eta batek neskaren bideo sexual bat zabaldu zuen. Irailean izandako gertakariak dira, eta kasua Adingabeen Fiskaltzaren esku dago jada.
Ostiral iluntzean zabaldutako ohar batean, Padurak "gogor" gaitzetsi du "edozein eraso mota", baita bideoa hedatu izana ere. Horren esanetan, "ekintza arduragabea da" eta "pertsonen intimitatea urratzen du".
Halere, Bidaure eta Urruma elkarteek "informazio faltsua eta kontrastatu gabea" zabaldu dutela iradoki du, eta "errealitatea desitxuratzea" egotzi die, "adingabeei, haien familiei eta kirol komunitate osoari" kaltea eraginez.
Klubak hainbat puntu aipatu ditu bere oharrean. Batetik esan du bideoa ez zuela klubeko jokalari batek zabaldu. "Instalazioetan ez dago jasota inolako sexu-erasorik, jazarpenik edo indarkeriarik gertatu denik", azaldu du, eta klubak ez daki "jokalarien aurkako salaketarik egiaztatu den". Bukatzeko, "gertakariak ez ziren klubaren jardueraren esparruan gertatu", erantsi du.
Padura kluba "prest" agertu da adingabearen familiarekin, erakundeekin eta informazio egiaztatua eman dezakeen edonorekin "lankidetzan aritzeko", eta argi utzi nahi izan du 2025eko azaroan gertakari horien berri izan zutenean "babeserako barne-protokoloak eta prebentzio-neurri zehatzak" hartu zirela.
Zure interesekoa izan daiteke
Berriro itzali dute Derioko sutea, Loiuko aireportutik gertu berpiztu zena
Sua astelehenean piztu zen San Isidro auzoko baso-eremu batean. Suhiltzaileek sugarrak erabat itzaltzea lortu zuten arren, sua berriro piztu zen eta lanean ari dira goizaldera arte.
Bideo hunkigarria argitaratu du Lara Tacorontek, Mexikora ikastera joan eta hil duten gaztearen ahizpak
Lara Tacorontek, asteburuan Mexikon labankadaz hil zuten Claudiaren ahizpak, salatu duenez, inork ez zion bere familiari jakinarazi “duela oso gutxi” beste bi emakume hil zituztela unibertsitate berean, Moreloseko Autonomoan. "Zergatik ez du inork ezer egiten?", galdetu eta deitoratu du "gutako bakoitza, pertsona gisa, gizarte gisa, aldatzen ez garen arte, horrelakoek gertatzen jarraituko dute".
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.