Kartzelatu egin dute Aliciaren ustezko hiltzailea
Gasteizen 17 hilabeteko neskato bat ustez hil duen gizonezkoa kartzelatu egin dute jada, Eusko Jaurlaritzako Segurtasun Sailetik baieztatu dutenez.
Daniel Montaño (30 urte) Zaballako espetxean sartu dute 17:00etan, Santiago Ospitaleko Psikiatria Unitatetik atera ondoren.
Neskatoa, Alicia, atzo arratsaldean hil zen Gurutzetako Ospitalean. Aurreko egunean, gizonezkoak ustez sexu abusuak egin zizkion, Gasteizko etxebizitza batean, eta, ondoren, leihotik bota zuen. Umearen amari (18 urte) ere eraso zion.
Ustezko hiltzailea Sevillakoa da, baina Gasteizen ezarri zuen bizitokia duela zenbait urte, eta musika irakaslea zen Arabako bi zentrotan.
Fiskaltzak hilketa delitu bat eta beste hilketa saiakera bat egotziko dio. Gainera, adingabeari sexu abusuak egitea leporatzea ere aztertzen ari da.
Bestalde, Clara Campoamor elkarte feminista pertsonatu egin da prozesu judizialean, eta espetxealdi iraunkor berrikusgarria eskatuko du.
Gaitzespena
Gertatutakoa salatzeko, Gasteizko Askatasun kaleko 14. zenbakia aldare bihurtu dute herritarrek. Neskatoaren oroimenez, kandelak eta pelutxeak paratu dituzte bizilagunek bertan.
Gasteizko Udalak elkarretaratze isila deitu du gaur eguerdirako. Astelehenean jasandako "eraso basatiaren" ondorioz jazotako "gertakari krudelak" gaitzestea izan du helburu bilkurak.
Hainbat erakundetako eta elkartetako ordezkariek hartu dute parte bilkuran. Besteak beste, elkarretaratzean izan dira Gorka Urtaran Gasteizko alkatea eta Izaskun Landaida Emakundeko zuzendaria. Gertatutakoa gaitzetsi dute, eta haurraren amari babesa eskaini diote.
Urtaranek esan duenez, gainerako erakundeekin elkarlanean ari dira, umearen amari "laguntza eta babesa" eskaintzeko. Herritarrei, eta "batez ere, gizonezkoei", dei egin die alkateak, "indarkeriarik gabeko gizarte baten eraikuntzan parte har dezaten".
Albiste gehiago gizartea
Panticosako bainuetxeko errepidea berriz ireki dute
Ostegunetik itxita zegoen bidea hainbat harri eta lur-jausiren ondorioz, ur-zaparrada batek eraginda.
Herriko saltokien aldeko txupinazoarekin hasi dira Lesakako sanferminak
Gurekin Zerbitzu Elkarteak bota du aurtengo txupinazoa, Udalaren hitzetan, "urtean zehar denda eta zerbitzu txikiek egindako ekarpena eskertzeko". Uztailaren 12ra arte luzatuko dira Lesakako sanferminak.
Elkartasunaren txupinazoak eman die hasiera 2025eko sanferminei
Palestina gogoan, Yala Nafarroako ordezkariek kufiyak lepoan zituztela bota dute suziria. 12:01 zirenean, Palestinaren askatasunaren oihuarekin batera lehertu da suzia Iruñeko zeruan, eta horrekin batera egin du eztanda festak.
Debako N-634 errepidean itxitako erreietako bat astelehenean irekiko dute
Errei bat irekiko dute, semaforoz araututa txandaka pasatzeko. Hala ere, aurreikuspenen arabera, azaroan irekiko dute erabat bidea, lanak amaitutakoan.
204 orduko etenik gabeko festa abiatu du txupinazoak Iruñean
Kostata baina txupina bota du aurten Palestinaren aldeko Yala Nafarroa plataformak. 2025eko sanferminak uztailaren 14ra arte luzatuko dira, tradizioz, musikaz eta kulturaz betetako egitarau zabala eskainita.
Pertsona bat atxilotu dute Portugaleten, beste bat birritan sastatzeagatik
Biktima Gurutzetako Ospitalera eraman dute. Ertzaintzak jakinarazi duenez, atxilotua 24 urteko bizilagun bat da.
Iruñea, sanferminei hasiera emango dien txupinazoaren zain
Ordu gutxi falta dira sanferminetarako, eta Iruñean dena prest dute jaiei hasiera emateko. Yala Nafarroa Palestinarekin elkartea arduratuko da aurtengoan txupina botatzeaz.
Gipuzkoako alkateek soka berari eutsi diote, "Ipuscua" hitzaren milurtekoan
Txistu eta danbolinaren erritmoan dantzatu dira Gipuzkoako 70 bat alkate eta alkateorde. Diputatu nagusia buru, eskutik helduta, jostari aritu dira soka-dantzan. Horrela ospatu dute Gipuzkoako alkateek Tolosan "Ipuscua" hitzaren milurtekoa.
Gizon bat atxilotu dute Bilbon emakume bat itotzen eta labankatzen saiatzeagatik
Eztabaidan ari zirela, gizona emakumea itotzen saiatu da, eta konorterik gabe utzi du. Ondoren, labana bat hartu du sastatzeko, baina pisukide batek eragotzi egin dio.
Dozenaka lagun bildu dira Iruñeko udaletxearen aurrean, "odolik gabeko" sanfermin batzuen aldeko protestan
Bi egun bakarrik falta dira sanferminetako lehen entzierrorako. Hori horrela, dozenaka pertsona bildu dira Iruñeko udaletxearen aurrean, entzierroen amaiera eskatzeko. Bertan, Anima Naturalis eta PETA taldeetako ordezkariek antzezpen artistikoa egin dute, 11:00etan. Kontzentrazio baketsua izan den arren, oinezko batek iraindu egin ditu bertan bildutakoak.