Kandelak eta pelutxeak, Gasteizen hildako neskatoaren oroimenez
Gasteizko Askatasun kaleko 14. zenbakia aldare bihurtu dute Gasteizko herritarrek. Atzo hil zen Gurutzetako Ospitalean Alicia 17 hilabeteko neskatoa; herenegun sexu abusuak ustez egin zizkion gizonak leihotik behera bota ostean jasandako lesioen ondorioz. Neskatoaren oroimenez kandelak eta pelutxeak paratu dituzte bizilagunek.
Gasteizko Udalak, bestalde, elkarretaratze isila deitu du gaur eguerdirako. Astelehenean jasandako "eraso basatiaren" ondorioz jazotako "gertakari krudelak" gaitzestea du helburu bilkurak.
Neskatoak lesio larriak zituen buruan, eta eraso jasan eta bi egunera hil zen. Ordutik, Askatasun kaleko 14. zenbakira gerturatu dira bizilagunak.
Polizia iturrien arabera, ustezko hiltzaileak, 30 urteko gizonezkoak sexu abusuak egin zizkion haurrari, eta amak harrapatu zuenean, leihotik behera jaurti zuen umea eta emakumeari ere eraso egin zion.
Gaitzespen mezua
Goizean goizetik, herritar andana hurbildu da erasoa jazo zen lekura. Pelutxeak eta kandelak utzi dituzte farola baten ondoan, gertatutakoaren gaitzespen eta adingabearen oroimenezko mezu batekin batera.
Hala irakur daiteke agirian: "Ez zaitugu ahaztuko, zure falta dugun arren. Zure sakrifizioa ez da alferrik izan. Zuri esker, ausartagoak eta borrokalariagoak izango gara. Ez diogu inori zu manipulatzen eta mendean hartzen utziko. Ez, berriro ez. Ez, inoiz ere ez. Goian bego" Mezua "A" letrarekin amaitzen da, Alicia txikiaren oroimenez.
Zure interesekoa izan daiteke
San Joan suak bertan behera utzi dituzte herri askotan, muturreko beroagatik
Nafarroako Gobernuak San Joan surik ez egiteko gomendatu du. Eusko Jaurlaritzak ez du gomendio orokorrik eman eta herri bakoitza bere erabakiak hartzen ari da. Hala, Iruñean, Barakaldon, Urretxun, Zumarragan, Sopelan, Berangon, Gernikan eta Muxikan, besteak beste, ez da surik piztuko.
EHUko errektoreak ohartarazi duenez, kalifikazioak "ezin dira presio sozial, politiko edo mediatikoagatik zehaztu"
Joxerramon Bengoetxea EHUko errektoreak adierazi du kalifikazioak "ezin direla zehaztu presio sozial, politiko edo mediatikoagatik". Horrekin batera, USaPeko euskara azterketetan izandako zenbait notek eragindako polemikaren harira, esan du ikasleen eskubideak defendatzeak "ebaluazio-sistemaren inpendendentzia defendatzea" dakarrela.
Pedrosa sailburuak jakinarazi duenez, USaPeko euskara azterketan zeroen % 47 ebaluatzaile berak jarri zituen
Azterketa horretan jarritako 168 zeroetatik 108, 11. eta 12. epaimahaiek zuzendutako azterketei dagozkie; guztien % 64,3.
Berrikuspenaren ondoren, euskara azterketako zeroak murriztu egin dira, baina "igoera esanguratsurik gabe" kasu gehienetan
Unibertsitatera sartzeko proben behin betiko kalifikazioak argitaratu dituzte eta EHUko errektoreak balorazioa egin du: ebaluazio- eta berrikuspen-sistemaren alde egin du.
Haur-eskolak 13:00etan itxiko dira gaurtik aurrera, muturreko beroagatik
Haurreskolen Partzuergoak bere eskolak ohi baino goizago ixtea aurreratzea erabaki du, tenperatura altuak direla eta. Neurria datozen egunetan egongo da indarrean, kontrakoa erabaki arte.
Bi pertsona atxilotu dituzte Plentziako hondartzan, lapurretetan ari zirela eta udaltzainei erasotzeagatik
Halaber, Ertzaintza bi adingabe ikertzen ari da, igande honetan Plentziako hondartzan izandako gertakarietan parte hartu zutelakoan, hainbat lapurretarekin lotutako polizia-operazio batean.
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gizon bat hil da Sopuertan, trafiko istripuz
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.