Shopping Eguna, dendak eta ostalaritza elkarturik zapatuan Bilbon
300 saltoki eta ostalaritzako lokal baino gehiago izango dira larunbatean, martxoak 19, 11:30etik 20:00etara, Shopping Eguna ekimenean. "Berritasun guztiak, Bilbon" leloa izango du denboraldiko salmentak eta hiriko merkataritza sustatzeko xedea duen egun horrek.
Ekimenarekin bat egin duten saltokiek beherapenak, opariak eta sustapenak eskainiko dituzte, beste eskaintza batzuen artean. Gainera, hiriko kaleetan zehar zuzeneko musika egongo da giroa alaitzen, baita haurrentzako tailerrak eta beste hainbat jarduera ere.
Shopping Egunaren 5. edizioan lehen aldiz egingo dute bat Bilbao Centroko eta Zazpikaleetako merkatariek, izaera berezia duten bi merkataritza-gune elkartzeko.
Hori horrela, Bilbao Centroko 140 saltokik baino gehiagok % 10eko beherapena eskainiko diete larunbatean elkarte horren bazkide-txartela dutenei, eta beste 50 bat saltokik bestelako sustapenak egingo dituzte.
Kale Nagusiaren ondoan dagoen Diputazio kalean, Bilboko saltoki eta enpresek erakusleiho propioa izango dute beren produktuak eta lan egiteko teknikak ezagutzera emateko. Ercilla kaleak, bere aldetik, azoka bat hartuko du, eta Indautxu kalean gutiziazko produktuak egongo dira ikusgai, Enkarterritik zuzenean ekarritakoak. Jado plazan umeentzako gunea egongo da kokatuta.
Jaia Zazpikaleetan
Desfileak establezimenduen kanpoan, erakusleiho animatuak, zuzeneko musika, erakusketak, sustapenak eta beherapen bereziak, erosketak egiten dituztenentzako opariak, dastaketak eta menu bereziak aurkituko dituzte Zazpikaleetara bertaratzen direnenek, 80 saltokiren eskaintzaren eskutik.
Ostalaritzako lokalek egun horretarako bereziki prestatutako menuak emango dituzte: plater konbinatuak, dastaketak, pintxo-potea, udaberriko pintxoa, produktuen zozketak...
Txurdinagako merkatarien elkarteak, Deustu Bizirik elkarteak eta Zubiarte merkataritza-guneak ekimenarekin bat egingo dute lehendabizikoz.
Zure interesekoa izan daiteke
Hemen da San Tomas, urteko feria nagusia
Bilbok eta Donostiak urteko azokarik garrantzitsuenetako bat ospatuko dute igande honetan. Aterkia ezinbestekoa izango da egunean zehar, fronte batek prezipitazioak utziko baititu.
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.