Balio gabe utzi dute Iruñeko bi haur eskoletan egindako eredu-aldaketa
Iruñeko Administrazioarekiko Auzien bigarren Epaitegiko titularrak kautelaz geldiarazi du Iruñeko Udalak bi haur eskolatan (Donibane eta Fuerte Principe) hizkuntza-eredua aldatzeko erabakia. Autoaren aurka errekurtsoa jarri daiteke Nafarroako Justizia Auzitegi Nagusiko Administrazioarekiko Auzien Salan.
Autoak zehazten duenez, "geldieraren mekanismoa existitzen den egoera batengan aldaketa nabarmena eragiten duten egintza administratiboen aurka zuzenduta dago, aipatu aldaketak konpon ezin daitezkeen kalteak sor ditzakeen kasuetan".
Kasu honetan, hainbat dira errekurrituta dauden Udalaren ebazpenak (lekualdaketei, hizkuntza-ereduei, plaza-eskaintzei eta abarrei buruzkoak), eta behin betiko epaia "2016-2017 ikasturtea hasi ondoren iritsiko da, eta horrek iruzurrezko bihurtzen du babes judiziala", dio ebazpenak.
Gauzak horrela, epaileak bere egiten ditu Udalaren erabakiaren aurka errekurtsoa jarri duenaren argudioak. Horien arabera, "oso zaila da hautematea balizko baiespen-epai batek nola berreskuratu ahal izango dituen hizkuntza-aldaketak, ikastetxeen arteko lekualdatzeak edota egindako matrikulak".
"Ez gara gai gertatuko diren egoerak lehengoratzea ahalbidetuko duen inolako konponbiderik aurkitzeko, baldin eta eskatutako kautelazko neurria aplikatzen ez bada", gaineratzen du.
Bukatzeko, autoak dio kasu honetan ez direla plaza gehiago zabaltzen, baizik eta 0-3 urte bitarteko gaztelania eta gaztelania-ingeles ereduetako eskaintzak kentzen direla; ondorioz, "hasiera batean, behintzat, ez geundeke kudeaketa-lan baten aurrean, baizik eta hezkuntza-eskaintzaren antolakuntza batean aurrean; horrenbestez, une honetan, errekurtsogilearen asmoa ondo oinarrituta dago".
Udalak helegitea jarriko du
Joseba Asiron Iruñeko alkateak adierazi duenez, Udalak helegitea jarriko du kautelazko neurri honen aurka, kontuan izanik "interes orokorra" eta kalterik jasan lezaketen 1.300 familiaren eskubideak.
"Autoa ez da epai irmoa, kautelazko suspentsioa da, eta Udalaren zerbitzu juridikoek eta udal-teknikarien zerbitzuek abala eman zieten aldaketa hauei", esan du Asironek prentsaurrekoan; alkatearekin batera, Maider Beloki Kultura, Hizkuntza Politika, Hezkuntza eta Kirol zinegotzia azaldu da, bai eta Berdintasun zinegotzi Laura Berro eta Gizarte Ekintza zinegotzi Edurne Egino.
"Interes publikoa dago lehian", nabarmendu du alkateak; Asironen hitzetan, suspentsio honek ekar lezake matrikulazio-prozesuaren etena hiriko haur eskola guztietan –Udalak hamabi ditu, eta Nafarroako Gobernuak beste bost-; hortaz, guztira 1.300 familiak jasan litzakete kalteak.
Beraz, zehaztu du nola Udalak, 15 eguneko legezko epean, helegitea jarriko duen; izan ere, "oinarrizko argudioa dago, ez dutela jendearen interesa kontuan izan, ez eta sortutako kaltea". 200 familiarengan izan dute aldaketek eragin zuzena, eta horietatik 53k epaitegira jo zuten, helegitea jartzeko.
Asironek azpimarratu du gobernu-taldeak "erabateko babesa" ematen dizkiela aldaketei, eta, adierazi duenez, "bide guztiak erabiliko ditugu defendatzeko, oso ondo justifikatuta zeudelako". Ildo horretan, nabarmendu du suspentsioak egun jazotzen den egoerari emango liokeela jarraipena; hain zuzen, haur eskoletan euskarazko plaza eskatzen dutenen % 27ri ezin izango litzaieke euren eskabideari erantzun egokia eman.
Alkateak azaldu du Donibane eta Fuerte Principeko haur eskoletako plaza guztiak, ehuneko ehuna, bete dituztela, eta itxaroteko zerrenda ere sortu da; horrek islatzen du planteatutako eskaintza "askoz gehiago" egokitzen zaiola benetako eskaerari.
Aldaketek, erantsi duenez, haur eskolak geografikoki "zentzu handiagoz" banatzeko beharra ere izan dute kontuan; izan ere, "bidegabekeria" gertatu izan da, hainbat familiarekin; hamarkadak eman dituzte oso urrun joaten seme-alabak Arrotxapeara eta Txantreara eramateko, bertan bakarrik eskaintzen baitzen 0-3 urte bitarteko zikloa euskaraz.
Asiron harrituta azaldu da suspentsioagatik, eta lasaitasun-mezua helarazi nahi izan die familiei; alkateak dio gobernu-taldeak "ondo" egin dituela gauzak, eta familiei hitzeman die informazio "zehatza eta pertsonala" izango dutela.
izango dutela.Zure interesekoa izan daiteke
Minbizia ez da borroka bat, ez da gerra bat
Minbizia borroka gisa definitzen da askotan, hizkera belikoa erabiltzen da, eta borroka hori irabazteko ardura pazienteari ematen zaio. Gaixoaren jarreran eta borondatean egiten da azpimarra, baina, hainbat ikerketa psikologikoren arabera, pentsamendu hori ez da batere egokia eta gaixotasuna gainditzea zaildu ere egiten du.
Herritarrak etxetik ateratzen hasi dira Grazaleman, azken orduotako uholdeak direla eta
Grazalema udalerriko (Cadiz) Ribera de Gaidovar inguruko bizilagunak etxetik ateratzen ari dira. Fresnillo presatik oso gertu bizi dira, eta ur-maila oso altua da han. Azken orduotan, metro koadroko 478 litro ur pilatu dira. "Alerta gorena" ezarri dute.
Telegrameko sortzaileak Sanchezen aurka egin du, sare sozialen plana dela eta: "Kontrolerako urratsak dira"
Mezua igorri die Estatu Espainiarreko erabiltzaileei, ohartaraziz Pedro Sanchezek atzo iragarritako neurriek "zaintzapeko estatu" bihur dezaketela Espainia, "babesaren aitzakian".
Arratiako Koruak 75 urte bete ditu santa eskean
1951n sortu zen, Artea eta Areatzan zeuden abesbatza bana batu zirenean, eta ordutik ez du inoiz hutsik egin otsailaren 4an. Bizkaiko hainbat herritan abestu ondoren, hiriburuan aritzen dira kantuan, azken urteetan bezala, Caritas elkartearentzat dirua biltzen.
Mouliaak Errejonen aurkako salaketa erretiratu du "osasun arrazoiengatik", baina ez du akusazioetan atzera egin
Herri-akusazioak bere horretan jarraitzen du "biktimaren eskubideak" babesteko. Bestalde, diputatu ohiak aktorearen kontrako kereilarekin jarraituko du.
Bideo bat zabaldu dute Iker Aranari foam bala batekin tiro egiteagatik ikertutako ertzainaren bertsioa gezurtatzeko
Justizia Aranarentzat plataformak bideo bat argitaratu du, ertzaintzaren abokatuak auzia artxibatzea eskatu ondoren. Iker Arana gazteak salaketa jarri zuen barrabil bat galtzeagatik Bilboko Etxarri Gaztetxea utzarazteko operazioan ertzainek tiro egin ostean.
Osasunbideako langile bati zortzi urteko espetxe zigorra ezarri diote, alabaren eta biloben datu klinikoak baimenik gabe ikusteagatik
Ama-alaben arteko harremanak hautsita zeuden aspalditik, eta emakumea bere lanbideaz baliatzen zen konfidentzialak diren datuak ikusteko, delitu dena. Altsasuko osasun zentroan administrari laguntzaile zela 1.300 aldiz baino gehiagotan sartu zen senitartekoen datu klinikoak ikustera.
Amaia, bularreko minbizia duen pazientea: "Orain hemen nago, baina oso gogorra izan da eta indarra erakusten saiatu naiz"
Urtero 16.000 minbizi-kasu berri diagnostikatzen dira Euskadin, baina biziraupena % 57tik gorakoa da. Bularreko minbizia edo prostatakoa dira gehien gainditzen direnak. Amaia kasu horietako bat da. 31 urterekin diagnostikatu zioten bularreko minbizia.
Nafarroako Gobernuak esan du "protokoloaren arabera" jokatu duela tutoretzapeko zentro batean adingabe bati ustez egindako sexu-erasoaren inguruan
Javier Remirez bozeramaileak "agente, komunikabide eta alderdi politiko guztiei erantzukizuna" eskatu die, "adingabeen babesgabetasun-egoerak sortzen dituzten informazio zehazgabeei bide ez emateko". Ildo horretan, "eskuin muturrak" egoera aprobetxatu nahi duela gaitzetsi du, "adingabe jakin batzuk jatorriaren edo nazionalitatearen arabera estigmatizatzen dituen diskurtso faltsu bat markatzeko".
Adina egiaztatzea, adingabeak sare sozialetan sartzea eragozteko oztopo nagusia
Aurpegiaren azterketa biometrikoak, kreditu-txartelaren zenbakiak edo NANak ez dute konbentzitzen, datu sentikorrak babesteko arriskuagatik. Gakoa da adina egiaztatzeko sistemak aurkitzea, baina behar bezalako anonimotasunarekin.