Amiantoak kaltetutakoentzako funtsa eskatu dio Legebiltzarrak Madrili
Eusko Legebiltzarra izan da Espainiako Gobernuari amiantoaren biktimentzat funtsa sortzea eskatu dion Estatuko lehenengo erakundea, eta aho batez onartu duen lege proposamen baten bitartez egin du.
EAJk, EH Bilduk, PSE-EEk, PPk eta UPyDk babestu dute ekimena, gaiaren harira sortu zen lantaldeko lanen emaitza izan dena, eta Eusko Jaurlaritzaren oniritzia ere jaso duena.
Gaurko osoko-bilkuran onartuta, lege proposamena Gorte Nagusietara igorriko dute, bertan tramita dezaten. Gorteak desegin bazituzten ere, eskaera bertan egongo da berriro osatzen dituztenean, Gloria Sanchez legebiltzarkide sozialistak argitu duenez.
"Eusko Legebiltzarra da Madrili horrelako funts bat martxan jartzea eskatu duen lehenengo erakundea, eta aho batez hartutako erabakitik eta biktimek eta horien senideek ordaina merezi dutela uste dugulako egin dugu eskaera, bakea merezi dutelako, ez auzitegietako gerrak", adierazi du Jon Aiartza EAJren legebiltzarkideak.
Legebiltzarkide jeltzaleak Asviame amiantoaren biktimen euskal elkarteko kideen aurrean egin ditu adierazpenok, Legebiltzarrean izan baitira.
Lege ekimen horrek babes osoa jaso ostean, Jon Garcia Asviamieren bozeramaileak agerraldia egin du hedabideen aurrean, eta "egun historikoa" dela azpimarratu du, gustura.
Garciak berretsi du lehenengo aldia dela Estatuko parlamentu batek elkarteren aldarrikapenak bere egiten dituela. Azkenik, Madrilek "injustizia" hori amaitzeko eskaerari jaramon egingo diola espero duela esan du.
Ia 4.000 hildako
Lege proposamenaren argudioen zatian azaltzen denez, Espainiako Estatuan 1994tik 2008ra 3.943 pertsona hil dira amiantoarekin lotura zuzena zuten gaixotasunengatik, eta aurreikuspenen arabera, 2023 arte ugaritu egingo dira kasuak, nahiz eta ordutik aurrera egonkortzea espero den.
Era berean, gogorarazi dute zientifikoki egiaztatu dela amiantoaren eta mesotelioma gaixotasunaren arteko lotura, eta hala ere, Espainiako Estatuak oraindik ez duela biktima horiei ordaina emateko funtsik, Frantzian duela 15 urtetik badute ere.
Horren harira, gaur onartutako testuak Frantziako kalte-ordain funtsa hartzen du eredu gisa.
Azpimarratzen denez, amiantoaren arazoa jada ez dago prebentzioaren eremuan, baina kaltea urteetara agertzen da, eta "gatazka judizial ugari" sortzen da; horregatik nahi dute "errurik gabeko" kalte-ordain funtsa.
"Une historikoa da", adierazi du Eva Blanco EH Bilduren legebiltzarkideak, Legebiltzarra "hiltzaile isil" horren "bozgorailu" bihurtu dela goraipatu aurretik.
Bixen Itxasok (PSE-EE) eskaera Kongresuan jaso dezaten eskatu du, eta Espainia alor honetan gainerako Europako estatuen parean jartzea.
Mari Carmen Lopez de Ocariz PPren ordezkariak "pauso irmo"tzat jo du lege proposamenaren onarpena, eta "onena" Europa mailako funtsa izango litzakeela gaineratu du.
Zure interesekoa izan daiteke
Bi pertsona zauritu dira Azkoitian, etxe batean izandako sutean
Trino Uria kalean piztu da sua eraikineko azken solairuan, asteleheneko ordu bata aldera. Bi lagun artatu dituzte lekuan bertan; zaurituetako batek erredurak ditu eta ospitalera eraman behar izan dute. Eraikin osoa hustu dute, eta sua kontrolpean duten arren, Azpeitia eta Eibarko suhiltzaileak lanean ari dira kalteak ahalik eta txikienak izan daitezen.
EAEko farmazialariek uda baino lehen utziko diote sendagaien kupoia ebakitzeari
Osasun Saila farmazien kudeaketa-sistemak egokitzen ari da, fakturazioa sendagaien ontzietako datamatrix kodea irakurriz "egunean eta online" egin ahal izateko.
Gizon bat hil da eta lagun bat zauritu, Irungo soto batean izandako sutean
Zauritua helikopteroz eraman dute Gurutzetako Ospitalera. 13:45ean piztu da sua, Uranzu kalean, eta garrak itzaltzea lortu badute ere, suhiltzaileek hozte-lanetan jarraitzen dute.
Milaka bizipen ahaztezin, bost eguneko ibilbidean
Martxoaren 19an abiatu zen euskararen aldeko lasterketa Atharratzetik, eta, harrezkero, urratsez urrats, lurraldez lurralde, euskarari hauspoa ematen aritu dira milaka euskaltzale. Oraindik bidearen erdia ere ez du egin, baina dagoeneko irudi eta une zirraragariak utzi ditu Korrikaren 24. edizioak.
Euskadiko Erlijioen Kontseilua sortuko du Eusko Jaurlaritzak
Udaberrian jarriko du martxan Eusko Jaurlaritzak Euskadiko Erlijioen Kontseilua EAEko erlijio-aniztasuna kudeatzeko helburuz. Bizikidetza eta laikotasun kooperatiboa oinarri izango dituen ekintza plan batekin jaioko da.
Nafarroatik Gipuzkoara egingo du jauzi Korrikak bere bosgarren gauean
Araban ikusi ditu lekukoak eguneko lehen eguzki printzak, eta bertan ibiliko da Korrika eguerdia iritsi bitartean. Egino eta Ziordia arteko bidea eginda, Nafarroa iparraldean barneratuko da 13:00a aldera, Gipuzkoa helburu hartuta.
Nafarroako Gobernuak suizidioa prebenitzeko behatokia sortuko du, diziplina anitzeko profesionalen laguntzarekin
Jokabide suizidak prebenitzeko eta horiek pairatzen dituzten pertsonak artatzeko estrategia aurkeztu du Nafarroako Osasun Departamentuak. Iaz, 39 pertsona hil ziren Nafarroan beren buruaz beste eginda.
Alerta, gas-isuri handi batengatik, Barakaldon
Ezbeharra 10:00ak aldera gertatu da, Lutxana auzoko Elorriaga etorbidean dagoen obra batean, eta horrek kezka sortu du auzokoen artean.
Hamaika pertsona atxilotu dituzte Castro Urdialesen, droga-trafikotik ateratako dirua zuritzeagatik
Operazioan 3.000 gramo kokaina baino gehiago, 7 arma labur eta 4 luze, munizioa eta dirua atzeman dituzte.
2015-2025 tartea, erregistroak daudenetik izandako beroena, Munduko Meteorologia Erakundearen azken txostenaren arabera
176 urte dira Lurraren batez besteko tenperatura neurtzen denetik, eta azken 11 urteotan erdietsi dira balio altuenak. "Historia 11 aldiz errepikatzen denean, jada ez da kointzidentzia, jarduteko deia zuzena da", azpimarratu du Antonio Guterres NBEren idazkari nagusiak.