Ertzainak: 'Iñigo Cabacasi tiro egin zion agentea ez dute ikertu'
Iñigo Cabacasen heriotzagatik ikerketa judizialpean dauden hiru ertzainek esan dute Athletico jarraitzaileari tiro egin zion agentea ez dutela ikertu ere egin.
2012ko apirilaren 5ean, Athleticek partida bat irabazi zuela ospatzen ari zela, Iñigok Ertzaintzak jaurtitako gomazko pilotakada baten kolpea jaso zuen buruan. Egun batzuk geroago ospitalean hil zen.
El Correo egunkariak elkarrizketa egin die ikerketapean dauden eta egun hartan tiro egin zutela onartu duten hiru ertzainei. Guztira, zazpi agentek egin zutela tiro azaldu dute. Beraz, gainerako agenteek deklarazioa egiterakoan “gezurra” esan zutela eta auzi honetan “isilik egoteko itun bat” dagoela salatu dute.
“Heriotza eragin zion tiroa egin zuen agentea ikertu ere ez dute egin. Eskopetak zeramatzaten agenteak deklaratzera ere ez dituzte deitu”, adierazi dute.
Gainera, hiru ertzainek uste dute Segurtasun Sailak, Fiskaltzak eta akusazio partikularrak jomugan jarri dituztela eta ez dutela behar beste egin Cabacasi “heriotza eragin zion tiroa nork egin zuen jakiteko”. “Lasai-lasai joango da”, erantsi dute erantzuleari buruz.
Hiru agenteek azpimarratu dute ziur daudela eurak ez zutela Cabacasen heriotza eragin. Ildo horretan, gogora ekarri dute tiro egin zen inguru berean beste agente batzuk ere bazeudela eskopetekin.
Gau hartan “ondo” jardun zutela eta “aginduak bete” zituztela berretsi dute.
Epailearen erabakia
Bestalde, Iñigo Cabacas auziaren instrukzio fasea datorren astelehenean amaituko da. Ikerketa judizialpean dauden sei ertzainetatik hiruk soilik aitortu dute gau hartan gomazko pilotak jaurti zituztela. Hirurak Ertzaintzako bitarteko buruzagiak dira.
Cabacas familiaren abokatuak ikerketa zabaltzea eta polizia-operazio hura koordinatu zuen Ertzaintzako buruzagia ikertzeko eskatu du.
Hori dela eta, astelehenean auzia ikertzen jarraitzea edo artxibatzea erabakiko du epaileak.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.