Laudioar bat, gose greban, enbaxadetako 'gehiegikeriak' salatzeko
29 egun daramatza ura, edari isotonikoak eta astigar jarabea bakarrik hartzen, eta 10 kilo gutxiago ditu aldean, baina borrokan jarraitzeko "indartsu" ikusten du bere burua oraindik. Jakin badaki eskatu dituen aldaketek "denbora" behar dutena, ez baitira konpontzen errazak. Hauxe da Juan Ramon Martin Menoyo Saudi Arabian bizi den Laudioko gizasemearen egungo egoera.
Arabarra kontulari lanetan hasi zen duela 12 urte Espainiak Riaden (Saudi Arabia) duen merkataritza bulegoan. Urte hauetan, "irregulartasun, botere gehiegikeria eta bidegabekeria" ugari ikusi ditu bere bulegoan zein munduko beste ordezkaritza diplomatiko batzuetan.
Askotan salatu dituen arren, hitzetatik ekintzetara pasatzea erabaki zuen maiatzaren 4an, eta gose greba mugagabe bati ekin zion Ministerioari eta Espainiako Gobernuari "Atzerri zerbitzuaren erreforma sakona" galdegiteko. Zerbitzu honen baitan daude, besteak beste, enbaxadak, kontsulatuak, merkataritza bulegoak, Cervantes Institutua eta Garapenerako Nazioarteko Lankidetzako Espainiako Agentziak.
Riadetik idatziz egindako elkarrizketan nabarmendu duenez, salatutakoa ez da auzi "isolatu edota zehatza", ezta kontu makala ere: Espainiak 118 herrialdetan ditu ordezkaritzak, eta 6.000 funtzionario eta beste hainbeste kontratupeko langile ditu.
Estatuko Atzerri Zerbitzuaren erreforma sakona
Arabar honen esanetan, Espainiaren Atzerri Zerbitzua "zaharkitua, bidegabea eta hierarkizatua" da, eta horrek "kontratazioetan botere gehiegikeriak, ondasun publikoen bidegabeko eralgitzea, eta inpartzialtasun eta gardentasun gabeko hautaketa prozesuak" eragin ditu. Horrez gain, ez dago inolako neurririk irregulartasun horiek guztiak "modu eraginkorrean kontrolatzeko eta ikuskatzeko", horren aburuz.
Egoera larria izanda ere, bi gertakarik bultzatu zuten laudioarra gose greba hastera: lankide bati legez zegokion kalte-ordaina ez ematea eta hauteskunde sindikalak ez egitea. Hain zuzen ere, horiek dira Juan Ramon Martinen aldarrikapen nagusiak, eta bi eskari gehiago egin ditu: Atzerri Zerbitzua goitik behera erreformatzea, eta "diplomaziak duen gehiegizko boterea" konpentsatzeko kontrolak eta bermeak ezartzea.
Arabar honen ustean, langile publikoek euren "kexak eta proposamenak" helarazteko modua eduki beharko lukete, betiere zerbitzua hobetzeko bidean.
Ministerioaren erantzunik ez, oraingoz
Protesta hasi zuenetik ia hilabete igaro den honetan, babes mezu dezente jaso ditu laudioarrak, baita espero zituenak baino gehiago ere: lankideek, alderdi politiko batzuek (Equo, Podemos eta Ezker Anitza) eta UGT eta CCOO sindikatuek aldeko mezuak helarazi dizkiote.
Borrokan jarraitzeko "indartsu" ikusten du bere burua Martin Menoyok.
Espainiako Ekonomia eta Lehiakortasun Ministerioak, ordea, ez die eskakizun horiei erantzun. Ekonomia eta Mekataritza Bulegoen Zuzendariordetzak idatzi batekin erantzun zien hark bidalitako gutunari. Bertan irakur daitekeenez, ez dute "arrazoi objektiborik" ikusi laudioarraren protestan. Izan ere, "inongo objektibotasunik ez duten balorazio subjektiboak dira; zenbaitetan, gainera, iraingarriak dira".
Espainiak Riaden duen enbaxadoreak ostegun honetan bertan jakinarazi dionez, berarekin bilduko da aurki. Aurrez, baina, eskaerei erantzuteko "eskumenik ez" zuela adierazi zion.
Gose greba ez ezik, Change.org plataforman sinadura bilketa abiatu du Martin Menoyok. Ia 1.400 lagunek babestu dute dagoeneko laudioarraren argudio, salaketa eta eskakizunak biltzen dituen idatzia.
Zure interesekoa izan daiteke
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.