23 ekitaldi, Bilboko Gau Zuria ospatzeko

Bilboko Gau Zuria larunbat honetan, ekainak 18an, ospatuko da eta, beste urte batez, musika, antzerkia, dantza eta umorea izango dituen programa zabala izango da.

Aste honetan hainbat ekitaldi antolatu dira Bilboren 716. urteurrena ospatzeko baina, egun garrantzitsuena larunbateko Gau Zuria izango da. Arratsaldeko 20:30etatik, goizaldeko 02:00etara, 23 ekitaldi izango dira hiriburuko hainbat tokitan.

PROGRAMA:

01 BILBAO CANTA Y SUENA

Bilboko Gau Zuria musikarekin hasiko da Zazpi kaleetan. Hiru musika taldek euskal kantuak interpretatuko dituzte.

Non: Santiago Katedralaren arkupean

Emanaldiak:

• 20:30-21:30: Bilboko Akordeoi Orkestra Sinfonikoa (Zuzendaria: Amagoia Loroño).

• 22:00-23:10: Bilboko Koral Elkartearen umeen abesbatza (Zuzendaria: Jose Luis Ormazabal) eta Bilboko Koraleko Euskeria abesbatza (Zuzendaria: Urko Sangroniz).

• 23:30-00:30: Iralabarriko San Antonio Abesbatza (Zuzendaria: Maite Zugazaga)

02 GAU BELTZA

Euskal Herriko pertsonai mitologikoak (Anbotoko Mari, Basajaunak, Lamiak...) Gau Zuria ospatzera etorriko dira Bilbora. Euskal Museoko Mikeldiren inguruan Baskoniako antzinako istorioak ezagutzeko aukera izango da.

Non: Euskal Museoa

Emanaldiak: 22:00; 22:45; 23:30; 00:15; 01:00.

03 HISTORIAS DE UN PUENTE

Areatzako zubian herritarrek sortutako irudiak islatuko dira. Bertaratzen direnek zubiaren diseinuan parte hartuko dute.

Non: Areatzako zubia

04 EZAGUTU BILBO!

Joko interaktibo batean, Bilboko hainbat irudi proiektatuko dira eta jokalariek, hiriburukoak ez diren irudiak seinalatu beharko dituzte. Ziur zaude Bilbo ezagutzen duzula?

Non: Erripako kaia

05 SWING, SWING, SWING

Kalean Swing dantzatzea modan dago eta horren harira, dantzatzen ikasi nahi duten guztientzat 'Swing, Swing!' ikastaro irekiak izango dira.

Non: Areatzako kioskoa

Reunion Big Band eta Swing Up taldeek eskainitako emanaldia.

06 BILBAO, HIRI BATEN SINFONIA

Kontzertua. Musika zuzenean Behotsik orkestraren eskutik (Zuzendaria: Igor Gimenez)

Non: Bilboko Udaletxea

Emanaldiak: 22:30; 23:15; 00:00; 00:45.

07 SAREAK JOSTEN

Ibaizabalen ibilbideari jarraituz, argiztatuta egongo diren lau armiarma izango dira Uribitarte pasealekuan. Armiarma-sare batekin elkarri konektatuta, adiskidetasunaren sinboloa izango da.

Non: Uribitarte pasealekua

08 AZUL BILBAO

Ibaizabalek egiten duen ibilbidea marraztuko da 'Bilboko kolore urdinarekin'.

Non: Bizikidetza plaza

09 LUX

Abandoibarra pasealekua zentzumenen gunea izango da. Argiztapen berezia eta musika erabiliko dira ikusleen zentzumenak indartzeko.

Non: Abandoibarra pasealekua

10 ZERO GRAVITY

COT, breakdance dantza konpainiaren emanaldia.

Non: Zabalguneko Eraikina. Zabalguneko plaza, 11.

Emanaldiak: 22:00; 23:00; 00:00; 01:00.

11 ZERO KILOMETROA. IRUDIAK

Zabalguneko plazan, herritarrek ateratako argazkiak pantaila erraldoi batean proiektatzeko aukera egongo da.

Non: Zabalguneko plaza, 11

12 HIRU LEIHO

Foru Jauregian zehar ibilaldi birtuala egiteko aukera izango da. Herritarren parte hartzea sustatzen duen proiektu multimedia da.

Non: Foru Aldundiaren Jauregia

13 ¡ENCIENDE!

Moyua plazako iturriaren inguruan argiztapen berezia izango da; Gau Zuriaren ibilbidean atsedena hartzeko gune aproposa.

Non: Moyua plaza

14 KABIAK

Arriquibar plazan hegaztien habiak ikusiko dira.

Non: Arriquibar plaza

15 ARTizarrak

Bertoko eta nazioarteko artistak batuko dituen arte eszenikoen laborategia.

Non: Azkuna Zentroa. Auditorioan eta Atarian

Emanaldiak:

• Auditorioan: (KALAKAN + DOBET GNAHORE) 21:15; 23:30.

• Atarian: Organik Irrintzi: 20:30; 22:45. Lekord Sokak: 20:50

16 ¡A VUELTAS CON LOS HIPERREALISTAS!

Gau Zuriak pertsonai hiperrealistez osatutako antzerki ibiltaria ere izango du. Arte Ederren Museoaren inguruan ibiliko dira.

Non: Arte Ederren Museoa

17 LAINO GUZTIEN GAINETIK

Euskadi Plazan efektu berezia sortuko duten ehunka puxika ikusiko dira argiztatuta

Non: Euskadi plaza

18 LIGHTS & MUSIC

Argia eta musikarekin girotutako ekitaldi berezia izango da Iberdrola dorrearen atarian.

Non: Iberdrola Dorrea

19 DANK

DJ batek, publikoaren parte hartzearekin, atmosfera berezia sortuko du.

Non: Guggenheim Bilbao Museoa

20 BI ORMA EHUn ARGI

EHUko ikasleek egindako plastikozko eta argizko sorkuntza. Harremanen eta kontrasteen arteko jokoa proposatzen dute.

Non: Bizkaia Aretoa (EHU)

21 UNA NOCHE DE VERANO

Shakespearen hainbat obra bertatik bertara ikusteko aukera izango da: The Tempest (Ekaitza), Hamlet, A Midsummer Night’s Dream (Udako Gau baten Ametsa) eta Romeo & Julieta.

Non: Deustuko Unibertsitatea. Klaustroa

Emanaldiak: 22:00etatik aurrera.

22 ITSASARGIAK

Abandoibarra pasealekuko farolek kolore askotako argia emango dute.

Non: Abandoibarra pasealekua

23 ¡EMOCIONA CAROLA!

Euskalduna ontziolako Carola garabiaren historia erakutsiko dute. 'Carola' izenaren jatorri bitxia antzerki bidez azalduko dute.

Non: Itsas Museoa

Emanaldiak: 22:30; 23:30; 00:30.

KALEKO ANIMAZIOA

20:30etatik aurrera 'ACTUA Produccions'-eko Erraldoiak hirian zehar ibiliko dira.