Udako beherapenak aurreikuspen baikorrekin hasi dira
Euskal dendariek ostiral honetan, uztailaren 1ean, ekin diote udako merkealdiari, hori baita udako beherapenak abiatzeko data ofiziala.
Hala ere, 2012. urtean beherapenen aldia liberalizatu zen, eta dendaria da noiz hasten dituen erabakitzen duena. Alabaina, askok eta askok uztailaren hasierako egunak hautatzen dituzte udako eskaintzak abian jartzeko, % 20ko eta % 30eko beherapenekin, kasu batzuetan % 50eraino ere iristen badira ere.
Hori horrela, Gipuzkoako saltzaileek, adibidez, "kanpaina ona" izatea espero dute, eta, joan zen urteko datuarekin alderatuta, euren salmentak, batez beste, % 5 igoko direla aurreikusi dute.
Kanpaina honetan izango diren beherapenei dagokienez, iturri berek adierazi dute "% 30 eta % 50 artekoak" izango direla, eta batez ere ehungintzan, oinetakoetan, kosmetikan eta lurringintzan izango direla salmenta handienak. Hala ere, azpimarratu dutenez, aurten etxe-tresnen sektoreak (bereziki etxe-tresna elektrikoak eta altzariak) indarra hartuko du.
Bere aldetik, Bilboko merkatariek ere kanpaina "ona" izatea espero dute, udaberrian egon den eguraldi txarra atzera utzita, horrek ehungintzako eta oinetakoen sektoreko salmentak "kaltetu" baititu, eta horrek kanpaina “irregularra” izatea eragin du, Zazpi Kaleetako eta BilbaoCentroko merkatarien elkarteek azaldu dutenez.
Euren gomendioa da erosleak "ahalik azkarren" joan daitezela beherapenetara, baina "buru hotzarekin". "Urte guztian zehar saldu nahi dugu. Bezeroak urte osoan bezain pozik atera behar du beherapenetatik. Zer behar duen, zer nahi duen eta zer eros dezakeen jakin behar du", azaldu dute. Gaineratu dutenaren arabera, "beherapenak mauka bat dira bi alderdientzat: bezeroak prezio baxuagoan erosten ditu gauzak, eta saltzaileak likidezia eskuratzen du".
Kontsumitzaileen elkarteen gomendioak
EKA/OCUV Euskal Herriko kontsumitzaileen elkarteak "beherapenak ondo aprobetxatzeko" gomendio zehatz batzuk plazaratu ditu , eta horien artean zentzuzko gastu-muga bat ezartzea eta erosketa-zerrenda bat idaztea daude.
Zure interesekoa izan daiteke
Hemen da San Tomas, urteko feria nagusia
Bilbok eta Donostiak urteko azokarik garrantzitsuenetako bat ospatuko dute igande honetan. Aterkia ezinbestekoa izango da egunean zehar, fronte batek prezipitazioak utziko baititu.
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.