Otsailaren 19rako deituko dute zezenketei buruzko galdeketa Donostian
Eneko Goia Donostiako alkateak datorren urteko otsailaren 19rako deituko du Gipuzkoako hiriburuan zezenketak egiteari buruzko galdeketa.
Udaleko iturriek jakinarazi dutenez, alkateak gaur ema die bere asmoaren berri bai Bozeramaileen Batzordeari, bai Donostia antitaurina Orain! plataformari.
Goiak datorren astean sinatuko du galdeketa otsailaren 19rako deitzen duen ebazpena. Galdeketa horretan aipatu plataformak planteatutako galdera egingo da; izan ere, 9.000 sinadura aurkeztu zituen Udalari kontsulta egin zezan eskatzeko.
Hori horrela, honako galdera honi erantzun beharko diote donostiarrek: "Udalak zezenketak egitera udal-baliabideak bideratzeari utzi diezaion nahi al duzu?"
Baliabide horien artean dago Illunbeko zezen-plaza. Udalarena da eta bertan ez besterik ezin daitezke egin zezenketan Donostian.
Ebazpena sinatzea Donostiako Udalak 2015eko apirilaren 30ean onartu zuen herri-galdeketak egiteko araudian jasotzen diren urratsetako bat da. Aitzitik, araudi hori ezeztatu egin zuen Euskal Autonomia Erkidegoko Auzitegi Nagusiak Estatuko Administrazio Orokorrak hala eskatuta.
Dena dela, Donostiako Udalak erabakia errekurritu zuen, eta, horrenbestez, araudia "indarrean dago" oraindik ere, Euskal Autonomia Erkidegoko Auzitegi Nagusiaren erabakia behin betikoa izan arte.
Otsailaren 19ko data arrazoi logistikoengatik hautatu dute, baina baita hauteskundeen egutegiak ezartzen dituen murriztapenengatik ere. Izan ere, araudi horren arabera, debekatuta dago galdeketarik egitea hauteskunde-garaian, eta Euskadin udazkenean irekiko da horietako bat Autonomia Erkidegoko hauteskundeak direla-eta.
Udalak ezeztatuta, baina oraindik ere indarrean dirauen araudiaren bidea aukeratu du, baina beste bide batzuk ere aintzat hartzen ditu, justiziak tokiko arautegia behin betiko baliogabetzen badu.
Kasu horretan, Ministroen Kontseiluari baimena eska diezaioke, Gipuzkoako udal askok zaborren kudeaketari buruzko galdeketak egiteko egin duten moduan. Euskadiko Udal Legearen bidea ere badago, nahiz eta Estatuak horri ere errekurtsoa jar diezaiokeen.
n. n.Albiste gehiago gizartea
Tecnaliak Kanadara zabaldu du suarekin saiakuntzak eskala handian egiteko gaitasuna
Tecnalia ikerketa-zentroak Kanadako araudiaren arabera suarekin saiakuntzak eskala handian egiteko akreditazioa lortu du. Agiaztapen hau Estatu Batuetarako edo Erresuma Baturako lortutakoei gehitzen zaie. Lorpen honek negozio-aukerak zabaltzen dizkie eraikuntza-industriako enpresei, Europatik haragoko merkatu arautu eta zorrotzetan.
Bilboko Konpartsetako 13 txosnak ez dute Coca-Cola salduko Palestinako herriari elkartasuna adierazteko
Altxaporrue, Bizizaleak, Eguzkizaleak, Hau Pittu Hau, Kaskagorri, Kranba, Txinparta Feminista, Mekauen, Piztiak, Txinbotarrak, Txori Barrote, Uribarri eta Sinkuartelek ez dute produktu hori salduko.
Loiolako kuartelen salerosketaren eskriturak uztailaren 23an sinatuko ditu Donostiako Udalak
Salmenta horri esker 1.700 etxebizitza babestu baino gehiago eraiki ahal izango dira eremu horretan. Eskriturak sinatzen diren unetik aurrera, militarrek lau urteko epea izango dute eremutik joateko.
Bizkaiko farmaziek bat egin dute arazo soziosanitarioetako egoerak detektatzeko programarekin
Farmazien eta EUDEL-en arteko akordioa indarrean dago jada Araban eta Gipuzkoan, eta Bizkaia batutak, farmazien eta udaletako gizarte-zerbitzuen arteko lankidetza-sarea, osatu da, EAEko biztanle guztiei eman ahal izateko zerbitzua.
Karga guneetatik erretiratzen ez diren ibilgailu elektrikoek ordaindu beharko dute Iruñean
Neurria abuztuan sartuko da indarrean; horrela, bada, aparkaleku gisa erabiltzen dutenekin amaitu nahi du Udalak.
Bi pertsona salatu dituzte Dantxarinean, kalean bi arma erreplika erabiltzeagatik
Foruzaingoak bi erreplika atzeman ditu; zehazki, subfusil bat eta pistola bat.
Gorroto delituak %13,8 jaitsi ziren iaz Estatuan, baina Nafarroak eta EAEk izan zuten intzidentzia tasarik handiena
Nafarroaren intzidentzia tasa 14 kasukoa zen 100.000 biztanleko, Euskal Autonomia Erkidegoaren aurretik (10,8). Arrazakeria edo xenofobiagatik egindako gorroto delituak izan ziren ugarienak (804), 2023an baino % 6,07 gutxiago zenbatu arren. Aitzitik, antisemitismoarekin lotutakoak igo ziren gehien (% 60,9).
Gallartako ostalaritza-lokal bateko jabeak eta zerbitzaria atxilotu dituzte, droga-trafikoagatik
Lokalaren eta atxilotuen etxebizitzetako erregistroetan, ia 200 gramo kokaina, MDMA dosiak, haxix-bolak eta tabletak, droga pisatzeko eta dosifikatzeko beharrezko tresnak, gama altuko bi ibilgailu eta 411 000 euro atzeman ditu Guardia Zibilak.
Aretxabaletako osasun etxe berriak datorren astelehenean irekiko ditu ateak
Eusko Jaurlaritzak 5 milioi euro inguruko inbertsioa egin du 21 kontsulta eta lau solairu izango dituen zentro berria eraikitzeko. Berritasun gisa, lau solairuetako bat gizarte zerbitzuetara eskainiko da.
Euskadin bizi diren 16 eta 85 urte bitarteko emakumeen ia erdiak indarkeria matxista motaren bat jasan du noizbait
Indarkeria matxistari zifrak jarri dizkio Eusko Jaurlaritzak egindako inkesta batek, eta ondorio nagusia argia da: indarkeria matxista presente dago EAEn bizi diren emakumeen bizitzetan eta egunerokoan, bikote-, familia-, lan- edo hezkuntza eremuan, ez ezik, ingurune birtualean ere.