Tafallako sutea egonkortu egin dute suhiltzaileek
Atzo Tafalla eta Puiu (Nafarroa) artean piztutako baso-sutea egonkortzen hasi dira jada suhiltzaileak, gau osoa lanean eman ondoren. Basozainak eta Larrialdietarako Talde Militarra (UME) ere izan dira zeregin horretan.
Sua atzo arratsaldean piztu zen, segur aski errepidetik jaurtitako zigarro baten ondorioz, eta harrezkero 3.000 hektarea inguru erraustu dira. Une honetan, sua inguratuta dute suhiltzaileek, eta kontrolpean eskuin hegalean. Azken 30 urteetan hektarea gehien erre dituen sutea da.
Nafarroako Gobernuak baieztatu duenez, ez da inor zauritu eta badaezpada bertaratutako anbulantziek ez dute inor artatu behar izan.
Azken orduetan, eraikin bat erre da Artaxoan, baina erdigunetik urrun dago.
Gaurko egunean, eguraldia aurka izango dute. Horrenbestez, sugarren aurka borroka ari diren guztiek lekuan jarraitzea “ezinbestekoa” izango da, sua guztiz kontrolatzeko.
Sua atzo eguerdian hasi zen, Tafallako iparraldean, eta oso azkar hedatu zen, haize indartsuak, tenperatura beroek eta lehortasunak bultzatuta.
Hain zuzen ere, bi gunetatik hedatu zen: Artaxoako ekialdera, batetik, eta Añorbera eta Tirapura, bestetik.
Nafarroako Gobernuak sutearen inguruetara ez hurbiltzea eskatu die herritarrei, eta errepide horietatik zirkulatzen ari diren ibilgailuei ez gelditzea, sutearen aurkako borroka ez oztopatzeko.
Albiste gehiago gizartea
Albistegien denboraldi berria hasi du Euskal Telebistak
Irudi berria, dekoratu berriak eta aurpegi berriak izango dituzte "Egun On Euskadi", "Gaur Egun" eta "Teleberri" albistegiek denboraldi berri honetan. Egiazkotasuna, zorroztasuna eta hurbiltasuna izango dituzte oinarri.
Eusko Jaurlaritzak zortzigarren urtez ospatu du Euskal Diasporaren eguna
Markina-Xemeingo ekitaldiak omenaldia egin dio zesta-puntari; hain zuzen ere, euskararen izena mundu osoko pilota lekuetara eran duten pilotariei.
Erraldoien dantza ikusgarriek Iruñeko katedrala hartu dute, burguen batasuna lortu zuen ituna ospatzeko
Gaur 602 urte izenpetu zuen Karlos III.a Erregeak. San Zernin, Nabarreria eta San Nikolas izeneko burguak batzeko ituna, Iruñea hiria sortuz. Ospakizun ugari antolatu dituzte, tartean, gaur egin den erraldoien ikuskizuna katedralean.
EAEko Justizia Auzitegi Nagusiak berretsi egin du Gipuzkoan 6 urteko haur bati eraso egin zion gizonari ezarritako 20 urteko kartzela-zigorra
2025 hasieran, 20 urte baino gehiagoko kartzela-zigorra ezarri zion Gipuzkoako Auzitegiak gizonari, eta ia bi urtekoa adingabearen amari, erasoak baimentzeagatik. Errekurritu egin zuten epaia baina EAEko auzitegi gorenak berretsi egin dizkie zigorrak.
Nola egokitu hiriak beroaldietarako eta muturreko tenperaturetarako?
Udak gero eta beroagoak eta luzeagoak dira Euskal Herrian EITB Datak argitaratutako datuen arabera. Bilbon eta antzerako hirietan muturreko tenperaturak izan dituzte. Mundu osoan hiriak beroaldiak hobeto igarotzeko egokitzen ari dira eta natura hirietan sartzea da urbanisten gomendio nagusia.
24 urteko gizon bat espetxeratu dute, Usurbilen emakume bati lapurreta egin eta ondoren hura hiltzen saiatzeagatik
Ertzaintzak jakinarazi duenez, joan den larunbatean izan ziren lapurreta eta hilketa saiakera. Igandean atxilotu zuten ustezko erasotzailea, Usurbilgo borda batean.
Gutxienez 4 kilometroko auto-ilarak AP-8an, Zarautzen, Donostiarako noranzkoan
Kamioi bat irauli egin da, eta istripua eragin du errepidean. Ertzaintzak errail bat moztu du Donostiara noranzko errepidean.
Eusko Jaurlaritzak "eskola inklusibo, ekitatibo eta kalitatezkoaren" aldeko mahaia jarri du abian, ikasturte hasieran
Imanol Pradales lehendakariak eta Begoña Pedrosa Hezkuntza sailburuak Etxebarri BHI berrian abiatu dute Eskola Segregazioaren aurkako Itun Sozialaren mahaia, ikasturtearen hasiera ofizialarekin bat eginez.
Eskola-segregazioaren aurkako mahaiak markatu du 2025-2026 ikasturtearen hasiera
Imanol Pradales lehendakariak eta Begoña Pedrosaa Hezkuntza sailburuak eman diote hasiera ikasturteari, Etxebarriko (Bizkaia) BHIn. Ondoren, mahaiaren lehen bileraren buru izan dira. Bileran hezkuntza-komunitateko hainbat eragilek, EAJ, PSE-EE, EH Bildu eta PPren ordezkariek eta sindikatuek hartu dute parte, ELA eta Steilas sindikatuek izan ezik.
Itsasoaren berotzeak hainbat espezieren portaera aldatu du
Kantauri itsasoko tenperaturak hamarkadak daramatza igotzen, eta horren ondorioak nabaritzen hasiak gara. Aztik ia 40 urte daramatza gure kostaldeko datuak biltzen.