Unitate Militarraren laguntza eskatu du Nafarroak Tafallako suteagatik
Nafarroako Gobernuak Larrialdietako Unitate Militarraren laguntza eskatu du, Tafallako inguruetan piztutako sutea kontrolatzen laguntzeko. Suak 2.000 hektarea baino gehiago kaltetu ditu eta, uste dutenez, AP-15etik botatako zigarro batek eragin du.
Foru Gobernutik jakinarazi dutenaren arabera, 18:00etan suteak ipar mendebaldeko norabidea hartu du, hegoaldeko haize-ufada handiek bultzatuta, eta Tiebas eta Artaxona arteko errepidea (NA-6020) zeharkatu du dagoeneko.
Momentuz, suak ez du eraginik izan Nafarroako Autobidean (AP-15), ez Iruñea eta Tutera lotzen dituen errepidean (N-121), ezta Iruñea eta Zaragoza arteko trenbidean ere.
Bi fronte daude gehien bat lanean uneotan. Batetik, aireko baliabideek prebentzio lanetan dihardute balio ekologiko handiena duen gunean. Bestetik, suak Nafarroako iparraldea ez hartzea saiatzen ari dira, Añorbe eta Tirapu herrietara hel ez dadin.
Foruzaingoak egindako hasierako ikerketaren arabera, sua AP-15eko 54,5 kman piztu da, Tafalla parean, eta agenteen ustez, baliteke ibilgailu batetik botatako zigarro batek eragin izana.
18:00etan, Tafalla, Lizarra, Lodosa eta Peralta herrietako eta Suhiltzaile-etxe nagusietako agente guztiak ari dira lanean, eta Sangotzako beste bat ere; 18 guztira.
Bestalde, bi helikoptero, hiru hegazkin (Noain, Agoncillo eta Errioxakoak) eta hidrohegazkin bat (Zaragozakoa) ari dira airetik.
Gainera, hainbat boluntariok ere nekazarik ere bat egin dute.
Zure interesekoa izan daiteke
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
Bikotekideak 13 labankada eman zizkion Maialen Mazoni, "hiltzeko asmoarekin", fiskalaren arabera
Fiskaltzak hiltzaileak 45 urteko espetxe zigorra bete dezala eskatu du, Zigor Kodeak baimentzen duen handiena. Zehazki, 25 urte azpikeriaz eta ankerkeriaz egindako hilketagatik (emakumea labankadaz hil zuen), 16 urte bi abortu delituengatik eta 4 urte adingabea (onik atera zen 2 urteko alaba) abandonatzeagatik.
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.