Ostegunean Tafallan piztu zen sutea itzali dute
Ostegunean Tafalla inguruan piztutako sutea gaur iluntzean itzaltzea lortu dute. Hala ere, suhiltzaile talde bat bertan geratuko da gauean, badaezpada. Suak 4.000 hektarea kiskali ditu.
Bien bitartean, kalteak neurtzen ari dira erakundeak zein Tafalla aldeko nekazari eta abeltzainak. Ikerketari dagokionez, ustez sutea piztu zuen zigarro muturra aztertzen ari da Foruzaingoa.
Egoera baretu den honetan, Foru Gobernuko Ingurumen Departamentuko teknikariak azken 30 urteetako suterik larrienak eragindako kalteak aztertzen ari dira. Mikel Reparaz teknikariak azaldu duenez, 25 bat urte beharko dira ostegun goizeko paisaia berreskuratzeko.
Gainera, soroetan kalteak jasan dituzten nekazarien salaketak biltzen hasiak dira Foruzaingoaren bulegoetan.
Ikerketari dagokionez, Puiun, AP-15 autobidean, aurkitutako zigarro muturra aztertzen ari dira Foruzaingoko sail zientifikoan, sutea hark eragin zuelakoan. Alabaina, zigarro-mutxikina nork bota zuen argitzea oso zaila izanen dela aitortu digu Mikel Santamaria Foruzaingoaren bozeramaileak.
Horrez gain, errepideko trafiko kamerek grabatutako irudiak aztertzen ari dira. Tafallako epaitegiak eta Ingurumen fiskaltzak hartuko dute auzia bere gain.
Zure interesekoa izan daiteke
A-1 errepidea itxita egongo da hainbat egunez Iruraiz-Gaunan, Irungo noranzkoan, kamioi batek su hartu ondoren
Suteak kalteak eragin zituen asfaltoan, eta konpondu egin behar dute. Trafikoa A-3100 errepidetik bideratzen ari dira, Agurainera iritsi baino lehentxeago atzera autobian sartu arte.
Harrera jendetsua egin diete Baionan Olentzerori eta Mari Domingiri
Ohiturari jarraikiz, Errobi ibaian barrena traineruz heldu dira Lapurdiko hiriburura. Opariak ez ezik, euskara eta itxaropena ere ekarriko dituztela azpimarratu dute biek ala biek.
Negu astronomikoa igande honetan hasiko da eta bi eklipse izango ditu
Urtaro berria abenduaren 21eko 16:03an hasi eta martxoaren 20an amaituko da, udaberria hastearekin batera. Eklipseak ez dira Euskal Herritik ikusgai izango.
Bizileku irtenbide bat eskatu dute Gasteizen asilo bila dauden Maliko pertsonentzat
Gaur egin duten protestako bozeramaileetako batek manifestu bat irakurri du, eta gogorarazi du maliar horiek gerratik eta pobreziatik ihes egiteko atera zirela beren herrialdetik, eta itxaron egin behar dutela asilo eskaera izapidetzeko, "gehienetan, urteak atzeratzen direlako gestioak".
Ireki dute berriro AP-1 errepidea, kamioi baten istripuagatik itxita egon ostean
Kamioi batek su hartu du AP-1 errepidean, Iruraiz-Gaunan (Araba), eta errepidea itxi behar izan dute Irungo noranzkoan.
Hemen da San Tomas, urteko feria nagusia
Bilbok eta Donostiak urteko azokarik garrantzitsuenetako bat ospatuko dute igande honetan. Aterkia ezinbestekoa izango da egunean zehar, fronte batek prezipitazioak utziko baititu.
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar kalejira egin aurretik. Abenduaren 23an izango da, eta zuzenean jarraitu ahal izango da streaming bidez eitb.eus-en, 18:30ean, Anabel Arraizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.