Nobel Alternatiboa: Siriako Defentsa Zibila, sarituetako bat
Right Livelihood Award fundazioak 2016ko Ondo Irabazitako Bizimoduaren Saria (Nobel Alternatiboa izenarekin ere ezagutzen da) norentzat den iragarri du gaur. Hauek dira saridunak: Siriako Defentsa Zibila, Mozn Hassan feminista egiptoarra, Svetlana Gannushkina ekintzaile errusiarra eta Turkiako 'Cumhuriyet egunkaria.
Suitzako hiru milioi koroko (320.000 bat euro) saria lauren artean banatuko dute, fundazioak ohar batean jakinarazi duenez.
Siriako gerran zibilak artatzen dituen erakundea da Siriako Defentsa Zibila. Epaimahaiak 2013tik lanean dauden boluntarioen "ausardia, sentsibilitate eta konpromiso humanitarioa" aipatu ditu. Egun 3.000 bat pertsona ari dira Sirian zibilak artatzen eta hiri azpiegiturak berreraikitzen.
Svetlana Gannushkina Errusiako ekintzailearen kasuan, "hamarkadetan giza eskubideen eta errefuxiatu eta migratzaileen alde egindako lana" goraipatu du fundazioak. Aipatzekoa da, haren ustez, Gannushkinak Errusiako "talde ezberdinen artean sustatu duen tolerantzia".
Egipton Mozn Hassan feministak egindako lana ere nabarmentzeko modukoa dela uste du epaimahaiak. Hassan buru duen Nazra gai feministak ikertzeko erakundeak "berdintasunaren eta emakumeen eskubideen alde" egindakoa aipatu du saria banatzen duen fundazioak.
Turkiako egunkaririk zaharrenak, Cumhuriyet-ek, ikerketa kazetaritza "beldurrik gabe" egin izana txalotu du Right Livelihood Awardek. "Zapalkuntzari, zentsurari, kartzelari eta heriotza mehatxuei aurre eginez adierazpen askatasuna defendatu du", nabarmendu du.
Munduko erakunde eta gizabanakoek egindako lan soziala saritzen du urtero Nobel Alternatiboak. Jakob von Uexkull idazle eta eurodiputatu ohiak sortu zituen sariok, 1980an.
Zure interesekoa izan daiteke
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.
Gazteek inoiz baino gutxiago edaten eta erretzen dute, baina Euskal Herrikoak cannabisaren kontsumoaren buruan daude
ESTUDES txostenak egiaztatu duenez, alkoholaren, tabakoaren eta cannabisaren kontsumoak behera egin du Euskadiko nerabeen artean, azken 25 urteetako mailarik baxuenetara. Hala ere, Euskadi kalamuaren kontsumoaren buruan dago 14-18 urte bitarteko adingabeen artean, eta Estatuko mozkorraldien tasarik handiena ere badu.
Albiste izango dira: Eskola jazarpenaren aurkako eguna, klima aldaketari buruzko goi bilera eta abisu horia itsasaldeko arriskuagatik
Gaurkoan Orain-en albiste izango direnen laburpena, bi hitzetan.
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Azken urtean, ziberjazarpena gauzatzeko adimen artifizialaren erabilerak nabarmen egin du gora, hainbat ikerketaren arabera. Gelakideren baten argazki, bideo edo audio bat manipulatuz bideo faltsuak sortzeko erabiltzen da AA, eta sare sozialen bidez zabaltzen dira. Mikel Cerezo gizarte hezitzaile eta adikzioetan adituak adierazi du orain "duela urte batzuk baino askoz bizkorrago" hedatzen direla edukiak, eta ondorioak suntsitzaileak izan daitezkeela.
Dani Alvarezek Euskal Kazetariak Saria jaso du
Dani Alvarez EITB taldeko kazetariarentzat izan da Kazetarien Euskal Elkargoaren aurtengo Euskal Kazetariak Saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohore" bat dela aitortza hau jasotzea. EITBren parte-hartzea duen "Natur Bizia" ikus-entzunezko lana ere nabarmendu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.
Segurtasun Sailak abisu bereziak ezarriko ditu kostaldean ostegunean eta ostiralean, olatuengatik
Abisu horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak izango baitira.