Balorazio 'oso positiboa' egin dute Nafarroa Oinez-eko antolatzaileek
Milaka pertsona izan dira aurten ere Nafarroa Oinez Nafarroako ikastolen aldeko festan, Vianan aurtengo edizioan. Jaialdiaren antolatzaileek egun osoan zehar izandako "normaltasuna" azpimarratu dute, eta oso pozik agertu dira izandako erantzunagatik. Izan ere, oso balorazio "positiboa" egin dute.
BIDEOA: Boluntarioen lana txalotu du Erentzun ikastolako presidenteak:
Gauzak horrela, goizean inauguratu dute aurtengo edizioa, eta Uxue Barkos Nafarroako presidentearen esanetan, gizarteak eta Foru Gobernuak "euskarari merezi duen babes eta ospe sozial" emateko lan egin behar dute, bai gizarteak bai Foru Gobernuak.
Inaugurazio ekitaldian, aurtengo edizioa antolatu duten Ibaialde eta Erentzun ikastoletako ordezkariak izan dira, eta Vianan izan diren agintariei eta milaka pertsonei eskerrak eman dizkiete. Halaber, euskaraz irakasten duten ikastetxe hauen eredua azpimarratzeaz gain, euskalduna ez den Nafarroako eremu honetako ibilbide historikoa nabarmendu dute.
Era berean, ausardia eskatu diete agintari politikoei, ekintza zehatzei esker bi ikastola hauen proiektua sendotzen lagun dezaten, inguru horretan euskarazko hezkuntza-eredu izaten jarraiu ahal izateko.
Inaugurazioan, ohiko zinta moztu beharrean, soka bati tira egin diote Barkos Foru Aldundiko presidenteak, beste zenbait agintarik, hainbat herritako ikastoletako agintariak eta ikaslek elkarrekin, ikastolei babesa erakusteko.
Kilometroak festan erabilitako soka bera izan denez, Usurbilgo Udarregi ikastolako ordezkari batek ere parte hartu du ekitaldian. Amaieran, sokaren bi muturrak elkartu dituzte, Ibaialde ikastolako bultzatzaileak alde batean jarrita, eta Vianako proiektuan parte hartu duen familia bereko hiru generazio, beste aldean.
Jarraian, "Hartu, tenka eta tira" lemapean ekin diote jaiari, Vianako alde zaharrean antolatutako ibilbidean. Hiru kilometro eta erdi inguruko txangoa prestatu dute, lau eremutan banatuta.
Eguerdian, Erentzun eta Ibaialdeko ikasle ohiak omendu dituzte, eta 2017an Nafarroa Oinez antolatzeko ardura izango duen Lesakako Tantirumairu ikastolako ordezkariei eman diete lekukoa.
'Hizkuntza-aberastasunaren eredu'
Barkosek esan duenez, "Nafarroan dugun hizkuntza-aberastasunaren eredu garbiak dira"; beraz, "hizkuntza-normalizazioan aurrera egitea ahalbidetuko diguten politikak bultzatu behar ditugu".
"Oinarrizkoa da errespetuzko jarrerak indartzea, euskara nabarmendu eta sendotzeko. Inolako zalantzarik gabe, gizartea aberasten duen ondasun baliotsuenetakoa da", adierazi du.
Lodosako Ibaialde eta Vianako Erentzun ikastolak zoriondu ditu Barkosek, Nafarroa Oinez antolatzeko egindako talde-lanagatik. Dena den, "lan handia geratzen dela egiteko esan du".
Gaur goizean, beste zenbait agintari ere egon dira Vianan: Foru Parlamentuko presidentea, Nafarroako Gobernuko ekonomia presidenteordea, Hezkuntza, Hiri-Harreman eta Instituzioetarako kontseilaria, Landa-Garapenerako kontseilaria eta Iruñea, Viana, Lodosa, Bargota, Armañanzas, Sartaguda, Andasilla eta Mendavia herrietako alkateak.
Gainera, Arartekoa, Geroa Bai, EH Bildu, Podemos eta PSNko ordezkariak izan dira. Bestalde, Carlos Garaikoetxea lehendakari ohia, Eskola-Kontseiluko eta Iruñeako Mankomunitateko presidenteak, Euskarabideako zuzendaria, Eusko Jaurlaritzako Hizkuntza-Politika, Hezkuntza, Administrazio eta Zerbitzuetako kontseilariordeak egon dira, baita Euskara-Sustapenerako zuzendaria ere.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.