18.851 haur jaio ziren iaz Euskadin, 2014an baino % 2,7 gutxiago
Euskal Autonomia Erkidegoan 18.851 haur jaio ziren iaz, 2014. urtean baino % 2,7 gutxiago.
Datuak lurraldez lurralde aztertuta, Bizkaian izan da beherakada handiena, 9.331 ume jaio baitziren 2015ean (aurreko urtean baino % 4,2 gutxiago); Araban, 3.159 ume jaio ziren (2014an baino % 3,6 gutxiago), eta 6.361 ume jaio ziren Gipuzkoan (aurreko urtean bezainbeste).
Jaiotzen % 81,4tan amak 30 urte edo gehiago zituen. Hala ere, talderik ugariena 30 eta 34 urte bitarteko emakumeena da, jaiotza guztien % 37,7. Ildo horretan, urtez urte gora egiten ari dira 35 eta 39 urte bitartean eta 40 urte bete ostean ama izaten direnen kopuruak; iaz jaiotza guztien % 35,2tan amak 35 eta 39 urte bitartean zituen eta % 8,5etan, berriz, 40 urte baino gehiago. Alderantziz, 25-29 urte bitartekoen jaiotza kopuruak (% 13,3) eta 20-24 bitartekoenak (% 4,1) gutxituz doaz.
Amen batez besteko adina 33,4 urtekoa da. Dena den, nazionalitate espainiarra duten amek 34,1 urte dituzte batez beste eta atzerritarrek, ostera, 30,7 urte. Halaber, 2015ean lehen aldiz erditu dutenen batez besteko adina 32,4 urtekoa da.
Amen nazionalitateari dagokionez, % 19,8 atzerritarrak ziren eta 3.732 haur izan zituzten. EAEn bizi diren emakume atzerritarrek nazionalitate espainiarra dutenek baino lehenago izaten dituzte haurrak: atzerritarren kasuan % 40,6 ziren 30 urte baino gutxiagokoak eta nazionalitate espainiarren artean, aldiz, % 13,2.
Ezkontzatik kanpo jaiotako haurrak 7.838 izan ziren, jaiotza guztien % 41,6 eta 2014an baino % 1,4 gehiago. Bestalde, azken urteetan ezkontzatik kanpoko jaiotzak bikoiztu egin dira.
Iaz neska baino mutiko gehiago jaio ziren, 100 neskatoko 107 mutiko. Erditzeak 18.442 izan ziren eta horietatik 17.959 bakunak, 472 bikoitzak eta 11 hirukoitzak.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.