Gertaera
Gorde
Kendu nire zerrendatik

Zortzi pertsona zauritu dira Erandion, sute batean

16:30ak aldera piztu da sutea, Benjamin Anaia plazako etxebizitza batean. Sutea handia izan da eta garrak seigarren solairuraino iritsi dira.

Ostiral honetan, urriak 28, sutea piztu da Erandioko (Bizkaia) Benjamin Anaia plazako etxebizitza batean eta kea arnastu duten zortzi pertsona erietxera eraman behar izan dituzte.

16:30ak aldera piztu da sutea, eraikinaren hirugarren solairuan. Sutea handia izan da eta garrak seigarren solairuraino iritsi dira.

Gertatutako argitzeko ikerketa jarri dute abian. Antza denez, hirugarren solairuko etxebizitzako areto nagusian piztu da sua. Horren jabeak eta zazpi bizilagunek kea arnastu dute eta erietxera eraman dituzte.

Beste alde batetik, sugarrak itzaltzeko lanean ari zen suhiltzaile bat lurrera erori egin da eta erietxean artatu dute.

18:30ak aldera lortu dute sua itzaltzea.

Zure interesekoa izan daiteke

18:00 - 20:00
ZUZENEAN
Duela  min.

Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan

Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak. 

Gehiago ikusi
Publizitatea
X