Necochea hiria, Argentinako diasporaren bilgune bertako Euskal Astean
Astelehenetik hasita eta igande honetara bitartean (hots, azaroaren 7tik 13ra) Euskal Aste Nazionala ari da ospatzen Argentinan bizi den euskal diaspora. Oraingo honetan, Buenos Aires probintziako kostaldean dagoen Necochea hirian (Argentinako ekialdea) ari da anfitrioi lanak egiten.
1972tik aurrera urtero egiten den hitzordu honek euskal jatorria edota euskal kulturarekiko interesa duten milaka lagun biltzen ditu giro ezin hobean. Aurtengo topaketako egitarauan ekintza ugari biltzen diren aurrean, bada bat beste guztien gainetik nabarmentzen dena: Mintzodromoa.
Aurten lehendabizikoz, mintzodromo bat antolatu dute Euskal Astearen barruan, eta haiei babesa emateko beste bat antolatu dute Euskal Herrian; horrenbestez, Atlantikoaren bi aldeko euskaldun hiztunak sarearen bidez elkartuko ditu azaroaren 12an egingo den jarduera horrek. Bertakoa Zubietako (Gipuzkoa) Araeta jatetxean egingo dute, eta nahi duenak parte har dezake.
Horrez gain, honako hauek dira egun hauetan Necocheako Centro Basko Argentino Euzko Etxea euskal etxean egingo diren jarduerak:
Azaroaren 10ean, ostegunean, sagardotegi eguna ospatuko dute, eta sagardotegi batean aurki daitekeen ohiko menua dastatu izango dute bertaratuko direnek. Ostiralean, berriz, kanpotik datozen ordezkaritzei harrera egin eta beraiekin bazkaria egingo dute. Gure Esku Dago herri-ekimeneko Angel Oiarbidek proiektuko nondik norakoak azalduko ditu. Geroago Kalakan taldeak jardungo du.
Azaroaren 12ko (larunbata) hitzordu nagusiena mintzodromoarena izango den arren, euskal dantzen ikuskizunerako tartea ere egongo da, besteak beste, eta egunari Emon taldearen erromeriarekin emango zaio amaiera.
Biharamunean, igandean, euskal asteari adio esateko ordua izango da. Egunean zehar lore-eskaintza egingo zaio bertan dagoen Gernikako arbolaren kimuari, amaiera-bazkaria egingo da, eta ordezkaritzak agurtuko dituzte.
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.