Epaileak kartzelara igorri du Nadiaren aita, fidantzarik gabe
Gaixotasun arraro bat duen 11 urteko Nadia Nerearen kasua ikertzen ari den epaileak kartzelara igorri du neskatoaren aita, fidantzarik gabe. Halaber, amari neskatoaren zaintza kendu dio eta aske utzi du, karguekin.
Antza denez, gurasoek bere alabarentzat sendabideak aurkitzeko asmoz bildutako dohaintza ez dute erabili neskatoaren gaixotasunera bideratzeko, Esquadra Mossoek ostiral honetan jakinarazi dutenez. Ustez, 600.000 euro inguru beste erosketa batzuk egiteko bideratu dituztela ziurtatu dute.
Esquadra Mossoek ohar baten bidez jakinarazi dutenez, polizia-kontrol batetik ihes egin ostean atxilotu zuten Fernando Blanco, asteazkenean. Bere alabarentzat sendabideak aurkitzeko asmoz bildutako dohaintzetan ustez iruzur egin zuela zabaldu zenean, Esquadra Mossoek hura bilatzeko polizia-kontrola ezarri zuten. Blancok 48 ordu zeramatzan desagertuta eta etxetik agertu gabe, eta gezurra esan omen zuen Madrilera egin beharreko bidaia bati buruz.
Blanco atxilotu zutenean, gainean jaurtigairik gabeko arma bat eta errifle kartutxoa zeramatzan. Seu d'Urgelleko (Lleida) 1 zenbakiko epaitegiko titularraren aurrean ostiral honetan deklaratu du, bi orduz.
Nadiaren gurasoak 2008an hasi ziren bere alabarentzat sendabideak aurkitzeko dohaintzak biltzen. Hala, 918.000 euro inguru lortu zituzten neskatoaren gaixotasunera bideratzeko, baina Esquadra Mossoek jakinarazi dutenez, ustez, 600.000 euro inguru beste erosketa batzuk egiteko bideratu dituzte.
Fernando Blanco eta Marga Grauren kontu korronteko datuak aztertu ostean, Mossoek ondorioztatu dute urte hauetan bildutako dohaintzak Nadiarentzako sendagaiekin zerikusirik ez dituzten beste produktu batzuk erosteko bideratu dutela diru gehiena.
Asteazkenean Nadiaren gurasoen etxea miatu zuten Esquadra Mossoek. Bertan, marihuana, 1.845 euro eskudirutan eta luxuzko produktu ugari aurkitu zituzten: 32 erloju (merkatuan 50.000 euroko balioa dutenak), estilografiko bat, ordenagailu bat, hiru tableta eta hiru telefono mugikor.
Fernando Blanco (52 urte) atxilotu zutenean, gainean jaurtigairik gabeko arma bat eta errifle kartutxoak zeramatzan. Gainera, 1.450 euro eskudirutan, luxuzko bi erloju eta hainbat gailu elektroniko zituen.
2000. urtean lau urte eta hamar hilabeteko kartzela-zigorra ezarri zioten Blancori, iruzur egitea eta dokumentazioa faltsutzea leporatuta. Kasu horretan, 120.000 euroko kaltea eragin zuen lan egiten zuen enpresan.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.